NEHEMI 10:36 - Boy Lonana

³⁶ Aygi ndak a ɦal yam waaygina, vuɗ ŋgusugi maygisina halaŋ halaŋ hu basara tew tew, kay sun zira vi Yawera.

NEHEMI 10:36 ပူးပေါင်းရင်းမြစ်များ

KALKIRA 13:2

«Tinin ki gor suu vuɗ fok jewna halaŋ ki ni manu, gor suu warna u gor yoorina lay hu mbassa Israella halaŋ ki ni manu.»

GALATENA 6:6

Sa ma ka haɗ Boy ma Ayra lini nanagelay nam ɓorow tlegeyem suu jivina halaŋ u sa ma haɗamma.

GA 8ATAMBARA 12:6

Hu li namma agi hin li ɓivun ma ŋgalam ki ŋgalina, li ɓivun ma min duk ɦoŋga, ɦal yam tlegeyegi suu agi feɗesina ki maŋ Lona, li ɦal mayra aŋ ɦal u min maŋgara, ɗowba li dlara aŋ suu taŋ kaɗ a laɗta kiyo, ɦal gor yoori suu vuɗ fok jewna ki maŋ Lona, mbutlina, timigiina u ɦugunina lay.

KALKIRA 34:19

«Tlesuu vuɗ fok jewna halaŋ ki ni varanu. Ko ndaɗta na duk yoori maŋsina halaŋ aŋ li ni dlara humuŋ gaŋ kanda, kay tlesuu vuɗ jewna, yoori suu ŋgolona u suu gorina halaŋ.

NDUMBA 3:13

Kay ana gor suu vuɗ fok jewna halaŋ ki ni varanu. Hu li ma an ci gor suu vuɗ fok jewna ki halaŋ ay hu mbassa Egiptera ni, an hin mbuɗ gor suu vuɗ fok jewna vi suu Israelna halaŋ ki ni man may. Gor suu warna u gor yoorina lay halaŋ ki ni manu. Anni Yawe.»

KALKIRA 23:19

Aŋ mbaa vuɗ tlegeyeŋ suu ne jewna halaŋ ay hu Ziŋ Yawera fok Looŋŋa. Aŋ ka zal goo ɦuna duk mbii sum tokgi.

2 DLAŊ MULINARA 31:5

Hu li ma suuna hum di ndaɗta kina may ni, suu Israelna tok yam wa ble masi ma ne ki fokŋa ay ki bolow cocoo, sum veŋŋa u mbulna, mbul yumma u tlesuu daŋŋa zeɗ zeɗ cocoo u keŋ ma doogona vi tlesuu asi feɗesi ay ki vona halaŋ halaŋ.

NEHEMI 12:44

Hu buu namma ni njufiina tinisi ki a gol u zigini suu tlesuu hinisi ki a ɗokosi suu yowosi ay u nus vuɗ tlesuu jew nana a hin taa suu ay hu ɦoŋzi ma bagi ma ŋguy kay ɦoŋzinana ayra. Tlesuu gaɗta ŋgaasi ki maŋ muli suu li ɓivunna u suu Levinana. Gasi daŋ may ni Yuda li furira kay muli suu li ɓivunna u suu njun suu Levi suu ka li sundana.

NEHEMI 13:5

Nam min zira ŋgolla. Asi ay jew cuk tlesuu ɦasi ki ɦalla ɦawarana huwa, mbitla, tlesuu sunda, nus fuɗ wa ble ma doogona, sum veŋ ma wilina u mbulna suu ɦal voɗta ki kasi maŋ muli suu li ɓivunna, suu gi soolla u suu kak fun zira u tlesuu yowosi ay maŋ muli suu li ɓivunnana lay.

MALASI 3:10

Agi ɦagi yam tlena ki jivi ko an minda na ay hu zira tlena ka toki hura. Ko tlesuu tira li hu ziinda. Agi tukun ki u dla ndaɗta tuwa. Yawe, ma Saɓakŋa Kom Belna, di na. Lini an hin si yona kaŋga kagiɗi ni, lini an hin paɗ vunun ki kagi agi hin fi tlena ŋgollaɗi ni.