NDUMBA 5:21 - Boy Lonana

²¹ Mul ma li ɓivunna suu cara gaɗ vunna di ana, Ndak hin ni a cara Yawe colok ki a suuna njaɗ kay dlaakka tew tewra suura an suuruk wanda hin yowok pook kiyo, gisik hayak ki may.

NDUMBA 5:21 ပူးပေါင်းရင်းမြစ်များ

2 DLAŊ MULINARA 21:15

Aŋ taŋga lay ni baɗ tuguɗiira hin jokoŋ na zeɗ zeɗ, ta dewra hin laŋ ha hu buuna na tew tew ta ta hu li ma yorodoŋ hin cuk ki bunsu belna.»

NEHEMI 10:29

Suuna usira hinda ni, Levina, suu kak fun zira, suu gi soolla, suu li sunda u suu ɓorow dukusi ki u suu hu mbassa hiŋgana kay a tuɗ u gaɗta vi Lonara, boyogosiya, goryosi suu njufiina u suu tamagina, suu ki ndaki a hum dlarana,

VUN ŊGOLNA 10:7

Sa ma ɗegeena hum suuna gasi kay sem tew tew, paɗ vunusi ki kamu. Sa ma cona hum suuna maa ki kay sem na zak gaw.

EZAYI 65:15

Agi hin segi ki ni maŋ suu man suu an manasina, asi hin gagi vunna ana, ko Bu Suuna Yawe cagi kiyo. Na may kay suu mamsina nam hin yasi u sem ma wilina.

JEREMI 29:22

Dlaasira hin li ni a dla cora kay suu yowosi ki mbaɓura hu Yuda ha ka hu Babilonna. Asi di gasi ana Yawe lasaŋ ko nam las Sedesiyas u Ahab suu mul ma Babilonna cufusi ku i kura na.

NDUMBA 5:27

Hu li ma nam ɦaɗ yo ma galaa namma wa ni, dlara hin li egeɗ ni ko wanda na, lini ndaɗ ɓeŋ taɗ ay gasi ka ɗegee eg njufuɗɗi, yo ma givun namma kal ha huruɗ ni mbuɗ ki galaari, hayaɗ hin gis ki may, pooɗ so ki may. Ca ndaɗta hin duk suu maɗsina ni a cara asi tak dla cora ki u ndaɗta.

MATIYE 26:74

Piyer gijaŋ suu tam ana, «Lini an ka ni boyna ni, Lona gan daŋgayna. An ka wi sa nammaɗi.» Vunum ndi kaŋga may ni, tlekŋa hel gaw.

JOSUWE 6:26

Hu coki ndaɗta ni Josuwe col kolo suu ki fok suuna kay ɦoŋzi ma Yerikona ana, «Sa ma hal a hoŋ min zi ma Yerikona kolo na minna ni Yawe gam vunna. Sa ma hal a vek u zina gana vekŋi zul goorom ma ŋgolna gaw. Sa ma hal a vek vun grekŋa kolona vekŋi zul gorom ma tobona gaw may.»

1 SAMUEL 14:24

Suu Israelna wi hawra hu buu namma ɦay, kay Sol gi vunna maŋ suuna ni ko wanda na, «Cora ka kay sa ma ti va tira jew bay an sa sukulun ki u suu babali mansina bay faɗta ɗik tuna.» Suuna halaŋŋi sa juk va ti kaɗi.