NDUMBA 31:23 - Boy Lonana

²³ tlesuu kura ka lasi vaɗi, suu agi ndak a cukusi duk kura a mbuɗusi ki teteɗna, agi mbususi u yo ma teteɗna lay. Tlesuu ka ŋgaf u kuraɗina agi mbususi ki u yo ma teteɗna may.

NDUMBA 31:23 ပူးပေါင်းရင်းမြစ်များ

NDUMBA 19:9

Sa ma tam ki li teteɗna hin tok but mbutla kolo ni namu, nam ŋgayam ha ki hu li ma teteɗna doŋ kaana, but namma hinni a tlumum u yo ma bulum cora kina maŋ suu Israelna, ni ɓivun ma kay dla corana.

NDUMBA 19:17

Kay sa namma ni agi yow but mbutl mayra ŋgalira cukuɗ hu zekŋa, vo yo ma bulum cora kina kay but namma may.

1 KORINTNA 3:13

Ni sunda vi sana hin tak ki hu buu ma kaɓakŋa, tak kini dlaamba nam laɗta. Hu buu namma ndaɗ mba ki kiɗikŋi u kura, kura hin tuk sunda vi sana ni u va nam lamma.

MATIYE 3:11

An mbusugi batemma duk yona a tak ana hurugi mbuɗ ki zeɗ. Sa ma mbay ŋgoron daganna, hin mbusugi batemma u Musuk Lonara, u kura may, kay dlam ŋgol suunu. An ndak ka a ziirim tuɓuru mammaɗi lay.

EZAYI 43:2

Lini aŋ taɓa mbona ni an ka u aŋu. Aŋ taɓa mbo lumma ni nam ka tluɓuŋgi. Lini aŋ tuɗ duk kura lay ni ndaɗ ka ŋgalaŋgi. Ndoos kura ka laŋ vaɗi lay.

WIRA ŊGAYRA 3:18

An min neeŋu gus lor ay yoori u kura gaw, kay aŋ mba mbuɗ begee. Gus baraw ma haɓma a cuk taŋga siilira kay baa zolo maŋŋa. Gus guna kay iriŋu kay aŋ mbuɗ wiya.

1 PIYER 4:12

Banayan suu an minigina, lakagi jim kay lassa lagira ana mba kagi na ni dlara ka u voɗoɗɗira naɗi.

1 PIYER 3:21

Mbo namma takŋi batem ma ka suɗugi cecemmi wanna, mbo namma ka mbus zozoɗta eg sanaraɗi, ni a joɓ Lona kay saara ɗegeera, batemma suɗugi ni u colla Yesu Kristu col ay ki kolo iiri duk suu miɗinara.

1 PIYER 1:7

las ndaɗta ni a tukugi saɓak viigira. Lorra ni vara daɓ kira asi ka yooroɗ u kura kay a mbuɗuɗ eŋe. Na may viigira ni su lorra, lassa lagira ni kay a tukugi ana ndaɗ coli eŋ su. Hu buu ma Yesu hin a mbana wanni hin geleɗegiya, ŋgaagiya, ɦagi ŋgolla.

EFESNA 5:26

Nam li na ni kay a mbuɗ suu vi Kristuna ki suu ndakina maŋ Lona, ni hu li ma nam ɦokosi ki u yona u boyna.

ZAKARI 13:9

Suu hin asina an tukusi u kura. An hin yoorosi ki ko suuna yoo doonora na, an hin yoorosi ki ko suuna yoo lorra na. Asi hin yan sen may, an hin humusi may. An hin di ana, «Ni suu mansina.» Asi hin di ana, «Loonna ni Yawe.»

NDUMBA 8:7

Gola aŋ a mbuɗusi ki teteɗta ni ko wanda na, yamasi yo ma ɓivun ma bulum cora kina kasiya. Asi wel tlimiɗta egesira ki halaŋ, mbus barawi masisina ki halaŋ halaŋ, asi li tasi ki teteɗ.

DLAŊ LEVIRA 15:17

Barawi suu tam li ki egesina halaŋ mbususi kiyo, lini ɗikka lay, asi ki mbuɗi njenje ta ta fiɗigiya.

DLAŊ LEVIRA 11:32

Lini tle asina maa miɗ hu va ma li sun wa ni va namma mbuɗ ki ni njenje lay, lini ŋgutta kala, baraw kala, bak ɗowba mbumbuwa, lini va ma li sunda ni megelay, va namma agi mbusum kiyo, nam mbuɗ ki njenjera ta ta fiɗigiya. Ŋgoo dagan nam mbuɗ ki balamam teteɗ.

NDUMBA 31:22

Tlesuu kura ka ŋgalasiɗina ni lorra, doonora, walakka, kawina, silkina, u tusuna,

NDUMBA 31:24

Hu buu ma kiɗisiyana ni agi mbus barawi magisina ki halaŋ halaŋŋi agi hin mbuɗ ki teteɗ. Ŋgoo dagan agi hin cuk ay vo hu zina.»

KALKIRA 19:10

Yawe di Moiz ana, «Tuɗ eg suu Israelna asi li tasi ki teteɗ karami, vinni asi mbus barawi masisina ki may.

KALKIRA 19:14

Moiz cuk ay ki ga kay ɦinira mbay eg suuna. Nam li suuna ki teteɗ, asi mbus barawi masisina kiyo.