NDUMBA 23:19 - Boy Lonana

¹⁹ Lona nam ka sa war a kaboyɗi. Nam ka goŋ Adam a mbuɗ saa mamba na zakgi. Lona di dlara wa ni nam hin bay laɗ su? Nam di boyna di ni hin doli bay lambi su?

NDUMBA 23:19 ပူးပေါင်းရင်းမြစ်များ

URA TIN AYRA 26:3

Kak hu mbas ndaɗta tani. An hin li u aŋu, an hin paɗ vunun ki kaŋu. An hin ɦaŋ mbas ndaɗta halaŋŋi maŋ u njafaŋu, an hin li u suura an suu tan u buŋ Abrahamba.

URA TIN AYRA 28:15

Gola, an ka u aŋu, an hin goloŋ hu li ma aŋ tuɗ huna halaŋ. An hin hoŋoŋ ay hu mbassa wanda, an ka a noyoŋ ki bay an daɓ dlara an daŋgara kiɗi.»

1 MULINA 14:11

Suu vi Jeroboam suu hin miɗ hu ɦoŋzinana halaŋ diginina hin komosi ki ni asiya. Suu miɗ ha ki ŋgoo bagina layagina hin komosi ni asi may. Yawe ɓak na ni namu.

2 MULINA 15:12

Li ki ni boy ma Yawe dam ay ki fun Jehu ana, «Goryoŋ ta ta tuɗ tew ay ki kay gor ŋgologi suu fiɗina hin kak ki kay dlamba mulla vi suu Israelnara.» Hin li ki ni ko ndaɗta na may.

2 MULINA 7:2

Sa ma mulna tuɗ jik tam u namma di sa jok vun Lona ana, «Lini Yawe co ay ni huulona na gaw lay ni, dlara aŋ njaɗaɗ wanda ndak a li su?» Elize hin dam ana, «Jiviya aŋ hin wi dla ndaɗta u iriŋu may ni, aŋ ka hin ŋgen tle asina funuŋgi.»

1 DLAŊ MULINARA 17:17

Doli ɗini iriŋŋi dlara goo ɦawaa Loonna, aŋ hin ɓak kay ziŋ saaŋ ma sundara ay ki ni jew day. Aŋ golonni ko sa ma dlam ŋgolna na, Yawe, Lona.

SOOLLA 110:4

Yawe suu tam kiyo, nam ka hoŋ vunum daganɗi, «Aŋŋi a mul ŋgol ma li ɓivunna a fafaɗta, ni kay balam Melkisedek.»

SOOLLA 132:11

Yawe suu tam fun David, ni gasira nam ka hin boy namma kiɗi, «An hin kak kay dlam maŋga mulla ni sa ma col ay hu njafaŋŋa.

SOOLLA 77:9

Jivi mamba ay kolo kan ɗowra daɓ ki wa su? Boy mamma ka mba egen oloɗi su?

SOOLLA 89:34

«Lay ni ka hin ɗegee manda u namba ki kaboyɗi, ka mbuɗ galam manda u namba ki kaboyɗi.

SOOLLA 89:35

An ka ɓeŋ galam mandaɗi, an ka mbuɗ va ma kal ay ki fununnaɗi lay.

EZAYI 21:17

Suu Kedarna mbuuru masira hin kosi na ew ɦawaa. Yawe Lo ma vi suu Israelna, di na ni namu.

EZAYI 31:2

Nam may ni wi yal dlara nam a laɗta, nam ndak mbaa dlara hahawra aya. Dlara nam daɗta nam ka hoŋ vunum daganɗi. Nam col kolo eg suu hurusi cona, eg suu may suu li dla cora u suu njun ay usina halaŋ.

EZAYI 40:8

Uusuna so kiyo, ɓoom yak ki may, na may boy ma vi Bu Suuna maynana ka ni na din din.

EZAYI 46:11

Ay u faɗta maɗiira day An yi bakŋa ay kay ɦaana. Ni sa ma hin lan dlaanda an min a laɗta kina. An yam ay ni hu mbassa dayra. Dlara an daɗta na zak gaw ni ndaɗ li may.

EZAYI 55:11

Boy manna ni ko ndaɗta na may, hu li ma nam kal ay ki fununna. Nam ka hoŋ ay egen bay li vaɗi, ka hin bay li dlara an miniɗta kiɗi. Kay ndaɗta an dammi na.

JEREMI 4:28

Ni kay ndaɗta ndaŋgara ka ni hu hahawra. Kolo wanni huulona mbuɗ ki ndufunda kay ana an kaɓakŋa ki kay dla ndaɗta, an vi ki kan a li dla ndaɗta. An hin ka hoŋ vunun ki daganɗi.

