39 «Gola ni ɓivun ma agi lam maŋ Yawe hu buu ma ŋgaaginana. Ni doorogi ka kay ɓivun magi ma agi min a lam u min magiranaɗi, ɓivun ma ŋgalam kina, puura u njaf wana, sum veŋŋa u ɓivun ma heɓpa.»
Kore ma goŋ Yimma ma Levina, sa ma juɓ vun grek ma ii u maɗiinana, asi ɦam sunda nam tok ɦalla ɦaɗ ay ɦawa maŋ Lona u mindara kom u may. Ɓorow ii ɦalla teteɗta ki u ɦalla saɓaki teteɗta.
Mulna ho keŋ bege mamba ki a warak kay ɓivun ma ŋgol ma lam maɗii may, fiɗigi mayna u ma lam hu buu ma vi Lonna may, hu buu ma jewna hu tilna may, u luu ma daŋ ma zeɗ zeɗna lay.
Ŋgoo dagan wanni, asi hin li ɓivun ma ŋgalam ki ŋgali ma zeɗ zeɗna, ɓivun ma ŋgalam ki ŋgali ma vun til ma teteɗ ma vi Yawena hu buuna tew tew, kay suu ɦal ɦalla ɦawara u hurusi maŋ Yawena halaŋ lay.
Hu li ma agi langi ɓivun ma ŋgalam kina, u ɓivunna u njaf wana halaŋŋi va an furiyum na dew kaɗi. Ɓivun magi ma u mbuuri suu mbulna cocona lay, ni irin ka golombi.
Gola ni gaɗta kay sa ma yi va ki kamu ɦal tam ki maŋ Lonana, nam mba ɦal tlena ay maŋ Yawe ni ko wandara na. Tlesuu nam a ɦasi dagan u min mamba ko nam suu tamba nana ka ndumi dukgi. Nam mba li dlara suu ɦal tasi maŋ Lona laɗta ki halaŋ u vi vun ma nam vamma.
Hu li namma agi hin li ɓivun ma ŋgalam ki ŋgalina, li ɓivun ma min duk ɦoŋga, ɦal yam tlegeyegi suu agi feɗesina ki maŋ Lona, li ɦal mayra aŋ ɦal u min maŋgara, ɗowba li dlara aŋ suu taŋ kaɗ a laɗta kiyo, ɦal gor yoori suu vuɗ fok jewna ki maŋ Lona, mbutlina, timigiina u ɦugunina lay.