NDUMBA 32:22 - Boy Lonana

²² lini agi hin hoŋ dagan ta ta mbassa halaŋ tlaɗ ki maŋ Yawe ni, va hin ka lagi fok Yawe oloɗi, fok suu Israelnaɗi lay. Mbas ndaɗta wanda hin ki ni a mbas magira fok Yawe may.

NDUMBA 32:22 ပူးပေါင်းရင်းမြစ်များ

JOSUWE 22:9

Njaf suu vi Rubenna u suu vi Gadna u nus goryoŋ Manase suu ha ki cuki ii u maɗiinana hoŋ vo hu ziisiya, asi hin gorsesi suu Israelna ka hu Silo hu mbassa Kanaanda may, asi tuɗ hu mbassa Galaadta, mbassa asi faɗ a ɓorow masina ko ndal Yawe di Moiz na mayra.

JOSUWE 22:4

Cemi ni Yawe, Loogina, ɦal koɗ tara wa maŋ gorsegina ko nam di ay ki fok jewra na. Agi ndak cemi ni a hoŋ hu mbutluɓ magina may hu mbas magira kay tagira ta Moiz sa sunda vi Yawe ɦagira kara, ha ki ŋgoo lum ma Yurdanna ii hiniŋŋa wandara.

GA 8ATAMBARA 3:20

Ta ta hu li ma Yawe ɦal koɗ tara maŋ gorsegina ko nam ɦagi koɗ tara wandara na may. Ko asi fi mbassa nam ɦasirara ki kosi may, li ma nam hin a ɦasina ha ki ŋgoo lumma Yurdaŋŋa ii hiŋŋana. Ni agi gegelay hin hoŋ ay hu liim ma nam a kak huna, ma an ɦaginana.»

JOSUWE 13:8

Dee suu vi Rubenna, suu vi Gadna u nus dee suu vi Manasena fi liisina ha ki keŋ lum ma Yurdanna ii u maɗiina, liisi ma Moiz, sa sunda vi Yawe, ɦasina kana.

JOSUWE 1:15

Ta ta hu li ma Yawe hin koɗ ta gorsegina ko nam koɗogi tagi wandara na may. A asi fi mbas masira Yawe, Loogina, hin ɦasirara ki kosi ko agi na may. Ŋgoo dagan agi hin hoŋ ay hu mbas magira tuwa. Agi hin cuk hu mbassa Moiz, sa ma sun Yawena, ɦagira ŋgoo mbo lum ma Yurdanna ii u maɗiina nara may.»

SOOLLA 78:55

Nam dikisi suu daŋŋa ha ki fokosiya, nam ɓorow mbassa ki maŋ suu Israelna, nam cuk dee suu Israelna hu ziisina halaŋ halaŋ.

2 SAMUEL 3:28

Hu li ma David hum boy namma ŋgoo dagan na ni, nam di ana, «An u mul manda ami dla ka kamiɗi a fafaɗta fok Yawe kay busu Abner ma goŋ Nerna.

JOSUWE 18:1

Suu Israelna halaŋ tok tasi hu ɦoŋzina Silo, suu muli suu li ɓivunna u suu njun usina pi Mbutluɓ ma Tokka huwa, mbassa halaŋ hin ki ni masira.

JOSUWE 11:23

Josuwe tli mbassa ki halaŋ ko dlara Yawe daɗ ka ki maŋ Moizza na may. Nam ɦaɗ ki maŋ suu Israelna a joosina, ɓorowosira ki u deeresi halaŋ halaŋ. Mbassa ndaɗta fi koɗ tara ni na gaw, duu ka hu oloɗi.

JOSUWE 10:42

Josuwe suu kay muli masisina u mbas masira halaŋ halaŋ, ni hu koyra dewra ɦawaa. Kay ana Yawe, Lona vi suu Israelna, ka duu kasiya.

JOSUWE 10:30

Yawe hin suu Libnana ki hu duk ko suu Israelna u mul masina halaŋ, suu Israelna casi ki halaŋ halaŋ, hin sa ka iiriɗi. Josuwe lasi mul masina ni ko nam li mul ma Yerikona na may.

JOSUWE 2:19

Lini sa maa dukugi kali kiɗik wa ni busuɗum hoŋŋi kamu, ka kamiɗi. Lini sa ma ka kalafi ukŋa sa ŋgen kom egem wa ni busuɗummi kami amiya.

DLAŊ LEVIRA 14:34

«Hu li ma agi tew hu mbassa Kanaan ta an ɦagira ki magira wa ni, lini an tin zozoɗta ki pay zira vi sa wa ndaɗ gufuu ki wa ni,

NDUMBA 32:21

lini suu magi suu duuna taɓa lumma Yurdanna fok Yawe, ta ta asi tuɗ dik suu babali masisina kiyo ni,