DANYEL 4:28

Mulna ka ɓak boyna tu may ni, della col ay kolo huulona di ana, «Ka daŋ haa mulna, Nabukodonosor. Tlaŋ mulla ki koŋ wa.

Magaara Vi Sa Jok Vun Lona OZE 11:9

An hin ka ɦal so ura maŋ saɓak yaandaɗi. An hin ka hoŋ ay bulum Efrayim kiɗi. Kay ana anni Lona, ka sa warnaɗi. An ka ki teteɗ vo varaŋu. An hin ka mbay u yaraɗi.

MISE 7:20

Aŋ hin ɦal ɗegee maŋga maŋ Yakob, heɓ maŋga maŋ Abraham. Ni va ma aŋ vi vunuŋ ay ki u somoyomi hu buu ma ay jew dayna.

HABAKUK 2:3

kay ana ni dlara tak taɗ ki kay faɗ vun dlara. Ndaɗ tew ki hu liiɗ wa, ndaɗ ka kaboyɗi, lini yaɗ ka vi aya ni juɓuɗu, ndaɗ hin mba gasi daŋ may, ka kaboyɗi.

MALASI 3:6

Ҥawaa! An, Yawe, mbuɗ hurun kaɗi. Agi may ni a njafna vi Yakobma tew tew.

NDUMBA 14:35

An, Yawe, di ni an daŋ may. An suu tan kiyo, min a li suu co asina ni na. Asi suu taɓ tasi a duu u anna. Asi hin daɓ ki ŋgoo bagi ni halaŋ, miɗ ni hu li namma.»

NDUMBA 23:18

Balaam gijaŋ di boyna u ndal boyna ana, «Balak, col kolo, hum haa. Goŋ Siporna, tin humuŋ ha huma.

Boy Ma Ayra Ma LUK Ɓiirimma 21:33

Huulona u ndaŋgara hin daɓ kiyo, boy manna ka daɓ kiɗi.»

ROMMA 11:29

Lona ka hoŋ tli va ma nam ɦam kinaɗi, nam ka hoŋ vunum dagan kay suu nam yasinaɗi lay.

ROMMA 9:6

An ka min di ana vi vun ma vi Lonna mbuɗ ki ɦawaa naɗi, njafna vi suu Israelna ni ka asi suu Israel suu gasina halaŋgi.

2 TIMOTE 2:13

Lini aygi ka ɗegeeɗi lay nam ka ɗegee tew tew, nam ka garak u dlaamba nam laɗtaɗi.»

TITTA 1:2

kay asi mba lak juɓ u hurusi tini kay iirira ka daɓ kiɗira. Lona ma bay kaboyna, vi vunum ki fok jew kay iiri ndaɗta bay lina ndak tuwa.

HEBRENA 6:18

Sunda ka mba' ta sa ndak ka a mbuɗuɗɗira, ni hu ndaɗta ni Lona ka kaboyɗi. Aygi suu fi li ma ŋgayra hurumma, ni aygi faygi saɓakŋa ŋgolo a fi va ma aygi ka juɓumma u ɗigilla.

HEBRENA 7:21

Yesu mbuɗ a mul ma li ɓivunna ni u suura nam suu tamba. Hu li ma Lona dam anaba, «Bu Suuna suurumu, ni nam ka jok saa mamba zeɗɗi, aŋ hin a mul ma li ɓivunna ni a fafatɗa.»

Magaara JAK Ɓiiriɗta 1:17

Ҥala ɦawara jivira halaŋ u ɦala pasiyakka col ay ni koloo, ɦaɗ ay ni Lona, nam sa ma li kiɗikka kolora. Lona ka mbuɗɗi. Nam ka jok ndufunda ha fok na ɗowɗi.

Magaara JAK Ɓiiriɗta 4:5

Saaragi ana magaara dini ɦawaa naɗi, ŋgussa Lona ɦaɗ huu sanara, nam miniɗ cocoo.

JOSUWE 21:45

Boy jivi ma Yawe dam maŋ suu Israelnana halaŋ maa hin kaka ɦawa na dewɗi, nam li ki u vunum ma di namma dew dew halaŋ.

1 SAMUEL 15:29

Na lay ni, «Bibiŋilla vi Israella ka mbuɗ ki kaboyɗi lay, ka hom ki kaŋgaɗi lay kay ana nam ka sa warɗi, dlara nam a hom kaɗ kaɗi.»

1 SAMUEL 3:12

Hu buu namma wanni an hin tak dlara an daɗ eg Heli kay ziimba ki fun taɗ na halaŋ.