NDUMBA 25:2 - Boy Lonana

² Gorɓiina yi suu Israelna ha hu givin ma togolla masi vi loogi suu ɦawana, suu Israelna ti ay hu lay goɓ fok loogi suu ɦawana lay.

NDUMBA 25:2 ပူးပေါင်းရင်းမြစ်များ

1 KORINTNA 10:20

Ҥawaa an di na ni kay suu bay vina li ɓivunna ni maŋ fulina, ka maŋ Lonaɗi. An ka min ana agi taɓ u fulinaɗi.

KALKIRA 20:5

Aŋ mba goɓ ga fok loogi suu asinaɗi, sunusiɗi lay, kay anni Yawe, Looŋŋa, Lo ma hurum ya cocona, an tin cora vi somora ha kay goryosiya ha kay njafasi fokosi hindi lay, fiɗi lay, lini asi ka hum unɗi.

Magaara Vi Sa Jok Vun Lona OZE 9:10

An fi Israel ni ko ndal vuɗ gugutlu ma ay ki bagi hu fullana na, ko ndal vuɗ tulum ma famma kolo humum jewna na, an wagi somoyogiya. Asi may ni mba hu Baal Peor mbuɗ tasi ki zolona ni na gaw, asi mbuɗ ki ni suu cona ko ndal va hurusi minimma na.

SOOLLA 106:28

Olo, asi gijaŋ goɓ kaŋga fok Baal Peor, asi ti ɓivun ma lam maŋ suu miɗinana.

JOSUWE 22:17

Dla cora Peor laɗ wandara ndakaygi kaɗi su? Cemi ni aygi ni bay mbuɗuygi ki teteɗ tu lay, dla cora ka ndi kay suu vi Yawena coco lay.

WIRA ŊGAYRA 2:14

Va ma hurun ɓeŋ egeŋ kamma kaa, kay suu tin hurusi kay haɗta vi Balaamma ka varaŋu. Balaam haɗ Balak dlara suu Israelna cuk kaŋga hu cora, asi kom tliw ma li ɓivunna maŋ fulina u namma, li dlara zoŋga lay.

1 MULINA 19:18

Na may an hin hin u suuna hu mbassa Israella ni na buɓ buɓ kiɗisiya, ni suu may suu goɓ vogosi ka ga fok Baalɗina, suu ŋgaf vunusi ka u nambi layna.»

JOSUWE 23:16

Lini agi ŋgel Galamba Yawe, Loogina, vaɗ u agira, Galamba nam ɓiirigira kara, lini agi tuɗ sun loogi suu ɦawana, lini agi goɓ ga fokosiya, yara vi Yawera hin col kolo kagiya, bulumugi ki ni na zak hu mbassa jivira nam ɦagira wandara.»

JOSUWE 23:7

Kalagi ka vi suu ɦawa suu hin cuki keŋegi ca canaɗi, yagi sem loogi masisina funugiɗi, suu tagi u loogi masisinaɗi lay, sunusiɗi lay. Goɓogi ga fok loogi masisinaɗi ɗay.

GA 8ATAMBARA 32:38

Suu may suu kom mbul tlegeyesi suu ɓivunna u ci sum veŋ masi ma ɓivun ma his jivina ni arage? Asi yow ay kolo mbay njun kogi ɗaŋgi su? Halagi li ma agi a ŋgay tagi huna ɗaŋgi su?

KALKIRA 23:24

Agi mba goɓ ga fok loosinaɗi, sunumbi lay, agi mba li ko asi lira naɗi, ni na ɗow agi toosi loosi namma kiyo, toosi tlesuu asi goɓosina kiyo.

KALKIRA 22:20

Agi ka las ŋgay ma kaki varaginaɗi, kay agi ay ŋgayra hu Egipte ni na may.

KALKIRA 32:6

Vin maɗii feɗet a asi yow kolora ni, asi li ɓivun ma ŋgalam kina, mbaa ɓivun ma heɓpa, suuna mol ga tiya, ciya, yow kolo luuna.

JEREMI 40:11

Na may ni suu Yuda suu ka hu Moabma duk suu Amonna, hu Edom u mbassa halaŋ halaŋga hum ana mul ma Babilonna min ziim ha hu Yuda, nam hin ɦal ŋgolla maŋ Gedaliya, ma goŋ Ahikamma, ma goŋ Safanna a kaɓakŋa.

MISE 6:5

Suu mansina humugi gagi kay boy ma Balak, mul ma Moabma damma, va ma Balaam, goŋ Beorna, hoŋom dirana, li ma col ay Sittim ta ta tew Gilgalna, agi hin wi saɓakŋa vi Yawe hu li namma.