NDUMBA 32:33 - Boy Lonana

³³ Moiz ɓorow mbassa maŋ goryoŋ Gadna, goryoŋ Rubenna u nus goryoŋ Manase ma goŋ Josefna. Mbassa vi Sihon, mul ma Amorna u mbassa vi Og, mul ma Basanna, mbassa u ɦoŋzi ma huruɗna halaŋ, u ndaŋgara ŋguyuɗta halaŋ, ɦoŋzi ma ŋguy kasina halaŋ.

NDUMBA 32:33 ပူးပေါင်းရင်းမြစ်များ

1 DLAŊ MULINARA 12:31

Goryoŋ Efrayim suu saɓak suu sesi tii ki duk suu hu dee masirana ni 20,800.

1 DLAŊ MULINARA 26:32

Asi u gorsemma halaŋŋi suu dlasi ŋgolona 2,700. Suu ŋgolo suu fok suunana, suu mulna David tinisi kay suu vi Rubenna, suu vi Gadna u nus njaf suu vi Manasena kay dlaŋ Lonara halaŋ, kay dlaŋ mulnara halaŋ may.

1 DLAŊ MULINARA 5:18

Goryoŋ Rubenna, suu Gadna u nus njaf suu vi Manasena ni duk suu saɓak cocona, suu yow mbarina kosi u ŋgewnana, suu wi mun mburura haɗi ki u duunana 44,760, suu ndaki a tuɗ fun duunana.

NDUMBA 32:1

Goryoŋ Ruben u Gadna u yoorina kosi bolow cocoo. Asi wi mbassa Yazerra u mbasssa Galaadta na ni ndaɗ irisi jivi kay yoori masisina.

NDUMBA 32:32

Ami tamira u kawi mamina tuɗumi fok Yawe hu mbassa Kanaanda na may mbassa ami tamira hin tlaɗ a ɓorow maminara ka ki ni keŋ lumma ii hiŋŋa.»

NDUMBA 34:14

Kay ndaɗta njaf suu vi Rubenna u njaf suu vi Gadna u nus njaf suu vi Manasena fi joosina ha ki da.

NDUMBA 34:15

Njaf suu mba' asina u nus njaf suu hiŋŋa fi joosina ha ki ii hiŋŋa ŋgoo lum ma Yurdanna. Vok tasi u Yeriko ii ma u maɗiina na.»

GA 8ATAMBARA 29:8

Boy ma galamba namma agi ŋgomom jiviya. Agi mba li u boy namma may, kay a fi u dlara agi min a laɗta halaŋga.

JOSUWE 12:1

Gola ni ndum muli may suu suu Israelna dikisi kina. Asi tlasi mbas masira ki halaŋ halaŋ mbassa ŋgoo lumma Yurdanna ii hiŋŋara bel bel, col ha u maɗiina tuɗ ta ta tew fun mbo lum ma Arnonna jak gak gak tew eg ɦinira Hermonda u ɦuɗugumba Yurdanda ii u maɗiinara halaŋ.

JOSUWE 12:6

Moiz, sa sunda vi Yawe, u suu Israelna dik muli asina ay ki ni asiya. Moiz, sa sunda vi Yawe, ɦasi mbas masira ki maŋ dee suu vi Rubenna u suu vi Gadna u nus dee suu vi Manasena.

JOSUWE 14:3

Kay Moiz ɦal mbassa ŋgoo lum ma Yurdanna ii u maɗiinara maŋ dee suu mba u nus dee ta hu dew may, may njaf suu vi Levina nam ɦasi li ka duk ndarayasinaɗi.

JOSUWE 22:4

Cemi ni Yawe, Loogina, ɦal koɗ tara wa maŋ gorsegina ko nam di ay ki fok jewra na. Agi ndak cemi ni a hoŋ hu mbutluɓ magina may hu mbas magira kay tagira ta Moiz sa sunda vi Yawe ɦagira kara, ha ki ŋgoo lum ma Yurdanna ii hiniŋŋa wandara.

JOSUWE 22:7

Moiz ɦal lina ka maŋ nus goryoŋ Manasena ni hu Basan, Josuwe hin ɦal lina ka maŋ nus goryoŋ Manase suu hiniŋŋa ki ni ŋgoo lum ma Yurdanna ii u fiɗigina eg gorsesina tana may, Josuwe a sunusi hu mbas masira ni nam paɗ vunum ki kasi may.

1 SAMUEL 13:7

Suu hebrena ɗiŋ lumma Yurdanna ay ki lay a tew ki hu mbassa Gad u Galaadta. Sol ay ki hu Gilgal tuwa, suu ay um daganna halaŋŋi dlak ko ndaana.