7 Gola aŋ a mbuɗusi ki teteɗta ni ko wanda na, yamasi yo ma ɓivun ma bulum cora kina kasiya. Asi wel tlimiɗta egesira ki halaŋ, mbus barawi masisina ki halaŋ halaŋ, asi li tasi ki teteɗ.
Yakob di suu vo varamma u suu tuɗ ay umma lay ana, «Cukugi loogi suu vi suu daŋŋana suu ay kogina kiyo. Lagi tagi ki teteɗ, cukugi baraw ma wilina tagiya.
Ko ndaɗta na njaf suu daŋŋa mbuɗ lagira na jim kay dlaamba. Mulina ka wi dlara asi daɗtaɗi lay. Kay dlara asi waɗta su ki kay dlara asi cuɗusira jewra. Asi gol dlara asi humuɗ ka jew ɗira.
Gegelay ma tin kom ay eg maɗ sa miɗina hin li tam ka ki teteɗɗina, ɓalak ki ni Ziŋ Yawera. Sa namma hin tlam ki duk suu Israelna kay ana nam mbus tam ay ka ki u yo ma mbus dla cora kinaɗi, nam ki ni njenjee, kaki ni u njenje mam ndaɗta gak gak.
Suu vi Levina mbus tasi ki teteɗ, mbus barawi masisina ki may. Aaron takasi maŋ Yawe ko puura lambara na, lasi ɓivun ma mbus cora kasi a mbuɗusi ki teteɗta.
Tin ay ni gaɗta vi suuna kay tlesuu tira u tlesuu cira njaf tokka daŋga zeɗ zeɗ kay a mbus tara ki jivira. Ni kay gaɗta vi sana ɦawaa gak gak a tew hu li ma Lona hin min tlena wili gadlana.
Mbo namma takŋi batem ma ka suɗugi cecemmi wanna, mbo namma ka mbus zozoɗta eg sanaraɗi, ni a joɓ Lona kay saara ɗegeera, batemma suɗugi ni u colla Yesu Kristu col ay ki kolo iiri duk suu miɗinara.
An hoŋom dira ana, «Aŋ wasi ni aŋgi su, Bu Suuna manna.» Nam dan ɗaŋŋi ana, «Ni suu cuk ay ki hu lassa ŋgolona. Asi mbus baraw masira ŋgolla kiyo, ndaɗ mbus ki haɓpa ni u busuna vi Goo Timiina.