NDUMBA 7:13 - Boy Lonana

¹³ Ҥalla nam ɦaɗta ni tassa doonora nekem ii sikle 130, u ŋgal doonora nekem ii sikle 70 may, ni u sikle hu Mbutluɓ ma Teteɗna, asi jakŋi oyosi ay ki u fuɗta yarasi u mbulnara a li puura,

NDUMBA 7:13 ပူးပေါင်းရင်းမြစ်များ

1 MULINA 7:43

Puspus ma doogo namma tassa ŋgolo ma doogona njari ni hurum may.

1 MULINA 7:45

Va ma yow buɗna kina, ŋgal ma yam busuna, u pelna, halaŋ ca ni tlesuu Hiram yoorosi a cukusi hu Ziŋ Yawera ko ndal mulna Salomon damba na may. Asi halaŋŋi yoori ni u kawi ma tlawna ma tam gol jivina.

EZDRAS 8:25

An hin ɦasi doonora, lorra u tlesuu yowosi ki kay sun Ziŋ Looyginara suu mulna u suu mam suu ɦal gaɗta, muli mamsina u suu Israel suu ka na halaŋ ɦasi ayna.

KALKIRA 25:29

Aŋ yoo gi tassana u kop ma ci tlena, u ŋgalina, kay a asi hin vo mbul ma hisna, aŋ yoo tle asina ni u lorra halaŋ.

KALKIRA 30:13

Suu may suu ki ndaki a ndumbana halaŋ sana dew ni ɦal gursura ii nek gramma vadl. Ni u ndum gursu mayra asi ka warakaɗ hu mbutluɓmara, ni a va ma asi ɦam maŋ Yawena.

KALKIRA 37:16

Tlesuu li sunda kay tabulla halaŋ nam lasi ni u lorra, asetna, koɓma u tlesuu daŋŋa halaŋ u tlesuu vo ɓivun u va ma cira u asina halaŋ.

JEREMI 52:19

Sa ŋgol ma gol u suuna hin yow ŋgalina, tassagina, ŋgali suu yam tlena ki u asina, givin ma li ɓivunna, pindilla, va ma cira u tassagi suu lorra u suu doonorna.

DANYEL 5:2

Hu li ma asi ci sum veŋŋa na ni, Baltazar ɦal voɗta yow doyogi lorra u doonora suu bum, Nabukodonosor, yowosi ay ki hu Ziŋ Lonara ma Yerusalemma aya, mulna u suu ŋgolo mamsina u banayam boyogina u boyogom u boyogi mam suu sunda hin ci ni sum ma hurusina.

DLAŊ LEVIRA 2:1

«Hu li ma sana min a li puura maŋ Yawe u njaf wana ni, nam yow fuɗta nde, vooɗ mbulna kaɗu, cuk mbitla his jivira duk may.

DLAŊ LEVIRA 27:25

«Gus tle asina li halaŋŋi u silira hu Zira Tokkara. Silira li sunda hura nekeɗ ii garamma doogo.

DLAŊ LEVIRA 27:3

Ni ko ŋgaay wandara na, kay sa ma basaɗam 20-60 ni nam ɦal silira doonora dok-vadl u sili mayra hu Zira Tokka, ni kay sa njufna.

ZAKARI 14:20

Hu buu namma ni geeleŋga kel kuluminara hin ɓiiriɗ tlena egeɗ ana, «Hin ki ni maŋ Yawe». Doyogina hu zira vi Yawera hin li ni ko ndal tassa ma yam busuna tinira fun givin ma togolla na.

NDUMBA 15:4

Sa ma min a li ɓivun namma maŋ Yawe hin li puura u ŋgaf wana lay, nam yow fuɗta ay hu ii kelew hindi, yarsaɗ ki u mbulna litir dew u nus.

NDUMBA 28:5

Kay puura u njaf wana, yow fuɗta kelewna hindi, vo mbul conona duk litir dew u nus may.

NDUMBA 29:6

Ɓivun ma ŋgalam ki namma halaŋ cukŋi kay ɓivun ma ŋgalam ki ma agi ka lam hu bunna tew tewna. U ɓivun ma lam hu buu ma jewna vi tilna. Ni ɓivun ma his jivina maŋ Yawe.

NDUMBA 3:47

Gor asina ni sana dew ni aŋ vi sikle kam vadl vadl, a mbuɗum kira, ni u sikle li sunda hu Mbutluɓ ma Teteɗna sikle ndaɗta nekeɗ ni garamma doogo doogo.

NDUMBA 7:12

Hu buu ma jewna ni Nason ma goŋ Aminadabma, mul ma hu njaf Yudana, mbaa ɦal mamba aya.

NDUMBA 7:14

koɓ ma yoori u lorra nekem ii sikle 10, oy u mbul ma his jivina may,

NDUMBA 7:73

Ҥalla nam ɦaɗta ni tassa doonora nekem ii sikle 130 u ŋgal doonora nekeɗ ii sikle 70, ni u sikle hu Mbutluɓ ma Teteɗna, asi jakŋi oyosi ay ki u fuɗta yarasi u mbulnara a li puura,

MATIYE 14:11

Nam tli yamba ay kom hu ŋgalna, mba haɗ maŋ goora. Ndaɗ goora tuɗ haɗ maŋ suɗ gaw.

MATIYE 14:8

Goora suɗ cakaɗ vunuɗ ki jew cakŋi, ndaɗ joɓom ana, «Ҥan yam Jaŋ ay kon hu ŋgalna tani.»