NEHEMI 12:27 - Boy Lonana

²⁷ Kay luu ma lam kay gulumun ma Yerusalemma, asi tuɗ hal suu Levina ay ki hu lina halaŋ halaŋ a mbaasi ay ki Yerusalem a li luuna u furira, gi soolla geleɗta, bu tlesuu luuna uɗ may.

NEHEMI 12:27 ပူးပေါင်းရင်းမြစ်များ

1 DLAŊ MULINARA 15:16

David di suu ŋgolo suu fok suu njun suu li ɓivunnana ana asi tin gorsesina hu sunusi a gi soolla u tlesuu bu suu gi soolla, a buusi ki kolo eŋga a li furira.

2 DLAŊ MULINARA 29:30

Ŋgoo dagan mulna Ezekiyas u muli suu ŋgolo suu umma halaŋ di njaf suu vi Levina ana, asi ŋga Yawe u boy ma vi Davidna u ma vi Azafna, sa ma wi fokomma. Asi halaŋ ŋga Lona u hurusi ma furira. Ŋgoo dagan asi girif kaŋga goɓ Yawe.

2 DLAŊ MULINARA 5:13

Suu bu tokolomma u suu gi soolla li ni ko tasi na dew. Asi hum tasi cocoo, taɓi ni ko tasi na dew a geleɗ Yawe, ŋgaam may. Hu li ma tokolomma u diŋŋa u dadarina gijaŋ bura wa ni, asi geleɗ Yawe di ana, «Kay nam jiviya, ɗegee mamba ha ni na gak gak.» Huu Ziŋ Lonara oy ki u ɗugulla.

1 DLAŊ MULINARA 15:28

Suu Israelna halaŋ tli Zandukka Galamba vi Yawera, tum soora uɗ may, bu tokolomma may, bu diffa may, bu diŋ ma zewem kalavandina may.

GA 8ATAMBARA 20:5

Suu may suu ɓii sem suu duuna hin ɓakasi ana, «Dukugi ni sa ma min zira wili, bay buu huruɗ tu ka su? Sa namma li kaa ni hoŋ voo, ka a suuna cam ha ki fun duuna, sa daŋŋa hin buu ka hu zi ndaɗtaɗi.

1 DLAŊ MULINARA 15:12

Nam hin dasi ana, «Agi ni suu ŋgolo suu fok suu vi suu Levina. Mbuɗugi tagi ki teteɗ, agi u gorsegina, hoŋogi Zandukka vi Yawe, Lo ma vi suu Israelnana, ki hu li ma an miniɗna kaɗna.

1 DLAŊ MULINARA 15:4

Nam tok goryoŋ Aaronna ay u suu Levina lay.

WIRA ŊGAYRA 5:8

Nam vi magaara vini, tlesuu iiri suu fiɗina, u suu ŋgolo suu dok mba' yam fiɗina mba goɓ kaŋga fok Goo Timiina. Dukusi ni gegelay ni u diŋ mamma komu, u tassa ma lorra oy u mbul ma his fayatna, tle asina ni cenda vi suu vina vi Lona.

FILIPINA 4:4

Furiyugi hu Bu Suuna na gak gak an di olo furiyugiya.

SOOLLA 149:3

Ko asi ŋgaam sem u njoŋŋa, asi bu diŋŋa u dadarina.

SOOLLA 30:1

Soolla vi David kay a mal vun Ziŋ Lonara.

NEHEMI 11:20

U suu Israel suu hinna, muli suu li ɓivunna, suu Levina ay ki hu ɦoŋzi ma Yudana halaŋ, gegelay hu liim ma ti jona.

NEHEMI 8:17

Suu tokina halaŋ, suu hoŋ ay ki hu mbaɓurana, min mbutluɓma hin kak hurumu. Doli ɗini ay hu cokira vi Josuwe ma goŋ Nunnara ta ta karammi goryoŋ Israelna li dla ndaɗta kaɗi. Ni furira ŋgolla.

