NDUMBA 35:33 - Boy Lonana

³³ Ka agi ɓalak mbas magiraɗi, mbassa mbuɗ ki njenjera ni u busu ma sana vooɗna ki kaɗna. A hin mbus mbassa ki teteɗta ni u busu sa ma vooɗ busuna ki kaɗna may.

NDUMBA 35:33 ပူးပေါင်းရင်းမြစ်များ

SOOLLA 106:38

Asi vo busu ma li co kaɗina ki gaa, busu gor njufii masisina u gorɓii masisina, asi li ɓivunna maŋ fuli suu Kanaanna, asi ɓalak mbassa ki u busuna wa.

MISE 4:11

Cecem wanda mbassa bolowo vi vunusi kaku, mbas mayra di ana, «Ko ndak mbuɗ ki lalasi, ko irigi gol ɓeŋga vi Siyonda.»

EZAYI 26:21

Kay Yawe kal ay ki vo hu ziim a sa sugul ci maɗ masina, ni kay suu hu duliyarna halaŋ. Ndaŋgara hin tak busu ma vo ki kaɗna kiyo. Ndaɗ ka baa yam suu casi kina oloɗi lay.

2 MULINA 24:4

Olo ni kay busu suu li va kaɗi ma asi voom ki kaŋga ɦawa bay uɗna. Dla co ndaɗta oy ki hu Yerusalem. Yawe ka min zi ma Yerusalem namma oloɗi, ka min a heɓ hurum eg zi nammaɗi.

2 MULINA 23:26

Vam na lay ni hu Yawe ka heɓ kay mulla Yudara kay dla cora Manase laɗ eg Yaweraɗi.

DLAŊ LEVIRA 18:25

Mbassa halaŋ mbuɗ ki njenjera, an gaɗasi ni kay dla ndaɗta asi laɗ cora. Mbassa noy suu cuki huruɗna ki wa.

URA TIN AYRA 9:6

Sa ma vo busu sana kina, sa hin voom busuɗum kini voy may. Kay Lona li sana ko tamba na.

SOOLLA 106:28

Olo, asi gijaŋ goɓ kaŋga fok Baal Peor, asi ti ɓivun ma lam maŋ suu miɗinana.

GA 8ATAMBARA 21:23

Ka hinim maɗam a buu kolo hum gunaɗi, agi pam ki ni hu buu namma gak gak gaw. Kay sa ɓali ki kolona ni givun ma vi Lonna. Agi ka mbuɗ ndaŋga magira ki njenjeɗi, ndaŋga ndaɗta Yawe Loogina ɦagira ni magi a jona.

URA TIN AYRA 4:10

Yawe dam ana, «Aŋ li na ni amege? Dla busu wayaŋŋa tew ha ki egen kolo u tiina a saam sukulumba.

NDUMBA 35:32

Sa ma tuɗum ha ki hu ɦoŋzi ma ŋgayra kay nam ci maɗnana, agi ka vi gursu kam a hoŋom ay vo hu mbas mamba, jew miɗ ma vi mul ŋgol ma li ɓivunnaɗi lay.

GA 8ATAMBARA 19:10

Li wa na ni busu sa ma li va ma co kaɗina ka cuk ki ɦawa dukugi hu mbas magira na gor gorɗi, ni mbassa Yawe Loogina ɦagira a jonara, busu namma hin hoŋŋi kagi tok.

SUU KAƁAKŊA 9:24

Lini kay Abimelek ci gorsem suu vi bumma goryoŋ Yerubaalna ki na dok-kiɗisiya u suu ŋgolo suu Sekemma suu zuɗum um a nam li suluk nammana, asi hin fi kaɓak ma cona kay coosi ndaɗta.

1 MULINA 2:31

Mulna hoŋom dira ana, «Aŋ tuɗ lam ko nam dira na may. Suɗun ki u suu vi bunna ko busu suuna ma nam voom ki kaŋga bay asi li dla corana.

EZAYI 24:5

Ndaŋgara mbuɗ ki njenjera ni ko sem suu ka tuɗ kaɗna kay asi ŋgel gaɗta, asi mbuɗ gaɗta ɦasirara ki zeɗ, asi bus galam mayra din din u Lonara kiyo.

JEREMI 16:18

An gijaŋ warakasi dla cora asi laɗta yasi mba' mba', dla cosira lay kay ana asi mbuɗun mbas manda ki njenjera u dlasira moli ko didiŋga nara, oyon joonna ki u dla coosira.

JEREMI 26:15

Agi wi ki kagi ana lini agi can ki wa ni dlara hin vagi ni agiya. Agi tagira lay ɦoŋzi namma u suu hurumma lay. Kay agi ci ki ni sa li va kaɗina. Gasi daŋ may ni Yawe sunun ay ana an dagi boy namma ki agi humumu ni namu.»

GA 8ATAMBARA 19:13

Agi ka juɓbi. Agi mba bulum busu sa ma vo ki li va kaɗina ki kay suu Israelna, ni agi hin lak u furira may.

2 SAMUEL 3:29

Ko nam ɓaɗ ni kay Joab u suu mamsina halaŋ. Ko dlara vo busuna kira ura tum suuna ki ndo ndonara, ura mbuɗ suuna ki ko boyogina nara u ndira ndi fun ŋgewnara u ndira mayra ndira seŋ lira li vo hu ziŋ Joabbaɗi.»

2 SAMUEL 21:9

Nam hin ɦasi ki ko suu Gabaonna. Asi ɦuɗusi ha ki kay ɦinira fok Yawe. Asi miɗ ki u dlasira kiɗisiyara halaŋ. Asi casi ki ni hu buu ma jew ma feɗ tlena, hu gijaŋ feɗ wa tlawna.

2 DLAŊ MULINARA 23:15

Asi vi Ataliya ay kemmi. Ndaɗ mba tew fun ziŋ mulnana may, ni mba vun grek ma kulumina na ga ni asi caɗ ki hu li namma ni na gaw.