NDUMBA 23:21 - Boy Lonana

²¹ Dlara gunira sa ka waɗ duk njaf suu vi Yakobmaɗi, lassa sa ka waɗ duk suu Israelnaɗi. Yawe Loosina ka u asiya. Vo varasi ni asi ka gi soolla geleɗ mulnara tew tew.

NDUMBA 23:21 ပူးပေါင်းရင်းမြစ်များ

SOOLLA 23:4

Lini an tuɗ tok eg li ma miɗna lay, an ka li ndaa va dewɗi, kay aŋ ka u anu. Balaf maŋŋa u tokolo maŋga ɗoɓon irinu.

MATIYE 1:23

«Goowayra hin vi wiina, ndaɗ hin vuɗ goona, tinim sem ana Emmanuel,» (ni ana Lona ka u aygiya).

JEREMI 50:20

Hu li namma na ni, Yawe ɓak hu li namma na gaw ana, Asi hin hal u dla cora Israel laɗta may, ndaɗ hin viɗ kiyo. Dla cora Yuda laɗta lay ndaɗ hin viɗ ki may, ka faɗ oloɗi. An hin heɓ hurun ki eg suu an hinisi iirina.

EZAYI 38:17

Yoo manda mbuɗ ki suɗta wa. Aŋ vi taŋ eg iiri manda kay ana an kal hu zullaɗi. Aŋ cukun coonda ha ki ŋgoroŋ dagan halaŋ halaŋ.

SOOLLA 46:11

Cukugi ɓagina kiyo, wagi ki ana anni Lona, an su kay njaf suuna halaŋ, su kay ndaŋgara lay.

EZAYI 33:22

Na daŋ may Yawe ni saaygi ma kaɓakŋa, nammi sa ma ɦaygi gaɗta, Yawe ni mul maygina, nam buɗuygi ki ni namu.

EZAYI 8:10

Vagi vunugi kay dlara dla ndaɗta ka hin liɗi. Ҥagi gaɗta a lira may ndaɗ ka liɗi. Kay Lona ka u amiya.

EZAYI 1:18

Yawe di ana, Mbaagi ay ɓakaygi boyna. Lini co magira tlawra na keŋ keŋ lay ni, ndaɗ hin mbuɗuɗ ki haɓpa ko fuɗta na. Lini ndaɗ tlaw ko busuna na lay ni, ndaɗ hin mbuɗuɗ ki haɓpa ko baraw haɓma na.

ROMMA 6:14

Kay dla cora kak mul kagiɗi, kay mege agi ka njuni u gaɗtaɗi, ni u oora vi Lona.

EZAYI 41:10

Li ndaaɗi kay an ka u aŋu, gol golla ndaanaɗi, kay anni Looŋŋa. An mbuɗuŋ saɓaki na daŋ may an njunuŋu. An njunuŋ u bikin ma njufna ma ɗegeena.

SOOLLA 118:15

Hu zi ma vi suu ɗegeena ay ka hum geleɗta furira, «Ɗegeera vi Yawera ndak ki hu lina halaŋ.

SOOLLA 97:1

Yawe ni mulna. Ko suu kay ndaŋgarana halaŋ geleɗemu, mbo lumma lay furiya.

GA 8ATAMBARA 33:5

Bu Suuna u tamba ni a mul ma vi suu Israelna, hu li ma njafasi ka tokki kel tasi dewna.

EZEKIYEL 48:35

Fiyek gulumun ma ŋguy kay ɦoŋzinana li halaŋŋi meter buɓ buɓ dleeŋe. «Sem ɦoŋzi namma asi yam ana Yawe Samma ni ana Yawe ka tani.»

SOOLLA 103:12

Ko u maɗiina ha ki day eg u fiɗigina, nam cukuygi cooygira ha ki egeygi day ni na may.

SOOLLA 46:7

Njaf suuna ka yal cocoo, mulla halaŋ mbuɗ ki ndaana, nam ɦal gaɗta na ni, ndaŋgara wak kiyo.

SOOLLA 32:5

An daŋ dla coonda ki halaŋ, an ŋgay coon taa ka kiɗi. An di ana, «An hom coonda ki fok Bu Suuna», aŋ tlan nek coonda ki kan wa.

SOOLLA 32:2

Furira ka kay sa ma Yawe ka ndumum coomba oloɗina, dlara co ka hurum oloɗi.

2 DLAŊ MULINARA 13:12

Gologiya, Lona ka dukumi ni a mul mamina. Ami ka u muli mam suu li ɓivunna u tokolom ma bura lay a ami hin buum a duu u agira agi suu Israelna. Duurugi u Yawe Lo ma vi somoyoginaɗi, kay agi ka hin a tewɗi.»

SUU KAƁAKŊA 6:13

Gedeon hin dam ana, «Bu suu manna heɓ huruŋ egenu, lini Yawe ka u amiya ni dlara lami cocora ko wandara na ni kay mege? Dlara mbuɗ mbuɗta somoyomi cuɗumira coco wanda hin li ni nanage? Ana Yawe cukumi ay ki hu Egipte ni namu ni ka gasi ɗi su? Cemi ni Yawe hinimi ki hu duk ko suu Madiyanna na walaɗ ni nanage?»

KALKIRA 34:9

Nam di ana, «Lini an fi gasi jivira iriŋ wa ni ɦii, Bu Suuna, tuɗ ay dukumiya, kay suuna ca ni yasi eŋ cocoo. Na may aŋ bulumumi dla coomira kiyo. Aŋ mbuɗumi ki a suu maŋsina.»

