NDUMBA 27:21 - Boy Lonana

²¹ Nam col fok mul ma li ɓivunna Eleazar, nam joɓom minda vi Yawe kam u va ma yam ana Urimma u min ndaɗta asi ndak cuk ki bunsu lay, hoŋ ay kalafi lay, nam u suu Israelna halaŋ.»

NDUMBA 27:21 ပူးပေါင်းရင်းမြစ်များ

1 SAMUEL 28:6

Sol joɓ Yawe, may Yawe hoŋom dira kaɗi, ka u doyra diraɗi lay, ka u Urimɓi lay, ka fun suu jok vun Lonaɗi lay.

JOSUWE 9:14

Suu Israelna vi tlesuu ti suu ay kosina tiya, may ni asi min ka a joɓ Yawe kay dlaasiraɗi.

KALKIRA 28:30

Aŋ kal va ma yam ana Urim u Tumimma ha hu mbumbu baraw ma kaɓakŋa vun dik Aaron. Nam hin tuɗ ɓak ma vi suu Israelna tew tew fok Yawe.

NEHEMI 7:65

Mul ma ŋgolna dasi ana asi ka ti tlesuu ki teteɗnaɗi ta ta mul ma li ɓivunna mbay a joɓpa u Urim may Tummim may.

EZDRAS 2:63

Mul ma ŋgolna hin dasi ana asi ka ti tlesuu ki teteɗnaɗi ta ta mul ma li ɓivunna mbay u Urim u Tummim tuwa.

1 SAMUEL 30:7

David di mul ma li ɓivunna, Abiyatar ma goŋ Ahimelekŋa ana, «Aŋ yowon efodna ay na yowge.» Abiyatar yow baraw namma ay maŋ David.

1 SAMUEL 23:9

David hum ana Sol ka min tam ay a lam dla cora egemu ni nam di mul ma li ɓivunna, Abiyatar, ana, «Yow efodna ha kiyo.»

SUU KAƁAKŊA 20:23

Suu Israelna tuɗ kolo tii tasi fok Yawe maɗii day ta ta fiɗigiya. Asi hoŋ joɓ Yawe ana, «Ami ndak a hoŋ tuɗ duu u gorsemi suu vi Benjaminna olo su?» Yawe hoŋosi dira ana, «Tuɗugiya, duurugi u asiya.»

SUU KAƁAKŊA 20:18

Suu Israelna tuɗ hu Betel a joɓ Lona kay a wi ki ana dee suu hin tuɗ gijaŋ duuna u suu vi Benjamin jewna ni dee taarage. Yawe hin manni dee suu vi Yudana.

SUU KAƁAKŊA 1:1

Ŋgoo dagan hu li ma Josuwe miɗ kina ni suu Israelna joɓ Yawe ana, «Dukumi ni njaf suu vi gena hin tuɗ a duu u suu Kanaanna nige?»

GA 8ATAMBARA 33:8

Kay Levi ni nam di ana Tummim maŋŋa u Urim maŋŋa ni maŋ sa ma kaki u aŋ ɗegeena, ko aŋ fi tuk ndaɗta ay hu mbassa Masarana, hu mbo ma ay hu Meribana.

NDUMBA 27:17

Sa namma hin kal kiyo tuɗ fok suuna, nammi sa ma hin cukusi ki kiɗik lay, hoŋosi vo layna. Na ni suu vi Yawena ka hin li ko timigii suu bay sa ma taarasina kasira naɗi.»

DLAŊ LEVIRA 8:8

Nam gaɓam mbumbuna gudikimu, kal Urim u Tummim hu may.

NDUMBA 27:5

Moiz tuɗ joɓ Yawe kay boy masina.

NDUMBA 27:20

Aŋ ɦam saɓak maŋŋa egemu, kay a suu Israelna halaŋ mba hum umu.

NDUMBA 27:22

Moiz li ko ndal Yawe damba na may, nam tay Josuwe tuɗ takam fok mul ma li ɓivunna Eleazar, fok suu Israelna halaŋ lay.

1 SAMUEL 14:19

Doli ɗini hu li ma Sol ɓak mul ma li ɓivunna na ni, dlara mbuɗ ŋgolla duk suu Filistinna hu kaŋŋa ni mbuɗiya. Sol di Mul ma li Ɓivunna ana, «Hoŋ koŋ kiyo.»

2 SAMUEL 21:1

Mayra ndi hu cokira vi David basara na hindi. David joɓ Yawe. Yawe dam ana, «Dla ndaɗta ni kay Sol u ɦoŋzi ma ci maɗna kay ana nam ci suu Gabaonna kiyo.»

MALASI 2:7

A gasira ni sa li ɓivunna ni sa wi dlara, suuna hum boy ma gaɗ tasina ni funumu, kay ana nammi sa vun sunda vi Yawe ma Saɓakŋa Kom Belna.

NDUMBA 27:2

Asi mbay fok Moiz, fok mul ma li ɓivunna, Eleazar, fok suu ŋgolo suu kaɓakŋa, fok suu toki suu Israelna halaŋ fun Mbutluɓ ma Tokka di ana,

GA 8ATAMBARA 31:3

Yawe Loogina hin tuɗ fokogi ni namu, nammi sa ma hin daɓ njaf suu daŋŋa ki fokogina, hin dikisi kiyo. Josuwe ni sa ma hin tuɗ fokogina, ko Yawe dira na.