NDUMBA 34:5 - Boy Lonana

⁵ Col ha Asmon ii hakara tuɗ kolo fun mbo lum ma Egiptena na. Tuɗ tew ay ki fun mbo lum ma ŋgolna.

NDUMBA 34:5 ပူးပေါင်းရင်းမြစ်များ

URA TIN AYRA 15:18

Hu buu namma ni Yawe vi galamba u Abram di ana, «An ɦal mbas ndaɗta maŋ gor ŋgologi maŋsina, col ha fun lum ma Egiptena ta ta fun lum ma ŋgolna Efratna,

1 MULINA 8:65

Hu li namma gaw ni, Salomon li luu ma vun mbutluɓma ki hu gaw may. Suu Israelna tok ay ni halaŋ halaŋ, col ay Lebo-Hamat ii ma mbayawna ta ta fun mbo lum ma Egiptena ii ma dalina. Asi li luuna fok Yawe, Looygina, buuna kiɗisiya, asi hin li buuna kiɗisiya olo, buuna halaŋ doogo yam fiɗi.

EZAYI 27:12

Hu buu namma ni Yawe tok yam suu mamsina ko suuna a feɗ wana vora na, col ay fun lum ma Eufratna ta ta tew ki fun lum ma Egiptena, hin cagi ɦeleegi ay ki na dew dew halaŋ, agi suu Israelna.

EZEKIYEL 47:19

Keŋ ma ii dalina col ha ii hakara u Tamar tuɗ hu galaŋga ta ta Meriba-Kades, tuɗ ha fun lum ma Egiptena hin jak ta ta fun lumma Mediteranena ni ii haka mayra dali nara.

DANYEL 11:45

Nam hin pi mbutluɓ mamma mulla duk ɦoŋ lum ma ŋgolona u ɦini mayra teteɗ jivi ɦayra. Buurum hin daɓ hu li namma bay sa mbay a njunumu.»

JOSUWE 15:4

Jak hu Asmon hin maɗ ay ki fun mbo lum ma Egiptena na, tuɗ do ay ki fun mbo lum ŋgol ma Mediteranena. «Ii haka magira dalira li ni ko ndaɗta na.»

JOSUWE 15:47

Asdod u njafasiya u ɦoŋziisina ta ta tew ay eg mbo lum ma Egiptena mbo lum ŋgol ma Mediteranena u lii ŋguyumma.