NEHEMI 1:3 - Boy Lonana

³ Asi dan ana, «Suu hin ay u suu yowosi ay ki mbaɓura hu ɦoŋzi ma baginana ni hu hahawra ŋgolla u zolona lay. Gulumun ma Yerusalemma gaɓalam hinni nam ɦawaa, vun grekŋa ki ŋgali halaŋ may.»

NEHEMI 1:3 ပူးပေါင်းရင်းမြစ်များ

1 MULINA 9:7

ni an hin bulum suu Israelna ki kay yam ndaŋgara halaŋ, kay ndaŋgara an ɦasirara lay. Zira an mbuɗuɗ ki teteɗ a yan sen hura an hin hiniɗ ha ki egen na day. Suu Israelna hin mbuɗ ki ni a njunjunda vi suunara halaŋ.

2 MULINA 25:10

Suu duu suu ha u sa ma ŋgol suu asgaanana hawaɗ gulumun ma mini kay ɦoŋzi ma Yerusalemma ki kaŋgaa.

2 DLAŊ MULINARA 36:19

Suu Babilonna ŋgal Ziŋ Lonara kiyo, to gulumun ma Yerusalemma ki lay, ŋgal ziŋ mulnana ki lay, ɓalak tlesuu jivi suu hu ɦoŋzi ŋgolnana ki halaŋ.

EZDRAS 2:1

Gola ni goryoŋ suu ay hu ɦoŋzi ma bagina suu hoŋ ay ki hu yowra yowosi ki mbaɓurara, suu vi Nabukodonosor, mul ma Babilonna, yowosi tuɗusi ha ki hu Babilon. Asi hin hoŋ ay Yerusalem hu Yuda gegelay hu ɦoŋziimma.

EZDRAS 5:8

Ko mulna wi ana ami tuɗ ay ki hu ɦoŋzi ma bagi ma Yudana hu Ziŋ Lo ma ŋgolnara. Asi miniɗ ni u gogoyra ceɗira, u guna cuki kaɗu. Sun ndaɗta laɗ ki jivi cocoo. Ndaɗ tuɗ kosi zak zak.

NEHEMI 11:3

Gola muli suu ay hu ɦoŋzi ma bagina mbay kak hu Yerusalemma. Suu daŋŋa hu ɦoŋzi ma vi Yudana a gasira ni Israel, suu Levina, muli suu li ɓivunna, suu li sunda, goryoŋ suu li sunda vi Salomonna kak ki ni gegelay hu liimma, hu ɦoŋziimma.

NEHEMI 2:13

An kal ay ki hu vun grek ma Ҥuɗugumbana njeŋge tin irin ha fun goloŋga yaɗ ana Dragoŋ, vun grek ma Zirgiɗna huna. An gol dla gulumun ma Yerusalemma hin kolo ni gaɓalam ɦawana, ma kura ŋgalam vun grekem kina.

NEHEMI 2:17

An dasi ɗaŋŋi ana, «Agi gologi dlara hahawra aygi ka dukuɗ wanda gige. Kay ana Yerusalem ki ɓeŋiya. Vun grek maɗna ki ŋgali lay. Tuɗuygi miniygi gulumun ma Yerusalemma, ka mbuɗuygi ki va ma zolonaɗi.»

NEHEMI 2:3

An di mulna ana, «Ko mulna kak iiri a fafaɗta. Irin hin mbuɗ ki hahawraɗi ni ɦoŋzi ma us somoyon ha huna asi toom ki may, ŋgal vun grekŋa ki may nige?»

NEHEMI 7:6

Gola ni suu ay hu ɦoŋzi ma bagina duk suu yowosi ay mbaɓura suu Nabukodonosor, mul ma Babilonna, yowosi ayna, yow ay kolo hoŋ Yerusalem may hu Yuda mayna, gegelay hu ɦoŋziimma.

ESTER 1:1

Ni hu cokira vi Zersessa. Zerses namma ti mulla kay mbassa bagira ni 127, col ha kay Ind day ta ta tew ki hu Etiyopi.

SOOLLA 79:4

Suu vok ziimi suu ŋguyumina halaŋ ka ŋgulumiya, suu ŋguy kamina halaŋ ka panamiya.

