NDUMBA 6:5 - Boy Lonana

⁵ Hu buu ma nam ŋgaam a li tam ki teteɗna ni ka tin vel kay yambi lay, ta ta daɓ buu ma nam ɦal tam ki maŋ Yawena ki tuwa. Nam ki ni teteɗ, nam ndak hin tlimiɗ yam ɗuf ko ndaɗ minda na.

NDUMBA 6:5 ပူးပေါင်းရင်းမြစ်များ

EZEKIYEL 44:20

«Asi ka wel yasi kiɗi. Asi ka hin tlimiɗ yasi ɦawa naɗi, may cawaɗ ki jivi tew tew.

NDUMBA 6:4

Hu buu ma nam ŋgaam a li tam ki teteɗna halaŋŋi, nam ka ti va ma asi lam u vuɗ gugutluna dukŋaɗi, lini u irim ɗowba u ɓolokom lay ka tiɗi.

SUNDA 18:18

Pol li buuna hu Korint ŋgol olo, nam hin gorsemma tani, tuɗ fok u lum kawina hu Siri gi Prisiye u Akilas um may. Caw yam ki hu Seŋkre jew caw ni hin ful hu lumma ni na tuwa, kay nam suu tam ay kiyo.

SUU KAƁAKŊA 13:5

Kay ndak hin vi wiina, hin vuɗ goona, goo namma sa ka tinim vel kay yambi, go njuf namma hin ki ni maŋ Lona ay ni huu sum day. Nammi sa ma hin gijaŋ a suɗ suu Israelna ki ko suu Filistinnana.»

SUU KAƁAKŊA 16:17

Samson ɦal hurum ki maɗ halaŋ, hin daɗ ana, «An wanni sa tinin vel ka kay yan ɦoyɗi, kay ɦan ki maŋ Lona ay ni huu sun day. Lini sa welen yan ki wa ni saɓakan namma ka li egen oloɗi. An hin mbuɗ ki maŋira ni ko suuna na may.»

SUU KAƁAKŊA 16:19

Ndaɗ maa Samson senna ɓalaɗu, yi sana ay mba kaaram yamba gi kiɗisiya ndaɗta kiyo. Nam gijaŋ mbuɗ ki maŋira, saɓak mam ma ay egem namma kal ki ni na gaw.

1 SAMUEL 1:11

Ndaɗ suu taɗ fok Yawe ni ko wanda na, «Yawe ma Saɓakŋa Kom Belna, lini aŋ gol hahawra vi goroŋga sunda, humuŋ gaŋ ay kanu ni, humuŋ maa ki kay goroŋga sundaɗi, a ɦaɗ go njufu. An hin hinim ki maŋ Yawe ta ta bu mamma nam kak iirina. Sin vella hin ka tin kay yambi.»