NDUMBA 4:15 - Boy Lonana

¹⁵ Aragelay hu li ma suu Israelna a jok usira ni Aaron u goryom boɗ yam tlesuu teteɗna ki halaŋ, ŋgoo dagan njaf suu vi Kehatna mbay yowosi ni na tuwa. Ka suu Kehatna ŋgen kosi eg tlesuu teteɗnaɗi, li ka naɗi ni asi miɗ kiyo. Gola sunda vi goryoŋ Kehatna ta asi laɗ hu zira tokka ni na.

NDUMBA 4:15 ပူးပေါင်းရင်းမြစ်များ

NDUMBA 7:9

Nam ɦal ka maŋ goryoŋ Kehatnaɗi, kay sun masira ni a zii tlesuu teteɗna ni u yasiya.

GA 8ATAMBARA 31:9

Moiz ɓii gaɗta ɦaɗ maŋ muli suu li ɓivun suu goryoŋ Levina, suu yowosi ki a zii Zandukka Galamba vi Yawe u suu ŋgolo suu Israelna halaŋ.

NDUMBA 10:21

Ŋgoo dagan suu vi Kehatna cuk tasiya, asi ni suu zii li ma teteɗna. Suu hiŋŋa pi Ziŋ Lonara ha ki jew bay asi fasi tu gaw.

1 DLAŊ MULINARA 15:2

Na ɗaŋŋi nam di ana, «Suu Levina tli Zandukka vi Lonara ni asi doy hol, kay ana Yawe mansi ki a tli Zandukka vi Yawera, hin lam sunda a fafaɗta may.»

1 SAMUEL 6:19

Yawe ci suu hu Bet-Semesna kiyo, kay ana asi gol huu Zanduk Yawera. Nam ci njufiina dukusi dok-kiɗisiya. Suuna mbuɗ ki hahawra kay ana Yawe casi ki cocoo.

1 DLAŊ MULINARA 15:15

Goryoŋ suu Levinana ko Moiz di ka ko boyna vi Yawena na, tli Zandukka vi Lonara kay pel bikisi u guna.

2 SAMUEL 6:13

Doli ɗaŋŋi suu tli Zanduk Yawera kasina calaɗ sesi na karkiya ɗaŋŋi, nam vi goo mbutlna a ɓivunna, ni goo mbutl ma ɗoori ɦayna.

JOSUWE 4:10

Muli suu li ɓivunna suu zii Zandukka Galamba col duk mbo lumma Yurdanna gak gak daɓ u boy ma Yawe dam maŋ Josuwe ana lamuna ki halaŋ halaŋ tuwa. Ni ko ndal Moiz di ka maŋ Josuwera na may. Suu Israelna dik u tasi zak zak a taɓa lum ma Yurdanna kira.

NDUMBA 3:38

Moiz u Aaron u goryosi cuk ziisi ni fun Ziŋ Lonara na gay keŋ u maɗiina na. Asi ni suu li sunda ay hu Mbutluɓ ma Teteɗna kay suu Israelna halaŋŋa, lini sa ma daŋ tuɗ ha wa tok a li sun ndaɗta ni nam miɗ kiyo.

NDUMBA 1:51

Lini a jok u Ziŋ Lonara kiyo ni njaf suu vi Levina hawaɗ tlesuu min zira tokka ni asiya, li ma asi cuk huna, suu vi Levina hin pi Ziŋ Lonara kolo ni asi may. Sa ma daŋ ŋgen tam ay huwa ni daŋgay mamma ni miɗna.

KALKIRA 19:12

Aŋ ŋga li ma suuna mba lak huna kiyo, dasi ki jiviya, hin sa a ɗiŋ ay kolo kay ɦiniraɗi, ka sa ŋgen kom egeɗɗi lay. Sa ma tin kom eg ɦinira tana cam kiyo.

KALKIRA 27:7

Tokolo ndaɗta aŋ kalaɗ hu zulla aŋ cooɗ pay givin ma togolla, keŋem jak halaŋ, li ni aŋ a tlaɗu ni tlaɗ ni u tokolo ndaɗta.

DLAŊ LEVIRA 16:13

Tew fok Yawe wa ni nam cuk mbitla his jivira kay kura, ndoos mbitla his jivira kuluɓ ki kay Zandukka Galamba u yam Zandukka halaŋŋi kay a ŋgayasi kiyo ka nam miɗɗi.

NDUMBA 1:50

Aŋ ɦasi sun masira ni kay tlesuu kalafi hu Ziŋ Ҥinira Gaɗta. Tlesuu li sunda huna halaŋ, tlesuu min zi ndaɗta u asina halaŋ. Asi li sunda hu halaŋŋi asiya, ŋguy ziisi ni kay Ziŋ Lonara gaw may.

NDUMBA 4:14

Asi cuk tlesuu daŋŋa kolo kay tlesuu li sunda u asina, kawi ma tok murus kura kina, pelna u tlesuu daŋŋa daŋŋa halaŋ suu li sunda hu givin ma togolla. Asi hin boɗ bak vabak ma lus duk mbona ha kolo kasiya, ŋgoo dagan kal kawi ma tlasi kolo u namma.

NDUMBA 4:19

Gola aŋ golosi ni ko wanda na, ka asi miɗ kiɗi, hu li ma asi tuɗ ha hu li ma ki saɓaki teteɗna ni, Aaron u goryom tuɗ ha ki fokosi jewe, yasi ha ni na dew dew gegelay kay sun mamba mamba, asi takasi tlesuu asi a tlasina ni takkiya.

NDUMBA 4:20

Kay lini suu vi Kehatna cuk ha kalafi wi tlesuu teteɗna u irisi ni na ew lay, ni asi miɗ kiyo.»

NDUMBA 18:3

Asi gorseŋŋa li sunda ha fokoŋu ni hu Mbutluɓ ma Tokkana halaŋŋa, doy hol may ka asi ɦuɗ tasi ay fun li ma tlesuu hu Ziŋ Lonaraɗi, tuɗ eg givin ma togollaɗi lay, kay sa miɗ kiɗi, asi lay, taŋga lay.

2 SAMUEL 15:24

Sadok ay huwa. Suu li ɓivunna halaŋ tli Zanduka Galamba vi Lonara kasiya. Abiyatar kal hu li ma ɓivunna ta ta suu sel ay ki hu ɦoŋzinana jak ki halaŋ tuwa.

1 DLAŊ MULINARA 23:26

Na lay ni suu Levina hin ka tlam ziim kasi u tlesuu hinisi ki a lam sun mambana oloɗi.

KALKIRA 19:21

Yawe di Moiz ana, «Ɗiŋ ha ki ga tuɗ ne yam suuna ha kiyo, ka asi calaɗ li ma ŋgaam ki maŋ Yawe a golomma kiɗi. Asi li wa na ni asi hin puk cocoo.

1 MULINA 8:3

Suu ŋgolo suu Israelna tuɗ ay kay cee muli suu li ɓivunna suu tli Zanduk ta Galamba vi Yawera ay kasina.