VUN ŊGOLNA 25:28

Sa ma njaɗ dam dam ka ɗil irimbina ni ko ɦoŋzi ŋgol ma gulumun ka gii kambina na.

EZAYI 43:28

Kay ndaɗta an mbuɗ suu ŋgolo suu li sunda hu ziŋ Lonara ki zolona. An kaɓak ma ba kina kay njaf suu vi Yakobma, an hin njaf suu daŋŋa las suu Israelna.

EZAYI 5:5

Ni an min haɗagi dlara an hin a laɗ eg sene gugutlu mannara haa. Hawaɗagi dlaɓpa kamba ki hin tlena tam kiyo, an min to gulumun ma gi kamma kiyo, hin voɗta duk suuna tayam ki gaa.

JEREMI 24:9

Suuna mbuɗ ki ndaana kay an li ki egesi ni dlara tak ki eg muli suu kay ndaŋgarana halaŋ, ki hu li ma an njayasi ki huna, asi hin mbuɗ ki ni dlara njunjunda suuna san uɗta. Suuna hin dogoɗosi ŋgulla u givunna na dok dok.

JEREMI 29:18

An hin ciɗisi usi u ŋgewra, mayra u tuguɗi bora. An hin mbuɗusi ki va takka maŋ suuna a asi ɓakaɗ tew tew li ndaana may. Ni dlara hahawra suuna hin tii koɗta, kay njaf suu an njayasi kina humusi hin gasi hu li ma asi min a li dla corana.

JEREMI 39:8

Taraŋ ŋgolla u sigini suu jivi cocona suu Kaldena gasi kura ŋgalasi ki may, to gulumun ma Yerusalemma ki kaŋga may.

JEREMI 42:18

Gasi Yawe, ma Saɓakŋa Kom Belna, Lona vi Israel, ɓak anaba, ko yaanda li eg suu Yerusalemma na ni, yaanda hin li egegi hu li ma agi hin tew ha ki Egiptena ni na may. Agi hin mbuɗ ki zolona. Suuna hin li dla cora ni u segi na tew tew. Agi hin ka fagi li namma oloɗi.

JEREMI 5:10

Calaɗagi kay gulumunna cagisina kiyo. Na may daɓagisina ki halaŋgi. Kaasi gogor kosi kiyo. Asi ka vi Bu Suunaɗi.

JEREMI 52:14

Gulumun ma Yerusalemma may ni sa ŋgol ma gol u suu Kaldena ɦasi voɗta asi toom ki kaŋga bel bel.

YOORA 1:7

Yerusalem humuɗ gaɗ kay buu maɗ ma poyra zolona, kay jiv maɗ ma ay jewna. Hu li ma suu maɗsina puk kaŋga fok suu babali masisina sa ka mbay a njun uɗɗina, suu babali maɗsina waɗu, san uɗ kay maŋi maɗta.

YOORA 2:9

Vun grek ma vi Siyonna ŋgaa ki kaŋgaa duk ndaŋgara. Nam ɓeŋ tlena, to vun ziginina kiyo. Mul maɗna u goryom ki duk suuna, gaɗ ka kasi oloɗi. Suu may suu jok vun Lona lay ni ka fi dlara col ay ko Yaweraɗi.

YOORA 3:61

Aŋ hum ŋgulla asi ŋgulunda, Yawe, dla cora asi landa egenda halaŋ halaŋ.

YOORA 5:1

Tin humuŋ ay kay dlara ka lamira, Yawe. Golla aŋ wi ŋgulla asi ka ŋgulumira gige.

DLAŊ LEVIRA 26:31

Ҥoŋzi magi ma ŋgolona an ɓalakam kiyo, an hin bowogi ziigira teteɗta ki gaa, an ka ɦisigi ɦis mbul magi ma ɦis jivi namma oloɗi.

DLAŊ LEVIRA 26:33

Agi tagira may ni an hin dikigi ki duk njaf suu daŋŋa, suuna hin mun duuna u agiya, ɦoŋzi magina hin mbuɗ ki ni bagira, zina halaŋ hin hawaɗ kiyo.