NDUMBA 23:20 - Boy Lonana

²⁰ Nam dan ana an paɗ vunun ki kasiya, kay nam u tamba paɗ vunum ki kasiya. An may ni ka ndak a mbuɗ boy nammaɗi.

NDUMBA 23:20 ပူးပေါင်းရင်းမြစ်များ

URA TIN AYRA 12:2

An hin zuluŋ njafaŋ ŋgol cocoo, an hin paɗ vunun ki kaŋu. Suuna halaŋ hin mbuɗ geleɗeŋu. Suu daŋŋa halaŋ hin fi paɗvunna ni uŋu.

URA TIN AYRA 22:17

An hin paɗ vunun ki kaŋu, zuluŋ njafaŋ ko ciciwra kolo huulonara na, ko ŋgetl ma doŋ lum ŋgolnana na may. Njafaŋ hin su kay suu babali masisina.

URA TIN AYRA 27:33

Isaak hum na ni mbuɗ ki ndaana, tam dlaki cocoo. Nam di ana, «Sa ma hin ci tliwna ay ki jew ɦanna an komom ki, paɗvunun ki kam jew bay aŋ mbana ni gege? Sa namma vunna ki kam paɗi da.»

1 DLAŊ MULINARA 17:27

Cecem wanda ɗaŋŋi paɗ vunuŋ ki kay ziŋ saaŋ ma sundana, a nam li fokoŋ tew tew kay ana aŋ, Yawe, aŋ paɗ vunuŋ kiyo, va ma aŋ paɗ vunuŋ ki kamma vunna ki paɗi ni a fafaɗta.»

EZAYI 43:13

Na daŋ may, anni anu. Va ma an damma sa ndak a buɗuna ki kon kaɗi, sa namma hin li ni gege? Sunda an laɗta sa ndak a ɓeŋeɗ kiɗi lay.

NDUMBA 22:12

Lona di Balaam ana, «Aŋ ka tuɗ u asiɗi, aŋ ka a gi vun maŋ suu asinaɗi lay, kay suu asina vunna ki paɗi kasiya.»

NDUMBA 22:18

Balaam hoŋ dira maŋ suu Balak cukusi hana ana, «Lini Balak ɦan gursuna u lorra oy hu ziimba ki halaŋ lay, an ka ndak a li va ma ŋgol lay, ma goo ew lay ki bay Yawe, Loonna, ɦan voɗta ay baɗi.

NDUMBA 22:38

Balaam hoŋom dira ana, «Na an cemi mbay egeŋ wa tok, ka ana an hin njaɗ boyna ha ni ɦawa na njaɗ njaɗ naɗi, boy ma Lona kalanna ay fununna an hin dammi namu.»

NDUMBA 6:27

Hu li ma mul ma li ɓivunna yan sen wa na kay suu Israelna ni, an u tanda hin paɗ vunun ki kasiya.»

1 PIYER 1:5

Ko saɓakŋa vi Lona gologi hu vira na gak gak a juɓ buu ma suɗta ma hin mbana, li namma hinni na tok ni buu ma daɓ daganna.