KALKIRA 13:21

Yawe u tamba tuɗ fokosi ni namu. Faali ni nam kuluɓusi ɗugulla kasiya, njeŋge ni nam tinisi kura kasi kolo a wi lina kira may. Asi ndak a tuɗ njeŋge lay, faali lay, boy kaɗi.

2 KORINTNA 6:16

Ziŋi Lonara ndak taɓ ko taɗ u fulina vi suu bay vina nanage? Ami ni Ziŋ Lona ma iirina ko Lona u tamba dira na, «An min kak dukusiya, poy u asi lay. An hin li a Loosina asi hin li a suu manna may.»

2 KORINTNA 5:19

Lona min taɓ duk ɦoŋ suuna halaŋ u namu u Kristu, kay ndaɗta nam ka ndumusi dlaasira coraɗi. Nnam cukumi a di boy dla sunda taɓ duk ɦoŋga.

2 KORINTNA 2:14

Gagi deɓ Lona ma ɦaygi saɓakŋa ay tew tew kay taɓ mayra duk tay u Kristura. Nam li sunda u aya kay tak Kristu ki hu lina aragelay, ko mbul ma hisna his hu lina halaŋga na.

ROMMA 8:1

Cecemi kaɓakŋa ka kay suu tin hurusi kay Yesu Kristuna oloɗi.

EZAYI 12:6

Gagi soolla furira agi suu cuki hu Siyonna, kay ma teteɗ ma vi suu Israelna nam ŋgol cocoo, nam ka dukugiya.

KALKIRA 3:12

Nam dam ana, «An ka u aŋu, gola ni va ma hin tak ki ana, An ka u aŋu, sunuŋ ay ni anuna. Hu li ma aŋ cuk suu Israelna ay ki hu mbassa Egiptera wa ni, agi hin mba sunun an Loogina kay ɦini ndaɗta tani.»

NDUMBA 14:18

Anni Yawe, hurun ka ɓeŋ zakgi, hurun oyra u ɗegeera, an siɓ dla cora suuna laɗta, ta ka jak ki kan bay an waɗɗi, an tin cora vi somora ki kay goryosiya kay goŋ ŋgologina lay ha kay njafasi fokosi na gak gak hindi lay, fiɗi lay.

NDUMBA 14:19

Heɓ huruŋ ki eg suu asina u min maŋga ŋgolla, ko aŋ heɓ huruŋ ay ki egesi hu mbassa Egiptera ta ta mbaarasi ki tani wanda na may.»

GA 8ATAMBARA 9:24

Agi ay gonokka u Yawe ni hu li ma an wagi ayna day.

GA 8ATAMBARA 31:23

Yawe ɦal voɗta maŋ Josuwe ma goŋ Nunna dam ana, «So uŋ kiyo col eŋe, aŋŋi sa ma hin a cuk suu Israelna hu mbassa an vi vunun kaɗ a ɦasirara, an hin li u aŋ lay.»

GA 8ATAMBARA 32:5

Agi irimmi suu cona, agi ka li ko ndal goryom gasi naɗi. Ni njaf suu li dla cora suu ki ɓalakina.

DLAŊ LEVIRA 9:24

Kura kal ay ki fok Yawe ŋgal ɓivun ma ŋgalam kina u mbul ma cuki hu givin ma togolla ki halaŋ. Suuna halaŋ wi dla ndaɗta ki u irisiya. Asi sawalla kolo u furira, goɓ ga a ŋga Lona u cenda may.

NDUMBA 9:22

Hu li ma ɗugulla ka kay Ziŋ Lonara tini tuna, buuna mba' ɗowba til kala basara ni asi ka jok usiɗi may. Lini ndaɗ ka ki wa gawi ni asi mbee gaw may.

NDUMBA 16:3

Asi mba mol kolo fok gi Moiz u Aaron dasi ana, «Tlaagira ndakami wa. Suu Israelna halaŋŋi teteɗ, Yawe ka ni dukusi halaŋ, agi tli tagi kolo kay suu vi Yawena na halaŋŋi kay mege?»

1 SAMUEL 25:28

An ceneŋu, heɓ huruŋ eg caaŋga sunda kay cooɗta. Gasi daŋ may, Yawe hin ka hin bay ɦal mulla maŋ malannaɗi kay ana malanna li duu ma vi Yawena, sa ka faŋ dla co egeŋgi hu kak maŋga iiri hu duliyara halaŋ.

SOOLLA 99:2

Yawe nam ŋgol coco hu Siyon, nam kak mulna kay suuna halaŋ.

SOOLLA 135:21

Ay hu Siyon day, gagi deɓ Yawe, hu Yerusalem, ɦoŋzi mamma. Halleluya.

EZAYI 33:21

Sa ŋgolna hin kak u aygiya, ni Yawe u tamba. Nam hinni a ɦoŋzi ŋgol ma mbo lumma huna, ma voɗ mbona gi hu zeɗ zeɗna. Lum kawi ma duuna ka jak hu oloɗi, lum kawi ma ŋgol ka calaɗ mbo lum namma oloɗi.

JOEL 2:27

Agi hin wi ana an ka hu Israel, anni Yawe Loogina, lo ma daŋ kaɗi. Suu mansina hin ka mbuɗ ki zolo a fafaɗtaɗi.