NDUMBA 3:15 - Boy Lonana

¹⁵ «Ndum njaf suu vi Levina ki u ziisi halaŋ u deeresi halaŋ, aŋ ndum suu vi Levina suu njufiina col ha kay suu vuɗ li tilna dewna.»

NDUMBA 3:15 ပူးပေါင်းရင်းမြစ်များ

NDUMBA 26:62

Ndum suu vi Levina li halaŋŋi 23,000 ni ndummi njufii suu hu njaf Levina halaŋ col ha kay suu vuɗ ki li tilna ki dewna na. Asina taɓasi ndumusi ay ka duk suu Israelnaɗi, kay asi ka dlaɓi u asiɗi.

2 TIMOTE 3:15

Aŋ wi magaara gaɗta teteɗta ay ni u goo taŋ day, ndaɗ ndak a ɦaŋ nera a tuɗuŋ hu suɗta u vira aŋ vi u Yesu Kristura.

MARK 10:14

Yesu wasi li na ni, hurum ɓeŋ egesiya, dasi ana, «Hinigi kemba mbay egenu, doorosiɗi. Mul Lonara ni maŋ suu ko asina na.

JEREMI 31:3

Ay ki day ni Yawe tak tam irinu, dan ana an miniŋ ni a fafaɗta, olo ni u ɗegee maŋga an yaŋ ay egenu.

JEREMI 2:2

Tuɗ ci luluura hum Yerusalem. Yawe ɓak anaba, an ka njaɗak dlaakka ndak laɗ ay u gorokka, min mayra ndak min njufuk ma vak wilinara. Ndak tuɗ ay kay ceren hu fulla, kay ndaŋga mayra va ka wul huɗira.

VUN ŊGOLNA 8:17

Suu mininna an minisi may. Suu halanna wi ki gasi ana asi hin fan may.

NDUMBA 3:43

Ndum gor njufii suu vuɗ jew suu asi ndumusina col ha kay suu may suu vuɗ li tilna dewna na ni asi ndi halaŋŋi 22.273.

NDUMBA 3:34

Ndum njaf suu vi Merarina col ha kay gor njufii suu vuɗ li tilna dewna na ni, asi li halaŋŋi 6.200.

NDUMBA 3:28

Ndum njaf suu vi Kehatna halaŋ col ha kay gor njufii suu vuɗ li tilna ki dewna na, asi li halaŋŋi 8.600. Ni suu ka li sunda hu Mbutluɓ ma Teteɗna.

NDUMBA 3:22

Suu may suu ndumusi col ha kay gor njufii suu vuɗ li tilna dewna nana hu dee Gersonna ndumusi ndi halaŋŋi 7.500.

NDUMBA 1:47

Njaf suu vi Levina, u dee busi ŋgolona halaŋŋi ndumusi ka duk suu Israelnaɗi.

NDUMBA 3:16

Moiz ndumusi ki halaŋ u vun ma Yawe dammana.

NDUMBA 1:3

Col ha kay suu basaɗasi tew ki dok-mbana, tuɗ ha fok na, suu ki ndaki a yow kawi ma duuna kosina halaŋ, ndumusi ki hu li duuna halaŋ, agi u Aaron.

NDUMBA 26:57

Gola ni ndum njaf suu vi Levina u deeresiya. Gersonni njaf suu Gersonna, Kehat ni njaf suu Kehatna. Merari ni njaf suu Merarina.

2 DLAŊ MULINARA 31:17

Muli suu li ɓivunna ndumusi ni u ziisi hu dee masira, may njaf suu vi Levina col ha kay basara dok-mba' ndumusi ni u sun masira u dee masira kaay vora may.