NDUMBA 25:3 - Boy Lonana

³ Suu Israelna cuk tasi ga mbaɓura vi Baal ma vi Peorna. Yawe mbuɗ ki yara egesi cocoo.

NDUMBA 25:3 ပူးပေါင်းရင်းမြစ်များ

SOOLLA 90:11

Sa ma ndak a wi saɓak yaaŋga ni gege? Sa ma wi ndaa ma lam koŋŋa ni gege?

JEREMI 17:4

Aŋ hin hoŋ mbassa kiyo. Aŋ u dew taŋga hin col ha ki eg jo ma an ɦaŋŋana na day. An hin cukuŋ suu maŋ suu babalira kaŋu. Suu asina mbay ni hu mbassa aŋ ka waɗɗira, kay ana agi cukungi ku yaanda kagi wa, ndaɗ ka ŋgal na gak gak.

Magaara Vi Sa Jok Vun Lona OZE 4:14

An hin ka li ɓak kay gawlaŋ ma vi gorɓii magisinanaɗi, kay zoŋga vi boyogi suu vi goryoginaɗi, kay ana asi tasira muli suu li ɓivunna lay tuɗ viɗ tasi ha ki u suu gawlaŋŋina, ɓorow ɓivun ma teteɗna duk tasi u suu gawlaŋŋi suu hu Ziŋ Lonara. Suu may suu saara ka kasi ŋgolɗina tuɗ a ba ki ni baaya.

Magaara Vi Sa Jok Vun Lona OZE 9:10

An fi Israel ni ko ndal vuɗ gugutlu ma ay ki bagi hu fullana na, ko ndal vuɗ tulum ma famma kolo humum jewna na, an wagi somoyogiya. Asi may ni mba hu Baal Peor mbuɗ tasi ki zolona ni na gaw, asi mbuɗ ki ni suu cona ko ndal va hurusi minimma na.

NDUMBA 25:5

Moiz di suu kaɓak suu Israelna ana, «Gegelay dukugi ni ci suu mam suu ay fun Baal ma vi Peorna kiyo.»

NDUMBA 31:16

Asi ni suu hu lina vi Balaam zuɗ suu Israelna a cuk hu dla cora eg Yawe masinanaɗi su? U dlara vi Peorra tuguɗiira cora mba kay suu vi Yawe ni usiɗi su?

JOSUWE 22:17

Dla cora Peor laɗ wandara ndakaygi kaɗi su? Cemi ni aygi ni bay mbuɗuygi ki teteɗ tu lay, dla cora ka ndi kay suu vi Yawena coco lay.

SUU KAƁAKŊA 2:11

Suu Israelna li dlara ka ii Yawe jiviɗira, asi gijaŋ a sunni Baalgina.

SUU KAƁAKŊA 2:13

Asi noy Yawe kiyo. Asi sunni Baal u Astart.

SUU KAƁAKŊA 2:14

Yawe hurum ɓeŋ ki egesiya. Nam hinisi ki ko suu ɦurum tlena vi suuna asi ɦurumusi kiyo. Nam gususi ha ki ko suu babali masisina suu ŋguy kasina. Saɓakasi ma col eŋ fok suu babali masisina ka oloɗi.

SUU KAƁAKŊA 2:20

Yawe hurum ɓeŋ ki eg suu Israelna. Nam di ana «Njaf suu asina ɓeŋ galamba an vaɗ u asira ki wa. Galamba an tiniɗ ay u somoyosi dayra. Asi min ka a humun vununɗi.