NEHEMI 10:37 - Boy Lonana

³⁷ Goryoygi suu vuɗ jewna, gor yoori maygi suu vuɗ jewna lay ko ndal ki ɓiiri hu gaɗtara na, kay gor yoori maygi suu gori suu vuɗ jewna, gor yoori suu ŋgolo suu vuɗ jewna lay mbaasi ay kay sun Ziŋ Looyginara, maŋ muli suu li ɓivunna a li sun Ziŋ Looyginara.

NEHEMI 10:37 ပူးပေါင်းရင်းမြစ်များ

DLAŊ LEVIRA 23:17

Aragelay li ma agi cuki huna ni agi mbaa funa ay mba', fu ma yam u fuɗta kelewna hindi, ni fu ma kuffa dukumma. Ni yam wa ma ne ki jewna maŋ Yawe.

NDUMBA 18:21

Yawe di ana, «Gola goryoŋ Levina an ɦasi keŋ ma doogona ma suu Israelna taaram ayna ni masi halaŋ, ni a warak masina kay sunda asi ka laɗ hu Mbutluɓ ma Tokkana.

NEHEMI 13:9

An hin di olo ana mbuɗ ziginina ki teteɗ. An hin yow tlesuu sun suu hu zira vi Lonara aya, tlesuu ɦasi ɦawana u mbitla.

NEHEMI 13:5

Nam min zira ŋgolla. Asi ay jew cuk tlesuu ɦasi ki ɦalla ɦawarana huwa, mbitla, tlesuu sunda, nus fuɗ wa ble ma doogona, sum veŋ ma wilina u mbulna suu ɦal voɗta ki kasi maŋ muli suu li ɓivunna, suu gi soolla u suu kak fun zira u tlesuu yowosi ay maŋ muli suu li ɓivunnana lay.

GA 8ATAMBARA 26:2

agi yow yam tlegeyegi suu ne ki fok jewna halaŋ suu fuɗugi hu mbassa Yawe Loogina ɦagirara, cuk tle asina hu kaalamba, tuɗusi hu li ma Yawe Loogina ŋgaɓam kina.

GA 8ATAMBARA 18:4

Agi ɦasi yam wa ma ne ki fok jewna u sum veŋ ma wilina u mbulna u tlimiɗ timigiina suu agi cawasi kina may.

MALASI 3:10

Agi ɦagi yam tlena ki jivi ko an minda na ay hu zira tlena ka toki hura. Ko tlesuu tira li hu ziinda. Agi tukun ki u dla ndaɗta tuwa. Yawe, ma Saɓakŋa Kom Belna, di na. Lini an hin si yona kaŋga kagiɗi ni, lini an hin paɗ vunun ki kagi agi hin fi tlena ŋgollaɗi ni.

MALASI 3:8

Sa warna ndak a ganyam Lona su? Agi ganan yanu. Agi di ana, «Ami ganaŋ yaŋŋi u mege?» Ҥalla ɦal yam tlena u tlege suu ɦasi ɦawana.

2 DLAŊ MULINARA 31:6

Suu may suu hu ɦoŋzi ŋgolo ma hu Yudana, Israel suu mbayawna u suu Yudana halaŋ mbaa keŋ ma doogona vi yoori masisina ay lay, mbutlugina u timigiina u ɦalla ɦaɗ hawa maŋ Yawe, Loosinara. Ii tlege suu zeɗ zeɗ asina tok ŋgol cocoo.

ROMMA 11:16

Lini fu ma sana bulukum kom jew a ɦal maŋ Lona ni, umba hinda ni mam lay, lini sok guna ɦam maŋ Lona wa gorgor kommi mam lay.

GA 8ATAMBARA 14:22

Hu basara halaŋŋi agi ɦal yam tlesuu agi zaarasi gana kiyo.

NEHEMI 13:10

Asi jokon boyna ki ana tlesuu a ɦasi maŋ suu Levina ɦasisina kaɗi, suu Levina u suu gi soolla u suu li sunda pii kiyo, gegelay tuɗ ki hu ziim ma bagina.

NEHEMI 13:12

Na ɗaŋŋi suu vi Yudana gegelay mbay u nus fuɗ wa ble ma doogona, sum veŋ ma wilina u mbulna a cukusi hu li ma ɗokka.

KALKIRA 13:2

«Tinin ki gor suu vuɗ fok jewna halaŋ ki ni manu, gor suu warna u gor yoorina lay hu mbassa Israella halaŋ ki ni manu.»

KALKIRA 13:12

aŋ ɦal tlesuu vuɗ jewna halaŋ ki ni maŋ Yawe, gor suu warna u gor yoorina suu vo varaŋŋa halaŋŋi maŋ Yawe.

NDUMBA 18:15

Gor tlesuu vuɗ fok jewna halaŋ suu asi mbaarasi ay maŋ Yawena ki ni maŋsina, gor suu warna u yoorina. Na may gor suu warna suu vuɗ fok jewna u gor yoori suu njenjena asi ndak mbuɗusiya.

NDUMBA 18:18

Tliwna hin ki ni maŋu, ko ndal dikŋa u gay ma njufna ni maŋsina.