NDUMBA 31:2 - Boy Lonana

² «Tuɗ sa sukul suu Israelna kay dla cora suu Madiyanna a lasira egesira. Ŋgoo dagan aŋ hin hoŋ eg somoyoŋu.»

NDUMBA 31:2 ပူးပေါင်းရင်းမြစ်များ

NDUMBA 27:13

Aŋ hin waɗu, may aŋ taŋga ka hin liɗi kama, aŋ hin tuɗ ki ni eg somoyoŋu, ko wayaŋŋa na may.

WIRA ŊGAYRA 6:10

Asi sawalla ay kolo u delesira eŋga ana, «Bu Suuna ma jivi teteɗ gasina, aŋ juɓ na gak gak, hin kaɓakŋa kay suu hu ndaŋgara a cukusi daŋgayna kay cira asi cami kira ni saɓage?»

SUU KAƁAKŊA 2:10

Suu basi asina halaŋ cuk ga u somoyosi wa, gor ŋgologi masi suu hin kana varak yow kolo ni asiya. Na may asina ka wi Yaweɗi, ka wi dlara mbuɗ mbuɗta nam laɗ ay u somoyosiraɗi lay.

WIRA ŊGAYRA 19:2

Ɓak ma nam kaamma tew tewni ka ni ɗegee, nam kaɓakŋa kay cara gawlaŋga ŋgolla ta ɓeŋ ndaŋgara ki halaŋ u boy zoŋga wa. Nam gaɗ daŋgayna ni kay ndaɗ ci suu sunda vi Lona kira.»

WIRA ŊGAYRA 18:20

«Huulona furi kay ɓalak mamba, suu njafna vi Lonna halaŋ lagi furira, suu vovoɗta u suu jok vun Lona, Lona kaɓakŋa kay zi namma ni kay cora nam lakira egegira.»

HEBRENA 10:30

Aygi waygi sa ma di anaba, «Sa ma sasugul suuna ni anu, an hin warakaŋŋi anu.» Di olo ana, «Bu Suuna hin kaɓakŋa kay suu mamma.»

1 TESALONIKŊA 4:6

Kay dla ndaɗta ni sa ma li ganyamba u dlara co eg wayambi, suu li dla cora ko ndaɗta nana Bu Suuna hin kaasi ɓakŋa kasiya, ami dagi boy namma ki jew lay.

ROMMA 13:4

Lona tin ŋgolla ni namu, kay a tuɗ sana eg jivira. Lini aŋ li va ma coo ni li ndaana ko ŋgolla, asi cuk suuna daŋgayna ni ka u saɓak masina ɦawaɗi, asi li ni sunda vi Lona kay a tak ki ni yara vi Lonara, hu li ma asi cuk suu li cora daŋgayna.

ROMMA 12:19

Banayanna hoŋogi cora kay suu lagi cora u tagiraɗi, hinigi yara vi Lonara li ndaɗu, kay magaara di ana, «Sa ma sasugul suuna ni anu, an hin warakaŋŋi anu.»

SUNDA 13:36

Hu li ma David ayna ni nam sun Lona ko nam minda na, nam hin miɗa asi pammi kay us somoyomu, nam loɗ ki ko suu daŋŋa na may.

Boy Ma Ayra Ma LUK Ɓiirimma 21:22

Buu namma hin li ni buu ma wi hawra. Li ni boy ma ki ɓiiri fok jewna.

NAHUM 1:2

Yawe ni Lo ma yowmus coco lay, sa sugulum layna. Yawe sa sugulumu, yaamba li suuna ndaana ɦay. Yawe sa sugulum u suu babali mamsina, nam mbuɗ yara eg suu babali mamsina.

EZAYI 1:24

Kay ndaɗta Bu Suuna Yawe, ma Saɓakŋa Kom Belna, mul ma vi suu duuna, saɓakŋa vi suu Israelna di ana, Hahawra, an hin sa sukulna kay suu gonok mansina, sa sugulun u suu babali mansina.

SUU KAƁAKŊA 16:24

Suuna wi Samson na ni, asi ŋga loosina di ana, «Looygina ɦaygi saaygi ma babalira ki hu duk koygi wa, nammi sa ma bulumuygi mbas maygira kina, sa ma caygi suu maygina ki cocona.»

GA 8ATAMBARA 32:35

Sa sukulna u warak ma warak sana ni kon anu, cemi ni li ma col sesi huna ka tuwa, buu masi ma yoora hinni na tok daŋ. Dlara miniɗ ka ki kasira ka a juɓ ta ta oloɗi.»

NDUMBA 31:3

Moiz di suu Israelna ana, «Njufiina gegelay dukugi ni min tam a tuɗ koyra, asi tuɗ a duu u suu Madiyanna a sa sukul ma vi Yawena u suu Madiyanna.

NDUMBA 25:6

Hu li ma suuna ka moli fun Mbutluɓ ma Tokka tii may ni, gola ni sa ma Israelna dew kal ay dukusi u goora Madiyanda umu, ni ii Moiz u suu Israelna na halaŋ gaw lay.

NDUMBA 20:26

Aŋ fok baraw ma vi Aaronna cukum ki ta goromma Eleazar ni Aaron hin tlam kiyo, nam hin miɗ ay ni hu li namma.»

NDUMBA 20:24

«Aaron cemi ka dukugi oloɗi, nam tuɗ ki eg somoyom suu jewna, nam ka ndak a kal hu mbassa an ɦaɗ maŋ suu Israelnaraɗi, kay agi ŋgelen vunun li ka u boy ma an dagina ay fun mbo ma Meribanaɗi.

KALKIRA 2:16

Mul ma li ɓivunna ma vi suu Madiyanna gorɓiina kom ma kiɗisiya. Asi mbay go yona ga a ɦam maŋ yoori suu vi busina.

URA TIN AYRA 25:17

Gola ni basara vi Ismael kay ndaŋgara. Nam li basara 137 ni miɗa. Nam tuɗ taɓ u somoyom suu zulina.

URA TIN AYRA 25:8

Nam mbuɗ ki maa cocoo miɗni u furira, nam tuɗ taɓ u somoyom suu zulina.

URA TIN AYRA 15:15

Aŋ may ni hin tuɗ eg somoyoŋ u heɓpa, aŋ may ni hin mbuɗ maara u furira miɗ u heɓpa.

NDUMBA 25:1

Suu Israelna vi mbutluɓ masisina hu Sitim, suuna gijaŋ li dla cora u gorɓii suu Moabma.

NDUMBA 31:1

Yawe di Moiz ana,

GA 8ATAMBARA 4:22

An hin miɗ ni hu mbassa wandara ka calaɗ lum ma Yurdaŋŋaɗi, agi may ni hin calaɗ lumma tuɗ ki ii hiniŋa, lak hu mbassa jivi ndaɗta.