NEHEMI 12:43 - Boy Lonana

⁴³ Hu buu namma ni asi li ɓivun ma ŋgolona ɦay, li furira ɦay lay kay ana Lona ɦasi furira ŋgolla. Boyogina u kem gorira li furira lay, furira Yerusalemba hum ha ki hu lina day day lay.

NEHEMI 12:43 ပူးပေါင်းရင်းမြစ်များ

EZDRAS 3:13

Na ɗaŋŋi suuna ka ndak a ɓorow ii vun ma suuna lam a furirana ki u tii ma vi suu bolownanaɗi, kay ana suuna yi kolo u delesi li furira ni hum ha ki na day lay.

SOOLLA 92:4

U diffa lay u diŋŋa lay u tlesuu bura zeɗ zeɗ lay.

JEREMI 31:13

Na ɗaŋŋi gorɓiina luu njoŋŋa, li furira, gor zoŋŋina lay, suu maarina lay. An mbuɗusi hahaw masira ki furira. An ɦasi saɓakŋa. An mbuɗ suu hurusi ki ɓeŋina li furira.

Magaara JAK Ɓiiriɗta 5:13

Sa maa dukugi ka wihaw su? Nam joɓ Lona. Sa maa dukugi ma furi ka su? Nam gi soolla geleɗ Lona.

EFESNA 5:19

Njunugi tagiya tagiya, u soolla, gi soolla geleɗta u soolla Musukka, gi soolla geleɗ Bu Suuna, geleɗem u hurugi halaŋ.

Boy Ma Ayra Ma JAŊ Ɓiirimma 16:22

Cecemmi agi hu yoora ni na may. Agi wan wa ni, hurugi hin furiya, furi magi ndaɗta sa ndak ka a ɓaɗagira ki kogiɗi.

MATIYE 21:15

Muli suu li ɓivunna u suu wi magaara gaɗta wi dlara mbuɗta nam laɗta u dlara kemba sawalla hu zira ana, «Geleɗta maŋ Goŋ Davidna» may ni, asi hurusi ɓeŋ ki cocoo.

MATIYE 21:9

Suu fok Yesuna u suu ŋgorom daganna sawalla kolo ana, «Geleɗta maŋ Goŋ Davidna. Lona paɗ vunum ki kay sa mbay u sem Bu Suuna. Geleɗta maŋ Lo ma kolona.»

JEREMI 33:11

della yi kolo u furira, luu ma jivina lay, gi soolla u furira ko ndal suu ɗum tasi wilina na lay, ko ndal suu mbay u ɓivunna u furira hu Ziŋ Yawera di ana, «Ŋgaagi Yawe ma Saɓakŋa Kom Belna kay ana nam jiviya, ɗegee mamba ni a fafaɗta.» Gasi an hin hoŋ mbas ndaɗta kolo balamaɗu. Ndaɗ hin hoŋŋi hu balamaɗ ma jewna. Yawe di na.

EZAYI 61:3

A ɦal jumba furira maŋ suu hu Siyon suu ka yoona, kay balam buɗ masina. Ҥasi mbul ma his jivina, ka yoora oloɗi. Cukusi baraw ma ŋga tara, ka baraw bolna oloɗi. Asi hin yasi ana, ɦoy ma suuna ŋga Lona u namma, sene ma vi Yawena, ma suuna ŋgaam u namma.

SOOLLA 28:7

Yawe ni sa ma golonna, nammi mbari manna, hurun tini ni kam dew, nam njunun wa. An ŋgaam u hurun halaŋ, an gam deɓpa u soolla.

SOOLLA 27:6

Cemi ni yan ki tli koloo, kay suu babali man suu ŋguyunna halaŋ. An li ɓivunna hu ziimba ni u soolla furira, gi soolla maŋ Yawe.

JOB 34:29

Lini nam seŋ tam ki wa ni sa ma hin kaasi ɓakŋa kasina ni gege? Lini nam kuluɓ irim ki wa ni sa ma hin wasina ni gege? May Lona ka saa kay njaf suuna ko sa warna na.

2 DLAŊ MULINARA 20:27

Suu Yudana u suu Yerusalemma u Josafat sa ma fokosina hoŋ ay vo Yerusalem u furira kay Yawe mbuɗusi furira fok suu babali masisina.

2 DLAŊ MULINARA 20:13

Suu hu mbassa Yudara halaŋ boyogina u kemba lay, coli u sesi fun Ziŋ Lonara bel bel.

2 DLAŊ MULINARA 7:10

Ŋgoo dagan buu ma dok-mba' yam hindina hu til ma kiɗisiyana ni mulna njay suu Israelna ki voo. Asi tuɗ vo ni u furira. Hurusi li furira coco kay ana Yawe takasi jivi mamba ki egesi coco ɦay. Tak oo mamba ki kay David, kay Salomon, kay suu mam suu Israelna halaŋ.

1 SAMUEL 4:5

Doli ɗini hu buu ma Zandukka Galamba vi Yawera mba hu kaŋŋa may ni suu Israelna halaŋ mbuɗ ki saɓakŋa, tum soora, ndaŋgara dlaki lay.

NDUMBA 10:10

Hu buu ma agi a li furira ko ndal luu ma vun tilna na, ɗowba luu ma daŋŋa, buugi tokolomma hu li ma agi a li ɓivun ma ŋgalam kina u ɓivun ma mbaa heɓpana. Ni, an humun hin gan kagiya. Anni Lona, Yawe magina.»

NEHEMI 12:42

Maseya, Semaya, Elazar, Uzi, Yohanan, Malkiya, Elam u Ezer. Suu gi soolla tak tasi ay ki u delesira gi soolla u Izrahiya sa ŋgol masina may.

SOOLLA 9:2

Yawe, an gaŋ deɓ u hurun halaŋ. An min takaŋ dlaaŋga mbuɗ mbuɗta ki maŋ suuna halaŋ.

NEHEMI 12:27

Kay luu ma lam kay gulumun ma Yerusalemma, asi tuɗ hal suu Levina ay ki hu lina halaŋ halaŋ a mbaasi ay ki Yerusalem a li luuna u furira, gi soolla geleɗta, bu tlesuu luuna uɗ may.