EZDRAS 6:16

Goryoŋ Israelna, suu li ɓivunna, suu Levina u suu yowosi ay mbaɓurana usira hinda li furira mal vun Ziŋ Lonara ɦay.

2 DLAŊ MULINARA 7:6

Muli suu li ɓivunna col ki hu liisi ma sunda halaŋ. Njaf suu vi Levina ka u tlesuu bura kosi may a geleɗ Yawera, tle asina lasi ka ni mulna David a geleɗ Yawera ana, «Kay ɗegee mamba ha ni na din din.» Hu li ma David ŋga Lona u tle asina ni muli suu li ɓivunna bu tokolomma gaw may. Suu Israelna halaŋ yow ki kolo u sesiya.

1 DLAŊ MULINARA 26:31

Kay suu vi Hebronna, Yeriya ni sa ŋgol ma fokosina. Asi hal u dlara ay hu dee masira hu basara vi David ta mulla ta dok-fiɗira. Asi hin fi suu dlasi ŋgolona dukusi hu Yazer ta Galaadta.

1 DLAŊ MULINARA 23:5

Suu juɓ u vun zira 4,000 may. Suu geleɗ Yawe u tlesuu bura suu David di kasi ana, nam minisi a geleɗem u wanna.

1 DLAŊ MULINARA 16:42

Suu asina ni Heman u Yedutun. Asi u tokolomma kosiya, tlesuu bura kosi a tuɗ u soolla geleɗ Lonara. Goryoŋ Yedutunna hinisi ki ni a kak vun grekŋa.

1 DLAŊ MULINARA 16:5

Azaf, sa ŋgol ma fokosina, Zakari ma kam a mbarana, olo Yaziyel, Semiramot, Yehiyel, Matitiya, Eliyab, Benaya u Obed-Edom, Yeyel bu diŋ ma zewem kalavandina u diffa deleɗ goora komu, Azaf bu tlena kolo eŋga may.

1 DLAŊ MULINARA 13:8

David u suu Israelna halaŋ luu njoŋŋa fok Lona, gi soolla may, bu diŋŋa u diŋ ma zewem bolowna may, dadarina may, tlesuu bu suu daŋŋa u tokolomma may.

2 SAMUEL 6:12

Asi mbay di mulna David ana, «Yawe paɗ vunum ki kay ziŋ Obed-Edomma u tlesuu varamma halaŋ kay Zanduk Lonara.» David tuɗ ɗaŋŋi tli Zanduk Lonara ay ki hu ziŋ Obed-Edomma tuɗuɗ ki hu Ҥoŋzi Davidna u furira.

GA 8ATAMBARA 16:11

Ni hu li ma Yawe Loogina manam tin sem huna, agi hin laɗ u furira fok Yawe Loogina u goryogi suu njufiina u gorɓiina u suu sun magi suu njufiina u boyogina u njaf suu vi Levi suu cuki dukugina, koyogina gor suu kuyuna u boyogi suu dono suu dukugina halaŋ.

1 MULINA 8:63

Salomon ŋgaɗ mbutlugina 22,000, timigiina u ɦugunina na 120,000 a li ɓivun ma taɓ dukka. Ni kay a mal vun Ziŋ Yawera ŋgolla.

2 DLAŊ MULINARA 29:25

Nam cuk njaf suu vi Levina kalafi hu Ziŋ Yawera ni u tlesuu bura zeɗ zeɗ diŋŋa u gi dadarina ko ndal David dira na, u dira vi sa ma jok vun Lona, Natan u Gad, sa vi mulna ma wi dlara li ha fokkana. Kay gaɗ ndaɗta col ay ni ko Yawe fun suu mam suu jokom vunumma.

NEHEMI 12:43

Hu buu namma ni asi li ɓivun ma ŋgolona ɦay, li furira ɦay lay kay ana Lona ɦasi furira ŋgolla. Boyogina u kem gorira li furira lay, furira Yerusalemba hum ha ki hu lina day day lay.