NDUMBA 23:1 - Boy Lonana

¹ Balaam di Balak ana, «Minin givin ma togolla tani na kiɗisiya, ŋgaɗ bolo mbutlugina na kiɗisiya may, ŋgaɗ gamla timigiina na kiɗisiya may.»

NDUMBA 23:1 ပူးပေါင်းရင်းမြစ်များ

2 MULINA 18:22

Lini agi dan ana, agi tin hurugi ni kay Yawe, Loogina, na ɗaŋŋi ka nam Lo ma Ezekiyas bulumum ay ki kolo kay li mbuynana tokgi su? U otel lay di suu Yudana u suu Yerusalemma ana, agi tuɗ goɓ fok li ma ŋgal ɓivunna ni hu Yerusalem dew naɗi su?

1 DLAŊ MULINARA 15:26

Asi ŋgaɗ bolo mbutlina a ɓivunna kiɗisiya may, gamlagina kiɗisiya may a Lona njun suu li ɓivun suu tli Zandukka Galamba vi Yawera ayna.

2 DLAŊ MULINARA 29:21

Asi mbaa bolo mbutlugina ay kiɗisiya, gamlagina kiɗisiya, gor timigiina kiɗisiya, ŋgegina kiɗisiya may a li ɓivun ma bulum cora kina. Ni kay Ziŋ mulnana kay Ziŋ Lonara kay mbassa Yudara may. Nam hin di muli suu li ɓivunna goryoŋ Aaronna ana asi ŋgalasi kay givin ma togolla.

JOB 42:8

«Cemi ni agi yowogi bologi mbutlugina na kiɗisiya, gamlagina na kiɗisiya may. Tuɗugi eg saan ma sunda, Job. Lagi ɓivun ma ŋgalam ki ŋgalina kagiya. Saan ma sunda, Job, hin cen kagiya. An ka lagi co ko agi li wandara naɗi ni kamu. Agi suu ɓak ka ki kan u jiviraɗina, lagi ka ko saan ma sunda, Job, lira naɗi.»

KALKIRA 20:24

«Aŋ minin givin ma togolla u ndaŋgara a lan ɓivunna hura, a li ɓivun ma ŋgalam kina u ɓivun ma heɓpa u yoori suu goorina u suu ŋgolona, hu li ma an tak sen huna halaŋ. An hin mbay egeŋu, hin paɗ vunun ki kaŋu.

VUN ŊGOLNA 15:8

Ɓivun ma vi suu dlasi cona ka ii Yawe jiviɗi. Nam tin humummi kay cenda vi suu ɗegeena.

EZEKIYEL 33:31

Suuna hin tok ay cocoo. Asi hin mba mol fokoŋu. Asi lak fokoŋ a hum dlara aŋ hin dasirara. Na may asi ka ndak a li uɗɗi. Boy maŋŋa kal humusi jivi cocoo, may hurusi ki tinira ni kay ɦizza.

EZEKIYEL 45:23

Hu buu ma kiɗisiya namma, buuna dew dew halaŋŋi asi ŋgaɗ bolo mbutlugina kiɗisiya kiɗisiya, gamlagina kiɗisiya may, ni suu bay ŋgulla egesina a li ɓivun ma kay suuna halaŋŋa. Hu buuna halaŋŋi asi ŋgaɗ ɦu ŋgekŋa dew dew a li ɓivun ma bulum cora kina maŋ Yawe may.

NDUMBA 22:41

Vin maɗiira ni Balak tay Balaam ay mba ɗiŋim ki kolo hu Bamot Baal ni hu li ma asi wi suuna ha molina.

NDUMBA 23:2

Balak li ko ndal Balaam damba na may. Ŋgoo dagan asi jak ŋgaɗ mbutl dew may, ŋgaɗ gamla dew may, kay givin ma togolla masi ma li ɓivunna jak.

NDUMBA 23:29

Balaam hin dam ana, «Minin givin ma togolla tani na kiɗisiya, ŋgaɗ bolo mbutlugina kiɗisiya, gamlagina kiɗisiya may.»

NDUMBA 23:30

Balak li ko Balaam damba na may, nam ŋgaɗ bolo mbutlugina u gamlagina ki kay givin ma togolla dew dew halaŋ.

NDUMBA 29:32

«Buu ma kiɗisiyana ni ŋgaɗ bolo mbutlugina kiɗisiya, gamlagina mba', gor timigii suu basaɗasi dew dewna doogo yam fiɗi. Ni yoori suu bay ŋgulla egesina.

MATIYE 23:13

«Hahawra ka kagiya agi suu wi magaara gaɗta u suu Farisenna, agi ni suu mbambana, agi dug vun ziŋ Mulla Huulonara ki ii suuna. Agi tagira ka kal huɗi lay. Suu cuk huna agi ka hinisiɗi lay. [

Magaara JUD Ɓiiriɗta 1:11

Hahawra kasiya, kay asi tli voɗta vi Kainda. Asi viɗ tasi ki u lem gursura, ko Balaam lira na may. Olo ni asi ba kini kayra asi yow kolo duuna ko Kore nara.

1 SAMUEL 15:22

Samuel di ɗaŋŋi ana, «Yawe min ɓivun ma ŋgalam ki ŋgalina u ma lam ɦawana ŋgolla su humba hum u boy mammara su? Ҥawaa, humba ni ŋgol su ɓivunna, gi yamba kaŋgara su mbul gamlagina.