NDUMBA 26:53 - Boy Lonana

⁵³ «Mbassa hin ɓorowoɗ ni duk ɦoŋ suu asina, ɓorow namma hin li ni u ndum suuna may.

NDUMBA 26:53 ပူးပေါင်းရင်းမြစ်များ

JOSUWE 14:1

Gola ni ndaŋgara suu Israelna ɓorowoɗ kosi hu mbassa Kanaanda, u fiɗigina keŋ lumma Yordanna. Eleazar mul ma li ɓivunna, Josuwe ma goŋ Nunna u muli suu ŋgolo suu ay fok dee suu Israelna ɓorowosira ni asiya.

JOSUWE 11:23

Josuwe tli mbassa ki halaŋ ko dlara Yawe daɗ ka ki maŋ Moizza na may. Nam ɦaɗ ki maŋ suu Israelna a joosina, ɓorowosira ki u deeresi halaŋ halaŋ. Mbassa ndaɗta fi koɗ tara ni na gaw, duu ka hu oloɗi.

SOOLLA 105:44

Nam ɦasi mbassa vi suu daŋara kiyo, asi ti ni vuɗ tlesuu suuna lasi kana.

WIRA ŊGAYRA 21:27

Va ma njenje ka hin kal hu ɦoŋzi nammaɗi. Sa ma hin tam a li dlara njenjera ka hin kal huɗi lay, sa ma ka boyna ka kalɗi lay. Cuk hu ni suu sesi ɓiiri hu magaarana doy hol, ni magaara vi Goo Timiinara.

WIRA ŊGAYRA 5:10

Aŋ mbuɗusi mulla ki masiya, asi mbuɗ a muli suu li ɓivunna vi Loomina, asi hin kak a mulina kay ndaŋgara.»

MATIYE 5:5

Furira ka kay suu ɗilina, Lona hin ɦasi ndaŋgara ni masiya.

DANYEL 7:27

Kay mulla, saɓakŋa u ŋgolla vi muli suu kaŋga u huulona halaŋŋa ɦasi ki maŋ suu teteɗna vi Lo ma Kolo Dayna, mul mamba ni mulla didinda. Saɓakŋa halaŋ hin sunum may hin hum um may.»

EZEKIYEL 47:22

Agi ɓorowoɗ ni u paɗ dewna, gegelay ni hin fi joomma. Magi lay, maŋ suu may suu poy kolona suu cuki dukugina lay. Ni suu may suu vuɗ goryosi ki ni dukugi layna. Asi hin ki ni a suu ki dukugi agi suu Israelna. Asi ndak a paɗ dewna ni ko agi na may, a fi joosinara duk suu Israelnara may.

SOOLLA 49:14

Gola ni daɓpa vi suu laɓana, suu tin saa masira kay tasi holna, u suu may suu min njaɗta fiyekka.

URA TIN AYRA 12:7

Yawe tak tam ii Abram dam ana, «An hin ɦaŋ mbas ndaɗta ni maŋ njafaŋu.» Abram min givin ma togolla maŋ Yawe hu li ma nam tak tam irim huna.

URA TIN AYRA 12:2

An hin zuluŋ njafaŋ ŋgol cocoo, an hin paɗ vunun ki kaŋu. Suuna halaŋ hin mbuɗ geleɗeŋu. Suu daŋŋa halaŋ hin fi paɗvunna ni uŋu.

NDUMBA 26:52

Yawe di Moiz ana,

NDUMBA 26:54

Njaf suu zulina aŋ ɦasi lina ŋgol may, njaf suu kaɗina aŋ ɦasi lina ni kaɗi may. Gegelay fi ɓorow mamma ni u ndum suu mamsina.

NDUMBA 33:54

Agi hin ɓorow mbas ndaɗta dukugi ni u paɗta paɗ dewna, ki u deeregi halaŋ halaŋ. Deera ŋgolla agi ɦasi liisina ŋgol may. Deera taɗ goora agi ɦasi lisina ni tam goo may. Gegelay hin fi ɓorow mamma ni u paɗta paɗ dewna nam hin takammara. Agi hin ɓorow lina ni u dee somoyogiya.

JOSUWE 1:6

Aŋ col saɓaki, so huruŋu kay aŋŋi sa ma hin ɓorow jona ki maŋ suu Israelna, mbassa an vi vunun ay kaɗ u somoyosi ana an hin ɦasirara.

1 DLAŊ MULINARA 16:18

Hu li ma nam di ana, «An ɦaŋ ndaŋgara Kanaanda ki wa, ni ɓorow ma agi fam hu jonana.»