Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




NDUMBA 28:11 - Boy Lonana

11 «Hu buu ma jewna vi tilna tew tew ni agi li ɓivun ma ŋgalam kina fok Yawe, mbaa bolo mbutlugina ay mba', vi gamlana ay dew, yow gor timigii suu basaɗasi dew dewna ay kiɗisiya may halaŋŋi yoori suu bay ŋgulla egesina.

အခန်းကိုကြည့်ပါ။ ကော်ပီ




NDUMBA 28:11
32 ပူးပေါင်းရင်းမြစ်များ  

Nam joɓoɗ ana, «Ndak min a tuɗ varam cemi ni kay mege? Ka buu ma tilna a dayraɗi may, ka buu ma koɗ taraɗi may nige.» Ndaɗ hoŋom dira ana, «Li ndaaɗi, boy kaɗi.»


Ɓivun ma ŋgalam ki ŋgali ma ɦam maŋ Yawe kay buu ma vi Lonana, kay vun tilnana, kay luuna ko ndal ndumusi ma ki ɓiiri kaŋga a fafaɗta fok Yawena na.


Aŋ gola, an may ni min a min zira ŋgolla a yi sem Yawe Loonna hura, kay a lam sem ki teteɗ, a ŋgal mbitla his jivira fokomu, u fu ma cukum kay tabulla tew tewna, ŋgal ɓivun ma ŋgalam ki ŋgalina may, li ɓivun ma lam hu buuna tew tewna hu may, li ɓivun ma ŋgalam maɗii may, fiɗigi mayna hu may. Gol buu ma vi Lonna, buu ma wilina u buu ma luu ma vun tilna maŋ Yawe Loomina, hu na gak gak a fafaɗta kay suu Israelna.


Zira an a miniɗta hin li ni ŋgol cocoo, kay Loomina ni ŋgol su loogi suu daŋŋa halaŋ halaŋ.


Ko ndal gaɗta vi Moiz dira na hu buu ma daŋŋa ki zeɗ ma nam ka li ɓivunnana, nam li ɓivunna hu buu ma vi Lonna, hu buuma jewna hu tilna tew tew, hu buuma luu ŋgolo ma lam hindi hu basarana may. Luu ma fu ma bay kuffa, luu ma buuma dok-vadlna u luu ma vun mbutluɓma.


Ŋgoo dagan wanni, asi hin li ɓivun ma ŋgalam ki ŋgali ma zeɗ zeɗna, ɓivun ma ŋgalam ki ŋgali ma vun til ma teteɗ ma vi Yawena hu buuna tew tew, kay suu ɦal ɦalla ɦawara u hurusi maŋ Yawena halaŋ lay.


Kay dlara kami amira ni ami fi tami a ɦal gursu mba' mba' hu basara dewra kay sun zira vi Loominara,


Yawe, Loonna, sa ma ŋga u aŋ kaɗi, aŋ tak dlaaŋga mbuɗ mbuɗta ki cocoo. An li a ndumuɗ lay ni, ka ndakgi, kay ndaɗ bolow cocoo.


Kay ndaɗta an di ana, «An wanni magaa maŋga ka takan u gaɗta kiyo.


Gagi soolla luuna, buugi dadarina u diŋŋa u tlesuu luuna zeɗ zeɗ.


Buugi tokolomma hu til ma wilina, hu buu ma luuna hu li ma tilna ki haɓma.


Hu buu maragelay luuna hin li ha ni na gak gak, buu ma vi Lonna ha ni na gak gak koɗ tara mba wa kay suu goɓonna hu Yerusalem. Di ni Yawe u tamba.


«Bu Suuna, Yawe, di ana, Vun ma vo kurufu ii u maɗiina nana hinim dugira na ta ta buuna karkiya, hu li ma asi ka li sundana. Hu buu ma vi Lonna ni hin malam kiyo, malam ki ni hu luu ma vun tilna may.


Hu luu ma vun tilna ni nam ɦal bolo mbutl dew, gor timigiina karkiya u gamlana dew may. Ni yoori suu bay ŋgulla egesina.


Nam ɦal wa blena ay hu may, mbutlna ni nam ɦal kelew dok-hindi, gamlana nam ɦal kelew dok-hindi may. Kay gor timigiina ni nam ɦal u hurum ii a ndak kasira. Nam ɦal mbulna hu litir karkiya kay kelewna dok-hindi.


Kay ndaɗta an hin hoŋ ay yow waanna hu liimu. Sum veŋ man ma wilina hu tilim may, an ɓaɗ baraw ma cili u tlimiɗ timigiina u baraw dlemba man ma ŋgayaɗ gin siili maɗtana kiyo.


Sa ma mba dan ɓivunnana mbus yorotna u kewetta ki halaŋ, ɦasi maŋ mul ma li ɓivunna nam ŋgalasi ki lay. Kay ana ni ɓivun ma ŋgalam kina, ni ndoos ma his jivi maŋ Yawena.


«Lini a li ɓivun ma ŋgalam ki ŋgali namma ni u mbutlu ni, aŋ ɦalni yoo ma bay ŋgulla egemma. Tuɗum ha kalafi fun Mbutluɓ ma Tokka kay a Yawe vam jivira.


Nam mbus yorotna u kewetta ay ki u yona. Ҥasi maŋ mul ma li ɓivunna ŋgalasi ki halaŋ kay givin ma togolla. Kay ana ni ɓivun ma ŋgalam ki ŋgalina, ni his ma jivi ma tuɗ eg Yawena.


Layna ndak a cuk sem ay kaŋga hu bayra bay wi va nam komomma su? Bayra ndak a ɗuɗ ki kolo bay vi va su?


Agi suu di ana, «Vun tilna hin daɓ ki ni saɓage? Ami hin gus wana ki may buu ma vi Lonna hin daɓ ki ni saɓa ami hin mal vun sawal wa blemina nige, hoŋ ŋgoɗta ŋgara ki kaŋga may, cuk begera kam may, ka tli nekka u kilona oloɗi kay nam kaboyo.


Hu buu ma agi a li furira ko ndal luu ma vun tilna na, ɗowba luu ma daŋŋa, buugi tokolomma hu li ma agi a li ɓivun ma ŋgalam kina u ɓivun ma mbaa heɓpana. Ni, an humun hin gan kagiya. Anni Lona, Yawe magina.»


Agi mbaa ɓivun ma ŋgalam kina fok Yawe. Bolo mbutlugina mba', gamlana dew, gor timigii suu basaɗasi dew dewna kiɗisiya. Agi yow ni yoori suu bay ŋgulla egesina.


Agi ɦal ŋgolla maŋ buu maa ɦiw, maŋ til maa ɦiw, maŋ li maa ɦiw, maŋ basa taa ɦiw.


Hin sa kaagi ɓak kagi kay tlesuu agi tasina u suu agi casinaɗi, kay humba hum u buu ma luuna, u vun tilna, u buu ma vi Lonnaɗi.


Agi vagi hurugi ana Yesu ni Bu Suuna kakagi hu taɓpa u namu.


David di Jonatan ana, «Gola vinni vun tilna. An hin kak eg mulna a ti tina. Na may aŋ hin hinin an tuɗ ŋgay duk bubura ta ta fiɗigi siwiya.


Asi hoŋosi dira ana, «Ҥaa, ha fokoŋ na ɗegee. Cecem wanda aŋ li zak kay ana nam mba hu ɦoŋzina karami, kay ana ɓivunna ka a li ki duk suuna kiɗik hu li ma ki kolo mbuyna.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