NEHEMI 10:30 - Boy Lonana

³⁰ asi ɦal njun masira maŋ gorsesi suu ŋgolona, ɦal tasi u vi vun ma suura kay a tuɗ u gaɗta vi Lona ta nam ɦaɗ ay ko Moiz sa sunda vi Lona a li uɗ may hin tak gaɗta vi Yawera ki kiɗik halaŋ mayra, malaygi gaɗ mamba u boy ma nam ɓiirim kaŋgana.

NEHEMI 10:30 ပူးပေါင်းရင်းမြစ်များ

2 MULINA 23:25

Muli suu jewemma halaŋ ma hoŋ irim ay eg Yawe u hurum halaŋ, u saɓakam halaŋ, u ŋgusum halaŋ, ko ndal nam na kaɗi. Muli suu li ki u gaɗta vi Moizza ko ndaɗta na ka dewɗi, ka ŋgorom dagan lay ni mul ma li ko nam na kaɗi.

2 MULINA 23:3

Mulna col ki kolo u sem eg mbal ma coli duk hu Ziŋ Lonarana, nam mbuɗ Galamba ki wili daŋgadla u Yawe. Gegelay ni mba li ki ɗegee fok Yawe a hum u gaɗ mamba u hurum halaŋ u saa mamba halaŋ, hum u haɗ mamba may u dlara ɓiirira halaŋ, li uɗ may. Hum u dlara ɓiiri hu magaara galam ndaɗtara halaŋ. Suu tokina halaŋ vi haɗ ndaɗta kasi halaŋ a li uɗta may.

2 DLAŊ MULINARA 34:31

Mulna kolo coli u colom na ni, suu tam ki fok Yawe a li u gaɗta ɓiiri hu magaara wanda u hurum halaŋ u iiri mamba halaŋ, li u boy ma gaɗta u nera vi Lona damma ma ka ɓiiri hu Magaara Galamba wanna.

NEHEMI 10:1

Kay boy namma a daɓ kira ni ami vi vunumi eŋga ɓii boy namma ki kaŋgaa. Suu mami suu malayaŋ zina, suu Levina u muli mami suu li ɓivunna tin kosi ki kaŋga kay boy namma.

NEHEMI 13:23

Ni hu buu namma lay an wi suu Juif suu ɗum boyogi suu Asdodna, Amonna, Moabma.

NEHEMI 13:25

An yalasi hin gasi vunna. An poŋ njufii suu dukusi ɦiw hin paɗasi tlimiɗ yasi kiyo, olo an hin suurusi ki u sem Lona ana, «Hagi gorɓii magisina maŋ goryosiɗi, yowosi maŋ goryogiɗi lay, maŋ tagiraɗi lay.

NEHEMI 13:30

An mbuɗusi ki teteɗ u suu koyogina an hin tinisi fun sun masira, muli suu li ɓivunna, suu Levina, gegelay fun sun mamba.

NEHEMI 5:12

Asi di ana, «Ami hin hoŋosisina, hin ka joɓosi vaɗi. Ami hin li ko aŋ dira na.» An yi muli suu li ɓivunna ay hin suu suuna ki a asi li ko dira na.

SOOLLA 119:106

An suu tanu, an li u suu manda may, an min a li u boy maŋ ma ɗegeena.

KALKIRA 34:16

Ɗowba lini aŋ ɗumusi goryosi ay maŋ goryoŋu, goryosi li ɓivunna ni maŋ loogi suu ɦawana, mbuɗugi goryogi ki usi a goɓ loogi suu ɦawana may.

GA 8ATAMBARA 29:11

Agi ka lagi cemi ni a vi Galamba Yawe min a vaɗ u agira, di ki u vunugi ana gasi agi mina, Galamba Yawe Loogina a njunuɗ u agi wanda.

GA 8ATAMBARA 7:3

Agi ka li dlara ɗumugi goryoŋ taginaɗi lay, agi ɦal gorɓii magisina maŋ goryosiɗi, ɗumusi gorɓii masisina maŋ goryogiɗi lay.