NDUMBA 33:52 - Boy Lonana

⁵² agi dik suu cuki hu mbas ndaɗtana ki halaŋ halaŋ, agi njayasi fuli masisina kiyo, ɦini masira asi ceɗeɗta, agi toosi tlegeyesi suu asi yoorosina kiyo. Agi doorosi liisi ma mbuy kolona ki halaŋ.

NDUMBA 33:52 ပူးပေါင်းရင်းမြစ်များ

DLAŊ LEVIRA 26:1

Yawe di ana, «Goɓogi loogi suu ɦawanaɗi, ceɗegi tlesuu agi a goɓ fokosi ko Lonana naɗi. Hu mbas magira ni ceɗegi ɦini mayra suuna a goɓ fokoɗta kalaɗ ay huɗi, goɓogi fokoɗɗi lay, kay anni Yawe, Loogina.

KALKIRA 23:24

Agi mba goɓ ga fok loosinaɗi, sunumbi lay, agi mba li ko asi lira naɗi, ni na ɗow agi toosi loosi namma kiyo, toosi tlesuu asi goɓosina kiyo.

SUU KAƁAKŊA 2:2

Agi may ni ka vagi banara u suu cuki hu mbas ndaɗta jewnaɗi, agi toosi givin ma togolla masi kiyo. Agi may ni min ka a humun boy mannaɗi. Agi a lagi na ni dla mege?

JOSUWE 23:7

Kalagi ka vi suu ɦawa suu hin cuki keŋegi ca canaɗi, yagi sem loogi masisina funugiɗi, suu tagi u loogi masisinaɗi lay, sunusiɗi lay. Goɓogi ga fok loogi masisinaɗi ɗay.

GA 8ATAMBARA 33:29

Furyugiya agi suu Israelna, sa ma a ŋga u agina ni gege, suu may suu Yawe ka njunusina? Nammi a mbaari magina ka njun kagiya. Nam olo ni a ŋgew magi ma ka ɦagi saɓakŋa cocona. Nam homogi yam suu babali magisina ay ga fokogiiya, agi tayasi tlesuu kolo day hu mbas masirana ki ga u segiya.

GA 8ATAMBARA 31:5

Yawe hin ɦagisina ki fokogi agi hin lasi ni ko an dagi wanda na.

JOSUWE 9:7

Suu Israelna di suu Hivna ana, «Kala agi li ka cuki ni dukumi tani tok kalage. Ami hin a vi galamba u agi ni ana mege?»

JOSUWE 11:15

Ni ko ndal Yawe di ka maŋ Moiz, nam Moiz hin jok boy namma ka maŋ Josuwe wanda na may. Josuwe hin li ni ko ndaɗta na may, nam ka hin dla mayra Yawe daɗ ka maŋ Moizza kiɗi.

1 MULINA 11:7

Hu coki ndaɗta ni Salomon min li ma li ɓivunna kolo kay ɦinira vok taɗ u Yerusalem maŋ Kemos lo ma vi suu Moabma. Nam hin min li ma daŋŋa maŋ Milkin lo ma vi suu Amonna may.