NEHEMI 12:30 - Boy Lonana

³⁰ Muli suu li ɓivunna u suu Levina mbuɗ tasi ki teteɗ, mbuɗ suuna ki teteɗ, vun grekŋa u gulumunna lay.

NEHEMI 12:30 ပူးပေါင်းရင်းမြစ်များ

URA TIN AYRA 35:2

Yakob di suu vo varamma u suu tuɗ ay umma lay ana, «Cukugi loogi suu vi suu daŋŋana suu ay kogina kiyo. Lagi tagi ki teteɗ, cukugi baraw ma wilina tagiya.

1 DLAŊ MULINARA 15:14

Suu li ɓivunna u suu Levina mbuɗ tasi ki teteɗ ɗaŋ a tli Zandukka vi Yawe, Lo ma vi suu Israelnana.

2 DLAŊ MULINARA 29:34

Na may hu li ma muli suu li ɓuvnna ka bolow a zi tle asinaɗi ni, gorsesi suu hu njaf Levina njun usi a zi tlena kira ta ta daɓ sunda kiyo ta ta hu li ma muli suu li ɓivunna li tasi ki teteɗna.

2 DLAŊ MULINARA 29:5

Ni kay a dasi ana, «Humungi vunun haa, agi njaf suu vi Levina, cemi wanda ni danagi tagi ki na teteɗ. Lagi Ziŋ Yawera ki na teteɗ may. Nammi Lo ma vi somoyogina. Tlesuu njenje suu hu Ziŋ Lonarana yowogisina ki bel bel.

EZDRAS 6:21

Ko ndaɗta na ɗaŋŋi goryoŋ Israel suu yowosi ay ki mbaɓurana ti ko tasi u suu egesi suu bus dukusi ki u suu bay wi boy Lona tuna a hal Yawe, Lo ma vi suu Israelna.

NEHEMI 12:29

Ay hu Bet-Gilgal day u ɦoŋzi ma bagi ma Gebana, ma Azmavetna, kay ana suu gi soolla min ziisi ki ni ŋguy kay Yerusalem.

NEHEMI 13:22

An di suu Levina olo ana asi mbuɗ tasi ki teteɗ a mbay gol vun grekŋa a li u buu ma Sabatna may. Kay dla ndaɗta may ni humuŋ gaŋ kanu, Loonna, wan hahawan u ɗegee maŋga ŋgolla.

NEHEMI 13:30

An mbuɗusi ki teteɗ u suu koyogina an hin tinisi fun sun masira, muli suu li ɓivunna, suu Levina, gegelay fun sun mamba.

JOB 1:5

Hu li ma luuna daɓ ki wa ni, Job yasi ay halaŋ mba li ɓivunna ki kasiya. Nam col kolo maɗii fedet li ɓivun ma ŋgalam ki ŋgalina ki kasi dew dew halaŋ kay nam ɓak tam ana, «Kala goryon li dla cora ŋgul Lona hurusi kurufu wa kala ni, an wiɗi.» Job ka li ɓivun ma namma na tew tew.

KALKIRA 19:10

Yawe di Moiz ana, «Tuɗ eg suu Israelna asi li tasi ki teteɗ karami, vinni asi mbus barawi masisina ki may.

KALKIRA 19:15

Nam di suuna ana, «Hu buu ma hindi cana ni agi lak juɓpa, sa ŋgen tam eg caambaɗi.»

HEBRENA 5:1

Mul ŋgol ma li ɓivunna manammi duk suuna kay a li sunda vi Lona kasiya. Nam mba ɦala kay a li ɓivunna kay cora vi suuna.

HEBRENA 5:3

Kay nammi sa maŋina nam ka li ɓivunna ni kay cora vi suuna holɗi, kay mam namba lay.