NEHEMI 3:15 - Boy Lonana

¹⁵ Sallum ma goŋ Kol-Hozena li sunda ni hu vun grek ma Goloŋga. Nammi mulna kay ii ko ma vi Mispana. Nammi sa minimma, malam yam ki lay, hin gam cogoromma funum u erje ma dukum una mayna. Gulumun ma fun hurgukka ma ɓaɗ tew ha ki hu li ma mulna vi sene ŋgusugina huna ta ta tew ha ki hu voɗta col ay hu Ҥoŋzi Davidna nara.

NEHEMI 3:15 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 9:7

«Tuɗ mbus iriŋ ay ki hu goloŋ ma yam ana Silowena,» (sem namma ni ana sun aya). Sa dugina tuɗ mbus irim mbusni, hoŋ ay na ni mbuɗ wi gaw.

EZAYI 8:6

«Suu asina ka min mbo ma hu Siloe ma ɓaɗ ɗil ɗilnaɗi, asi furi ni fok Ressin u goŋ Remaliyana.

NEHEMI 12:37

Hu vun grek ma Goloŋga fokosi na gay ni asi tew ki ni hu Ҥoŋzi Davidna kolo kay gulumunna kay zira vi Davidta ta ta tew ha ki hu vun grek ma Yona ma u maɗiina na.

Boy Ma Ayra Ma LUK Ɓiirimma 13:4

Suu doogo yam kalavandina suu zira Silowe bow kasi casi kina, agi saa ana ni suu co su suu Yerusalemma bel su?

NEHEMI 2:14

An tli voɗta hu vun grek ma Goloŋga, tuɗ fun mbo ma vi mulnana na, kulum ma an ay fuli kamma fi li ma kalla kaɗi olo.

JEREMI 40:6

Na ɗaŋŋi Jeremi tuɗ Mispa eg Gedaliya ma goŋ Ahikamma. Nam kak u nam duk suu hin ka hu mbassa tuna.

NEHEMI 3:14

Malkiya ma goŋ Rekabma li sunda ni hu vun grek ma Zirgiɗna. Nammi mulna kay ii ko ma vi Bet-Kerem maa dew. Nammi sa minimma, hin gam cogoromma funum u erje ma dukum una mayna.

NEHEMI 3:12

Keŋem na ni Sallum ma goŋ Halahekŋa ka li sunda. Nammi mulna kay ii nus ko ma Yerusalem maa dew. Nam ko tam u goryom suu gorɓiina.

NEHEMI 3:9

Keŋesi na ni Refaya ma goŋ Hurna ka li sunda. Nammi mulna kay ii nus ko ma Yerusalem ma dew.

NEHEMI 3:7

Keŋesi na ni Melatiya ma Gabaonna u Yadon ma Meronotna ka li sunda. Asi ni suu Gabaon u Mispa suu tok eg ziŋ mul ŋgol ma zi ma ŋgoo lumma Efratana.

2 DLAŊ MULINARA 32:30

Ezekiyas gi voɗ mbo ma ay hu lokka Gihonda tuɗum a ɓaɗam ay ki ga hu Ҥoŋzi Davidna ni namu. Ezekiyas dlara nam laɗta bel ni nam faɗu.

2 MULINA 25:4

Asi co ii gulumunna. Suu asgaarina halaŋ pii kiyo, cuk ki hu vun ma duk hoŋ gulumunnana duk njeŋgera hu sene ma vi mulnana na. Suu Kaldena ŋguf kay gulumunna cutl na may asi cuk kiyo. Asi tli voɗta tuɗ ɦudugumba Yurdanda na.

SUU KAƁAKŊA 20:3

Dee suu vi Benjaminna hum ana suu Israelna halaŋ tok ki hu Mispa. Suu Israelna joɓ ana, «Dami ay gige u dlara ci maɗ ndaɗta col ni ana mege?»

SUU KAƁAKŊA 20:1

Suu Israelna halaŋ ko ndal sa ma dewna na cuk ay ki tok tasiya col ha Dan ta ta Berseba u suu hu mbassa Galaadta halaŋ fok Yawe hu Mispa.

NEHEMI 2:17

An dasi ɗaŋŋi ana, «Agi gologi dlara hahawra aygi ka dukuɗ wanda gige. Kay ana Yerusalem ki ɓeŋiya. Vun grek maɗna ki ŋgali lay. Tuɗuygi miniygi gulumun ma Yerusalemma, ka mbuɗuygi ki va ma zolonaɗi.»

NEHEMI 3:19

Ezer ma goŋ Yesuana li sunda keŋemmi namu, mul ma Mispana. Ni hu ii ko ma a mbarana col ha kay li ma fun tam u li ma dli ɓagina huna ii gun gulumunna.

DI BOLLA 2:6

An gi zulla vo mbona a yorokom u ŋgusugi man suu gori asina lay.

2 SAMUEL 5:9

David kak hu li ma saɓakŋa. Nam hin yi li namma ana, «Ҥoŋzi Davidna.» David hin min gulumunna ŋguyum ma ki kam col ay hu Millo day tew ki kaŋga wa to kurufu.