NDUMBA 26:10 - Boy Lonana

¹⁰ Ndaŋgara mal vunuɗ ki likisi kiyo, u Kore lay, ni hu li ma suu mamsina miɗ cocona, suuna 250 ni suu tak ki kay yara vi Lonara.

NDUMBA 26:10 ပူးပေါင်းရင်းမြစ်များ

KALKIRA 16:35

Suu Israelna ti manna ŋgoo bagi hu fulla basara dok-fiɗi, ta ta tew hu mbassa asi cuk hura. Asi ti ni manna gak gak tew fun mbassa Kanaanda.

JEREMI 29:22

Dlaasira hin li ni a dla cora kay suu yowosi ki mbaɓura hu Yuda ha ka hu Babilonna. Asi di gasi ana Yawe lasaŋ ko nam las Sedesiyas u Ahab suu mul ma Babilonna cufusi ku i kura na.

EZEKIYEL 14:8

An hin mba li sa namma ni an gaw. An hin mbuɗum ki ni a va ma ndalla ii suuna halaŋ. An hin paɗam ki duk suu mansina. Agi hin wi ki ana anni Yawe.

NDUMBA 16:2

Asi tum kolo yara u Moiz u suuna kay ceeresi na 250 ni suu Israelna lay, ni suu may suu ŋgolo suu ay fok suunana halaŋ, ni suu tokka cukusi ayna suu sesi tii ki cocona lay.

NDUMBA 17:3

Ganun suu cuk mbitla his jivira vi suu warak ki kay dla coosira u iiri masirana, aŋ yowomu dliɗim ki va ma kulup kay givin ma togolla, kay nam halaŋ mbuɗ ki ni teteɗ ko asi mbaram ki fok Yawera. Nam hinni a va ma tak suu Israelna gasi humusina.»

NDUMBA 27:3

«Bumi miɗ ay ki ni ŋgoo bagi hu fulla, nam ay ka duk suu taɓ tasi a duu u Yawenaɗi, nam ay ka duk suu u Korenaɗi, nam miɗ ki ni kay coomba kay tamba. Na may nam go njuf ka kombi.

GA 8ATAMBARA 11:6

Dlara nam laɗ eg Datan u Abiram goryoŋ Eliyab ma goŋ Rubenna, ndaŋgara mal vunuɗ likisi ki ni dukugi agi suu Israelna na halaŋ u suu masisina halaŋ u mbutluɓ masina halaŋ u suu tuɗ kay ceeresina halaŋ lay.

GA 8ATAMBARA 28:46

Dla ndaɗta hin mba kagi ni ko takka na, ko ndal dlara mbuɗ mbuɗta na, kagiya kay njafagi ma ka daganna lay a fafaɗta.

2 PIYER 2:6

Lona kaɓakŋa kay ɦoŋzi ma Sodomma u Gomorna ŋgalasi ki u kura, nam tak suu li cora ana hin li fok u asi ni na may.

Magaara JUD Ɓiiriɗta 1:7

Saaragi kay Sodom u Gomor u mbassa ŋguy kasira halaŋ, suu huna li dlara yowna, njufina mbuɗ buu u ndarayasi njufina ko suu sunda huulona asina naa. Lona hin ŋgalasi ki halaŋ u kura ka daɓ kiɗira, ɓak ma kaasina kasina ndak ne yam suuna halaŋ.

1 SAMUEL 2:34

Va ma hin takaŋ dla ndaɗta kina ni dlara hin li eg goryoŋ suu mbana Hofni u Pinhas. Asi hin miɗ ni hu buu ma dewna u dlasira mbara.