NDUMBA 9:15 - Boy Lonana

¹⁵ Hu buu ma asi min Ziŋ Lonara kina ni ɗugulla kuluɓ ki kolo kaɗ na dlim kolo kay Mbutluɓ ma Galamba. Njeŋge ni ɗugulla li kiɗikka kasi ta ta fo lina u ndaɗta.

NDUMBA 9:15 ပူးပေါင်းရင်းမြစ်များ

NEHEMI 9:12

Aŋ tuɗ fokosi faali duk ɗugulla, aŋ tuɗ fokosi njeŋge duk kura a ɓoosi huu voɗta asi tuɗ huruɗta kira.

NEHEMI 9:19

Aŋ u oo maŋga ŋgolla, aŋ noyosi ka ki hu fullaɗi. Ɗugulla hinisi ka ki faaliɗi takasi voɗta, kura huɗ ka kiɗi lay a ɓoosi huu voɗta ki a asi tuɗ njeŋgera.

SOOLLA 105:39

Nam baarasi ɗugulla kasi ko ndal gojolina na, njeŋge ni nam tinisi kura kolo kasiya.

SOOLLA 78:14

Faali ni nam takasi voɗta, kuluɓusi ɗugulla kasiya, njeŋge ni nam lasi kiɗikka kasi u kura.

KALKIRA 13:21

Yawe u tamba tuɗ fokosi ni namu. Faali ni nam kuluɓusi ɗugulla kasiya, njeŋge ni nam tinisi kura kasi kolo a wi lina kira may. Asi ndak a tuɗ njeŋge lay, faali lay, boy kaɗi.

KALKIRA 13:22

Faali ni ɗugulla ka tuɗ ki kay suunaɗi, njeŋge ni kura ka kolo kasi tew tew lay.

KALKIRA 14:24

Col ay njeŋge day u kura ka vi kasi hu ɗugullara, Yawe ka gol suu Egiptena may. Nam gasi dlara da damba dukusiya.

KALKIRA 40:2

«Hu til ma jewna, hu buu ma dewna ni aŋ pi mbutluɓma ki koloo, ni li ma agi ŋgaf tagi huna.

KALKIRA 40:34

Ɗugulla kuluɓ ki kay mbutluɓma, bibiŋil Yawe oy ki kalafi hu mbutluɓma.

KALKIRA 40:35

Moiz ka ndak a kal kalafi hu mbutluɓmaɗi, kay ana ɗugulla ka kayami, bibiŋil Yawe ki oy kalafi huwa.

KALKIRA 40:38

Kay faali halaŋŋi ɗugulla vi Yawera ka kolo kasiya, njeŋge ni ɗugul ndaɗta mbuɗ kasi a kura wi lina. Ku ndaɗta ha kini kay suu Israelna halaŋ, ha hu li ma asi jok huna halaŋ lay.

EZAYI 4:5

Kolo kay ɦinira Siyonda halaŋŋi Bu Suuna li ɗugulla kolo u ndoosna kay suuna, njeŋge ni nam lasi kiɗikka kasi may kay bibiŋilla vi Lonara li kolo a gol yam zina halaŋ.

NDUMBA 10:34

Faali ni ɗugulla vi Yawera kuluɓ ki ŋgusna kasiya, ni hu li ma asi yow ha hin liisi ka kina gaw.

NDUMBA 14:14

Asi di boy namma ha ki maŋ suu hu mbassa Kanaanda, asi ha ki humi ana aŋ Yawe ka u amiya, aŋ ka tak taŋ ki ii suuna hu ɗugulla. Faali ni aŋ kuluɓumi ɗugulla kamiya, njeŋge ni aŋ ka tuɗ fokomi u kura.

NDUMBA 17:7

Hu li ma suuna ɓakasi ay na ni, gi Moiz u Aaron pereɗ irisi ni eg Mbutluɓ ma Tokkana na ɗow. Gola ni ɗugulla kuluɓ ki kolo kay Mbutluɓ ma Tokkana na dlum, bibiŋilla vi Yawera tak taɗ ay kiyo.

1 KORINTNA 10:1

Gorsenna an min gagi humugi kay dla mayra somoyoygi suu jewna poy ko tasi u Moizza. Asi poy u ŋgus ɗugulla, suu calaɗ ay ki kay lumma tlawna.

GA 8ATAMBARA 1:33

Nam ma ka tuɗ fokogi a halagi li ma kakŋa, njeŋge ni nam tuɗ fokogi u kura a takagi voɗta, faali ni nam li ɗugulla kagi a ŋgusna.