NEHEMI 5:13 - Boy Lonana

¹³ An hin ɗoɓ koɓoɗ manda liiɗ ma homina ki hin di ana, «Ni ko ndaɗta na Lona hin kizik sa ma vam boy mamma kaɗina ki eg ziim day lay, eg tlegeyem day lay. Sa namma hin kizikim ki ni ko ndaɗta na ka hinim va kombi.» Suu tokina halaŋ di ana, «Amin» hin geleɗ Yawe. Suuna hin li dlara daɗ kira.

NEHEMI 5:13 ပူးပေါင်းရင်းမြစ်များ

2 MULINA 23:3

Mulna col ki kolo u sem eg mbal ma coli duk hu Ziŋ Lonarana, nam mbuɗ Galamba ki wili daŋgadla u Yawe. Gegelay ni mba li ki ɗegee fok Yawe a hum u gaɗ mamba u hurum halaŋ u saa mamba halaŋ, hum u haɗ mamba may u dlara ɓiirira halaŋ, li uɗ may. Hum u dlara ɓiiri hu magaara galam ndaɗtara halaŋ. Suu tokina halaŋ vi haɗ ndaɗta kasi halaŋ a li uɗta may.

1 DLAŊ MULINARA 16:36

Gi deɓpa maŋ Yawe, Lona vi suu Israelna, ay jew day a fafaɗta, ni a fafaɗta.» Suu halaŋŋa di ana, «Amin,» hin, «Gagi deɓpa maŋ Yawe.»

NEHEMI 8:6

Ezdra gi deɓ Yawe, Lo ma ŋgolna. Suuna halaŋ hoŋ dira ana, «Amin, Amin» yow kosi koloo. Asi hin cok yasi kaŋga goɓ kaŋga fok Yawe, vogosi kay ndaŋgara.

SOOLLA 119:106

An suu tanu, an li u suu manda may, an min a li u boy maŋ ma ɗegeena.

SOOLLA 50:14

Ɓivun ma agi lam maŋ Lonna ni ŋgara ŋgaamba, dlara aŋ di ki u vunuŋ ana, aŋ laɗ maŋ Lonara, aŋ laɗu.

SOOLLA 76:11

Yara vi suu warna lay ka takaŋ ki ni bibiŋil maŋga, suu suɗ ay ki fun duunana ka furiya.

VUN ŊGOLNA 28:4

Suu ka min a li u gaɗtaɗina ŋga ni suu li dla cora. Suu min hum u gaɗtana duurusi may.

DI BOLLA 5:5

Hin vunuŋ a vaŋ u ɓakŋaɗi. Ka aŋ di maŋ sa vun sunda vi Lona ana, «Boy maŋ namma ka jiviɗi» naɗi. Kay Lona hurum hin ɓeŋ kay boy ma aŋ dam namma, ɓalakaŋ sunda aŋ laɗ u bik koŋga kiyo.

NDUMBA 5:22

Yo ma givun ma kon wanna hin kal huruku hin gisik hayak ki ni namu, sook pook ki may. Cara hoŋ dira ana, Amin, amin, ni na daŋ may.

MATIYE 10:14

Agi sel hu zi ma asi ka min vagi varasiɗina wa ni, ka min a humugi vunugiɗi lay ni, tuɗugiya, poogi gugum ma segina kaki hu zi namma.

SUNDA 13:51

Suu mba' asina ko gugum ma sesina ki ko ni hinisi tuɗ hu Ikonium.

SUNDA 18:6

Ni asi suu Juifna min a vam boy mammaɗi, ŋgulummi ŋguli na ɗow ɗow, nam kisik gugum baraw mamma ki irisi dasi ana, «Lini agi ba ki wa coogira ni kay yagira eŋga, ndolon ka duk oloɗi. An hin cecemi tuɗ ni eg njaf suu daŋŋa.»

1 KORINTNA 14:16

lini aŋ gi deɓ Lona u ŋgus maŋga huruŋ ɦawa na, sa ma kaki a humba ɦawa duk suu tokina hin di ana, «Amin,» u gi deɓ maŋga ni nanage? Nam ka ndak a wi va ma aŋ dammaɗi.

1 SAMUEL 15:28

Samuel dam ana, «Yawe ɓaɗaŋ mulla Israella ki koŋ wa. Karam nam hin ɦaɗ ki maŋ sa daŋ ma jivi suuŋŋa.»