NDUMBA 35:30 - Boy Lonana

³⁰ «Kay dlara ci maɗna, ci sa ma ci maɗnana ki ni u dikira vi suu daŋŋa bolowo ka kaɓakŋa kay sana a cam kira u dira vi sa ma dewnaɗi.

NDUMBA 35:30 ပူးပေါင်းရင်းမြစ်များ

KALKIRA 21:12

Sa ma ci sana ki maɗnana, cam ki cii may.

DLAŊ LEVIRA 24:17

«Lini sana ci ndaram sa warna ki wa ni, asi cam tamba ki may.

NDUMBA 35:16

Lini nam waɗ sana ni u kawiya kalam maɗna ni na ni sa namma ndak cam ki may kay nam ci ni maɗna.

NDUMBA 35:31

Agi ka vi gursu ko sa a gus kay a suɗ sa ma ci maɗna ma ɓakŋa vam a cam kinaɗi. Sa namma cam ki ni ci daŋ may.

MATIYE 18:16

Nam humuŋ vunuŋ kaɗi ni, tay sa uŋ dew kala, mba' kala, tuɗ egemu. Kay a gi ii boyna wanni, suu mba' kala, hindi kala, li duk boy namma, ko gaɗta dira na.

Boy Ma Ayra Ma JAŊ Ɓiirimma 7:51

Nam dasi ana, «Gaɗ mayra di ana, Aŋ ka gi sana daŋgayna bay wi dlara nam laɗta u dlara nam daɗtaɗi.»

2 KORINTNA 13:1

An tuɗ ha varagiya ni a yanda hindira, boy ma sana mbaaram kay ndarammana suu dikina li mba' kala hinda kala ko magara dira na.

GA 8ATAMBARA 19:15

Sa ma dewna ka ndak a di ki kay cora vi sa ma hiŋŋa ma ci maɗna ɗowba li suluk ma ci maɗna, ɗowba kay dla co megelay u dew tambi. Ɓakaŋa vi sana ni u vun suu di kina mba' kala, hindi kala na.

GA 8ATAMBARA 27:24

«Sa ma ci ndaramma ha ki ŋgay gumun cina, sa namma ba ki wa. Suu halaŋŋa hoŋ dira ana, Amin.

1 TIMOTE 5:19

Boy ma co ma suuna kaam kay suu ŋgolona aŋ vam zak bay suu dikina li mba' u hindiɗi.

HEBRENA 10:28

Sa ma hum ka u gaɗta vi Moiz ɗina, asi cam ki ni ka wam hahawambi. Lini suuna wam ki wa ana nammi sa ma li cora, suu diki kamma li goy mba' u hindi.

WIRA ŊGAYRA 11:3

An hin cuk suu man suu dikina mba' asi hin cuk baraw ma mbumbu bolna tasiya, asi hin mba di Boy Lonana ki buuna bup duk kis kis mba' duk dok karkiya.