NEHEMI 1:6 - Boy Lonana

⁶ Ko humuŋ li tini ta, iriŋ li ki mali may a hum cenda vi saaŋ ma sundara. Hu li namma na ni an ka cen fokoŋ kay goryoŋ Israelna suu maŋsuu sunda ana, an hom ki ni kay suluk ma vi goryoŋ Israel ma ami lam egeŋŋa. An u suu vo vi bunna ami li suluku.

NEHEMI 1:6 ပူးပေါင်းရင်းမြစ်များ

1 MULINA 8:30

Hum cenda saaŋ ma sunda u suu maŋ suu Israelna ceneŋga haa. Aŋ hum ay ni hu li ma aŋ ka kaki huna, ay kolo huulona, huma, hep huruŋu.

1 MULINA 8:47

lini hu mbassa asi ha ki vii balna hura asi gijaŋ saara, hom kay dla coosira, gijaŋ a ceneŋ ay hu mbassa vi suu babali masisinara ana, ami ni suu cona, ami li ni coo, ɓakŋa vami wa daŋ may.

2 DLAŊ MULINARA 28:10

Cemi ni boyogina u njufii suu Yudana u suu Yerusalemma agi min a cukusi ki a mborɓii magisina lay, na ni dlaagira ka hin mbuɗ co fok Yawe Looginaɗi su?

2 DLAŊ MULINARA 29:6

Kay somoyoygi ay ka ɗegee ii Lonaɗi. Asi li dla cora ii Yawe Looygina cocoo. Asi noyom kiyo. Asi ɦal ŋgorosi maŋ Ziŋ Lonara, hin Yawe kiyo.

2 DLAŊ MULINARA 6:40

«Cem wandara, Loonna, ko iriŋ li ay ki maliya, humuŋ li ay tini a hum cenda suu maŋsina a ceneɗ hu li nammara.

EZDRAS 10:1

Hu li ma Ezdras ka cen may hom u tiina kay suluk mamma kaŋga goɓi fun Ziŋ Lonara, suu Israelna tokira bolow cocoo. Njufiina u boyogiina kem gorira may tok tasi egem kay ana suuna tii u simina irisi cocoo.

EZDRAS 10:11

Cecem wanda homogi fok Yawe, Lo ma vi somoyogina, lagi min mamba, ɓorowogi dukugi ki u suu hu mbassana u boyogi suu koyogina.»

NEHEMI 1:11

Ha, Bu Suuna ko humuŋ li tini a hum cenda vi suu maŋ suu sunda suu ka u furira laŋ ndaaraŋŋa. Ҥal voɗta maŋ saaŋ ma sunda a fi u dlaamba karami, hinim nam fi heɓpa fok sa namma.» Na ɗaŋŋi anni sa ɦal tlesuu tira maŋ mulnana.

SOOLLA 102:17

Hu li ma Yawe hoŋ min Siyon kolo wa, asi hin wam ki hu bibiŋil mamba.

SOOLLA 106:6

Ami halaŋŋi ko somoyomi na may, lami cora egeŋu, ami hiniŋ voɗ maŋga kiyo, ami mbuɗ ki ni suu cona.

SOOLLA 130:2

Bu Suuna humun delen haa, tin humuŋ ay humunu, jeɓeeren delen ha jiviya, humun cen manda haa.

SOOLLA 32:5

An daŋ dla coonda ki halaŋ, an ŋgay coon taa ka kiɗi. An di ana, «An hom coonda ki fok Bu Suuna», aŋ tlan nek coonda ki kan wa.

SOOLLA 34:15

Hin dla cora kiyo, li ni dlara jivira, hal a li ni heɓpa duk suuna.

SOOLLA 55:17

An may ni yi ni Lona, Yawe hin suɗun kiyo.

SOOLLA 88:1

Soolla vi sa ma fok suu gi soollana, soolla haɗta vi goryoŋ Korena, gaɗ u diffa u suu vi Heman ma Ezrana.

EZAYI 6:5

An ɓak tan ana, «Hahawra ni kanu, an ba ki wa, kay anni sa war ma vunum njenjena, an kaki ni duk suu vunusi njenjena may, irin wi mulna, Yawe, ma Saɓakŋa Kom Belna.»

YOORA 5:7

Somoyomi li dla cora. Asi ka oloɗi. Ami varak balamasi kay dla co masira ni amiya.

DANYEL 9:15

Cecem wanda Bu Suuna, Loomina, aŋ ma sel suu maŋsina ay ki hu mbassa Egiptera u koŋ ma saɓakŋa, ma seŋ fi ŋgara um ko aŋ karam gak ka wanda nana, ami ay jew ni suu sulukŋa, suu cona.

DANYEL 9:20

An ɓak tu may, cena hom coonda ki may, cora vi suu Israelna may, tin yoo manda fok Yawe, Lo manna, kay sem ɦinira teteɗta vi Loonnara.

DANYEL 9:4

An cen Yawe, Loonna, hin di coonda fokom ana, Aa! Bu Suuna, aŋ Lo ma ŋgolna, ma suuna liŋiŋ ndaaraŋŋa, mavi banara u suuna u ɗegeerana kay suu ka miniŋ may, li ugaɗ maŋga mayna.

DANYEL 9:5

Ami li suluku, ami li cora, ami mbuɗ ki suu cona, suu duu u Lona, ami noyoŋ gaɗ maŋga ki lay.

DANYEL 9:8

Yawe zolona ka kamiya, ka kay muli mamisina, kay goryoŋ muli mamisinana, kay somoyomi lay kay ana ami li sulukŋa egeŋu.

Boy Ma Ayra Ma LUK Ɓiirimma 18:7

Lona may ni ka njun u suu mam suu tii tasi egem tew tewna naɗi su? Nam vi yam a njunusira su?

Boy Ma Ayra Ma LUK Ɓiirimma 2:37

Njufuɗ miɗ ki miɗ ni, ndaɗ kak vaydegeɗ li basara na dok kalavandi yam fiɗi. Ndaɗ kak hu Ziŋ Lonara gak gak, ndaɗ cen Lona faali lay njeŋge lay, li laara lay.

EFESNA 2:3

Aygi halaŋ li ay ni ko asi na may, ay poyoygi ni u minda vi sa warna. Aygi ay lini u minda vi mbalataygiya, u ŋgus maygira, aygi ay ni hu njafna ki ŋgaɓi kay yara vi Lona ko suu hiŋŋa na may.

1 TIMOTE 5:5

Cara donora gasira sa ka egeɗɗi, ndaɗ tin saa maɗta kay Lona wa joɓom njunda nam njun uɗta u cenda hu buuna tew tew.

2 TIMOTE 1:3

An gi deɓ Lona ma an ka sunumma u saara jivira ko somoyon suu jewna lira na. An gam deɓpa hu buuna tew tew hu li ma humun gan kaŋ hu cenda.

1 JAŊ 1:9

Lini aygi di cooygira ki fok Lona ni, aygi ndak a ɦam huruygi halaŋ kay me nammi sa ma ɗili ma ɗegeena, nam hin daɓaygi cooygira kiyo hin mbusuygi ki ko dla cooygira halaŋ.

1 SAMUEL 15:11

«An hom kay dlara an mbuɗ Sol ki mulnara kay ana nam noyon ki, van boy manna ka kambi.» Samuel hahawra vamu, nam yi Yawe kolo u delem eŋga njeŋgee.