NEHEMI 5:10 - Boy Lonana

¹⁰ An tanda lay, gorsenna u suu man suu li sunda lay ami ndasi gursuna u wa blena kasiya. Ami hin hinisi bal namma kiyo.

NEHEMI 5:10 ပူးပေါင်းရင်းမြစ်များ

NEHEMI 10:32

Lini suu hu mbassana mbay u tlesuu gussa u wana hu buu ma Sabatna, ami ka gususi va kosi na nde hu buu ma Sabatnaɗi, hu buu ma luunaɗi lay. Hu basara kiɗisiyara ami hin hin ndaŋgara u bal ma kasina u deerem zeɗ zeɗ.

NEHEMI 5:11

Agi hoŋosi sene masina u gugutlu masira, ŋgusu cono masira u ziisi ki karam gaw u gursuna, wa blena, sum veŋ ma wilina u mbulna suu agi ɦasisina kasi balnana.»

NEHEMI 5:7

Saara mba hurun a hal voɗta yal suu ɓii magaara, suu kaɓakŋa. An hin dasi ana, «Ni dlara nekka agi tlaɗ kay suu wanna u suu hiŋŋara.» Olo, an hin yasi hu tokka ŋgolla.

NEHEMI 5:9

An hin di ana, «Dlara agi laɗta ka jiviɗi. Agi tuɗ ni ka u ndaa ma lam u Lonanaɗi su? A doo zolo ma vi suu babali maygisinana kiraɗi su?

SOOLLA 15:5

Nam ka ndi gursu mamba ki u mboɗi. Nam ka vi gursu ko sa a mbuɗ ɓak ma vi sa ma ɗegeena ki coɗi. Sa ma li nana ka ndi ki ga hu dlaɗi.

EZAYI 58:6

Laara an miniɗta ni ko wandara na. Buɗ zew yara hurugira kiyo, fokogi zew nek dlaagira cora kiyo, hin suu li sunda fokogina ki buɗiya, lassa agi las suu fokogina halaŋ hiniɗ kiyo.

EZEKIYEL 18:13

Nam ndi tlena ki kay suuna ni a mbona, ndi tlena ki cocoo. Nam ka iiri may, hin ka kak iiri ta taɗi. Nam li dlara ka u voɗoɗira cocoo. Na daŋ may nam hin miɗa. Busuɗum hin hoŋŋi kamu.

EZEKIYEL 18:7

Nam ka li mbeleŋ ma yow va vi sa ki ɗi. Nam hoŋ va ma nam deŋem ka balnana kiyo. Nam ka kulɗi. Nam ɦal fuumma ki maŋ suu mayra casina. Sa ma ki siilina nam ɦam barawna egemu.

EZEKIYEL 18:8

Nam ka ndi vaam kay sa a mboɗi, nam ka ndi tlena u mbo cocoɗi lay. Nam ka tin kom eg dlara guniɗi. Nam ka ii ɓak ma ndi duk hoŋ suu mbana ni u gasira.

MISE 2:1

Hahawra ka kay suu njay boy ma cona kina, suu hal dlara cora ay kaŋga kay lay masi ma buuna layna. Ŋgarpii wanni asi li dla ndaɗta kay ana saɓakŋa ni kosiya.

2 KORINTNA 5:11

Aygi waygi dla mayra di ana li ndaa Bu Suunara, ni ay hal a vi suuna. Lona waygi ki ɗal ɗal an saa ana u hurugi lay, agi tagira wanni na lay.

2 KORINTNA 5:20

Ami varak balam Kristu a di boyna ko Lona u tamba yagi funumira na. Ami cenegi u sem Kristu hinigi taɓ duk hoŋogi u Lona.

2 KORINTNA 6:1

Ami suu li sunda u Lona ami joɓogiya, hinigi oora vi Lona ta agi famba komba ba kiɗi.

GA 8ATAMBARA 15:2

Gola agi a bulum balna kira ni ko wandara na. Sa ma ka balna ay kay ndaram ma vok zinana, bulum bal namma ki ni u min mamba, nam ka li dla ndaɗta u hurum mba mba eg ndaram ma vok zina, ɗowba eg wayammaɗi. Kay ana ay di dlara bulum balna ndaɗta ki ni fok Yawe.