NDUMBA 30:2 - Boy Lonana

² Moiz ɓak suu ŋgolo suu fok njaf suu Israelna ana, «Gola ni gaɗta Yawe ɦaɗ kara.

NDUMBA 30:2 ပူးပေါင်းရင်းမြစ်များ

JOB 22:27

Lini aŋ hin cenemu ni nam hin humuŋu. Aŋ hin warakŋi dlaaŋga aŋ vi vunuŋ kaɗ a laɗta doy hol.

SOOLLA 116:14

An li dlara an vi vunun ki kaɗta fok Yawe, fok suu mamsina halaŋ lay.

SOOLLA 116:18

An li dlara an vi vunun ki kaɗta fok Yawe, fok suu mamsina halaŋ lay,

SOOLLA 119:106

An suu tanu, an li u suu manda may, an min a li u boy maŋ ma ɗegeena.

SOOLLA 15:3

Ni sa ma ka tum u saɗina, nam ka li dla co eg ndaram ma vok zinaɗi, nam ka ŋgul ndarambi.

SOOLLA 22:25

Nam noy sa ma wihawra ka ki hu las mambaɗi, nam ka ŋgay tam ki ko sa ma wihawraɗi lay, nam humum vunum hu li ma nam ka yi kolona.

SOOLLA 50:14

Ɓivun ma agi lam maŋ Lonna ni ŋgara ŋgaamba, dlara aŋ di ki u vunuŋ ana, aŋ laɗ maŋ Lonara, aŋ laɗu.

SOOLLA 55:20

Ko Lona hum haa, mbuɗusi zolona, nam ma ay kaki mulna day day ka mbuɗɗina. Asi ka jok hurusiɗi lay, ka li ndaa Lonaɗi lay.

SOOLLA 56:12

an tin saaranni kay Lona, an ka li ndaaɗi. Suu warna hin a lanni mege?

SOOLLA 76:11

Yara vi suu warna lay ka takaŋ ki ni bibiŋil maŋga, suu suɗ ay ki fun duunana ka furiya.

KALKIRA 20:7

«Aŋ yi sem Yawe, Lo maŋŋa, ɦawa na gorɗi kay Yawe kaɓakŋa kay suu yam sem gor gorna.

VUN ŊGOLNA 20:25

Sana a di na zak ana vana wanni teteɗ ni ka jiviɗi. Ŋgoo dagan aŋ wi ana suura aŋ suu taŋga ni coo.

DLAŊ LEVIRA 5:4

Ɗowba sana wi kaɗi, hin vunum paɗ suu suu mayra bay uɗta, dla ndaɗta li kom coo. Ni ana sa ma suu tam bay saara u kaboyna, sa namma cora vam wa.

NDUMBA 21:2

Suu Israelna yi tlena ki kasi fok Yawe di ana, «Lini aŋ a hinimi suu asina hu duk komiya ni tlesuu hu ɦoŋzi namma halaŋ ami ɦaŋsina ki ni maŋu.»

NDUMBA 30:10

«Na may gi vun ma vi cara donora u cara hin njufuɗ kira gi vunuɗ wa ni ndaɗ mba li ki u vunuɗ namma mbee.

NDUMBA 32:24

Tuɗ minigi zina kay goryogiya gagi katlaŋga kay yoori magisina may. Na may boy ma vi vun ma kal ay ki funugina agi lagi um may.»

MATIYE 23:16

Hahawra ka kagiya agi suu dugina, suu hal a taɗ suuna hu voɗta. Gola agi di ana sa ma suu tam u Ziŋ Lonara, boy namma ki ni ɦawaa. Sa ma suu tam u lorra hu Ziŋ Lonara hin boy nammaɗi.

MATIYE 23:18

Agi di olo ana, Sana suu tam u givin ma togolla wani, ki ni ɦawaa. Nam suu tam u tlesuu ɓivunna wani, ni suura gasira.

SUNDA 23:12

Vin maɗiira wanni suu Juifna vi vunusiya, asi suu tasi ki ana asi ti vaɗi lay, ci yoɗi lay, gak gak asi ci Pol ki tuwa.

SUNDA 23:14

Asi tuɗ eg muli suu li ɓivunna dasi ana, «Ami suu tami ki ana ami ka tami vaɗi gak gak ami cami Pol ki tuwa.

SUNDA 23:21

Ni aŋ vi boy nammaɗi, suuna ka su dok fiɗi a hin ŋgay tasi ki ŋgay ni cam kiyo. Asi suu tasi ki ana asi ti vaɗi lay, ci yoɗi lay gak gak asi ci Pol ki tuwa. Asi tasi ki miniya, juɓuŋŋi hoŋ diiŋga doy hol.»

2 KORINTNA 1:23

An yi Lona a sa di ki kana, lini an kaboyo ni nam baan iiri manda kiyo. An ka tuɗ ha Korint tuɗi, kay an min lagi u ɗigilla.

SUU KAƁAKŊA 11:11

Jefta tuɗ ay u suu ŋgolo suu Galaadna. Suuna mba a tlam fokosi a mul masina, tinimmi a ŋgol asgaana lay. Jefta hoŋ di boy ma nam dam ayna ki fok Yawe halaŋ hu Mispa.

SUU KAƁAKŊA 11:39

Til ma mbana daɓ may ni, ndaɗ hoŋ ay vo vi buɗu. Nam laɗ ni ko ndal nam suu tam kira na may. Ndaɗ buu ka u sa njuf tuɗi. Dla ndaɗta hin duk suu Israelna ni a fafaɗta.