NDUMBA 28:3 - Boy Lonana

³ Aŋ dasi ana, Gola ni ti ma agi mbaaram maŋ Yawena. Gor timigii suu basaɗasi dew dewna mba', ni suu bay ŋgulla egesina, mbaarasi ni hu buuna dew dew halaŋ a li ɓivun ma ŋgalam kina.

NDUMBA 28:3 ပူးပေါင်းရင်းမြစ်များ

1 DLAŊ MULINARA 16:40

A li ɓivun ma ŋgalam ki ŋgalina maŋ Yawe tew tew kolo kay givin ma togolla maɗii may, fiɗigi may a li dlara ki ɓiiri hu magaara gaɗta ta Yawe ɓiiriɗ ka maŋ suu Israelnara.

2 DLAŊ MULINARA 8:13

Ko ndal gaɗta vi Moiz dira na hu buu ma daŋŋa ki zeɗ ma nam ka li ɓivunnana, nam li ɓivunna hu buu ma vi Lonna, hu buuma jewna hu tilna tew tew, hu buuma luu ŋgolo ma lam hindi hu basarana may. Luu ma fu ma bay kuffa, luu ma buuma dok-vadlna u luu ma vun mbutluɓma.

EZDRAS 3:5

Ŋgoo dagan wanni, asi hin li ɓivun ma ŋgalam ki ŋgali ma zeɗ zeɗna, ɓivun ma ŋgalam ki ŋgali ma vun til ma teteɗ ma vi Yawena hu buuna tew tew, kay suu ɦal ɦalla ɦawara u hurusi maŋ Yawena halaŋ lay.

DANYEL 11:31

Suu mam suu saɓakŋa hin mbay min tasi a ɓeŋ li ma teteɗna kira, doo ɓivunna bay lira, hin mbaa dla cora ɓeŋ lina ay huwa.

DANYEL 12:11

Col ay hu li ma ɓivun ma lam tew tewna, seŋ bay lirana day ta ta hu li ma dlara ɓeŋ lina mbara ni buuna tew ki buɓ duk kis kis mba' duk dok dleeŋe (1,290).

DANYEL 8:11

Ndaɗ wul ta ta tew eg mul ma vi suu sunda huulonana, tlam ɓivun ma asi lamma tew tewna kiyo, toom u ziimba kaŋga giira kiyo.

DANYEL 8:13

An hum del sa sunda ɓaka. Sa sunda di sa ma ɓakŋa ana, «Ni saɓa ga dlara vi ɓivun ma tew tewna u cora ɓeŋ tlena kira, zi ma ki ɓeŋina u suu sunda suu tayi kaŋga u semmana hin daɓ ki ni ge?»

DLAŊ LEVIRA 3:5

Muli suu li ɓivunna ŋgal tle asina kay kura hu givin ma togolla. Ni ɓivun ma lam maŋ Yawena, his ma jivi ii Yawena.

DLAŊ LEVIRA 6:9

U tlesuu hinna Aaron u goryom tasiya, tasi ni bay cuk kuffa dukusiya, tasi ni hu li ma teteɗna. Asi tasi ni kurufu hu kaa ma gii kay Mbutluɓ ma Tokkana.

AMOS 4:4

Mbagi ay hu Bethel lagi yara, zulugi u yagira hu Guilgalla ha foko, lagi ɓivunna maɗii tew tew, hu buu ma hindina ɦagi yam waagina.

NDUMBA 28:10

Ɓivun ma ŋgalam ki namma lam hu buu ma vi Lonna tew tew, u puur ta sum veŋ ndaɗta taɓ u ɓivun ma ŋgalam ki ma lam hu buuna tew tewna hu olo.

NDUMBA 28:15

Agi hin ŋgaɗ ɦu ŋgekŋa maŋ Yawe hu olo a li ɓivun ma bulum cora kina. Hin li ɓivun ma ŋgalam ki ma lam hu buuna tew tewna ha hu olo u sum veŋŋa hu may.

NDUMBA 28:23

Agi li wa ni hin li ɓivun ma ŋgalam ki ma lam maɗii tew tewna hu olo.

NDUMBA 28:24

Hu buuna kiɗisiya ni agi li ɓivun ma ŋgalam ki ma his jivina maŋ Yawe tew tew. Hu buuna tew tew Yawe hum his ma jivina. Hin li ɓivun ma ŋgalam kina hu buuna tew tewna u sum veŋŋa hu olo.

NDUMBA 28:31

Agi hin li ɓivun ma ŋgalam ki hu buuna tew tewna ha kayam hu olo u sum veŋŋa hu may, agi yow ni yoori suu bay ŋgulla egesina.

NDUMBA 28:4

Goo timii ma jewna ŋgaɗammi maɗiiya, ma mbana ŋgaɗammi fiɗigi goona gege may.

NDUMBA 29:11

Hin vi ɦu ŋgekŋa hu olo a li ɓivun ma bulum cora kina. Ɓivun namma halaŋ cukŋi kay ɓivun ma ŋgalam ki ma agi lam hu buuna tew tewna, kay buu ŋgol ma bulum cora kina u ɓivun ma ŋgalam kina. Lam ko agi lam tew tewra na u sum veŋŋa um hu may.

NDUMBA 29:16

Agi hin ŋgaɗ ŋgekŋa a li ɓivun ma bulum cora kina hu olo. Hin cuk ɓivun ma ŋgalam ki ma lam hu buuna tew tewna u sum veŋŋa ha kayam hu olo.

NDUMBA 29:6

Ɓivun ma ŋgalam ki namma halaŋ cukŋi kay ɓivun ma ŋgalam ki ma agi ka lam hu bunna tew tewna. U ɓivun ma lam hu buu ma jewna vi tilna. Ni ɓivun ma his jivina maŋ Yawe.

Boy Ma Ayra Ma JAŊ Ɓiirimma 1:29

Faɗta vinda wanni, Jaŋ wi Yesu mbay egemu, nam di ana, «Gola ni Goo Timiina vi Lona ma daɓ cora vi suuna kina.

HEBRENA 9:6

Tle asina li ay ni na, muli suu li ɓivunna sel hu mbutluɓma hu buuna tew tew a li sun masira.

WIRA ŊGAYRA 13:8

Suu kay ndaŋgara halaŋ lay cenemmi namu, ni suu ay u gijaŋŋa vi ndaŋgara day sesi ay ka ɓiiri hu magaara vi iiriraɗina, ni magaara vi Goo Timii ma cam kina.