NDUMBA 22:7 - Boy Lonana

⁷ Suu ŋgolo suu Moabma u suu ŋgolo suu Madiyanna yow tlesuu warak sa ma joɓba kosi yow ni mbay vi Balaam. Asi mba cuɗum boy ma Balak dasina ayna.

NDUMBA 22:7 ပူးပေါင်းရင်းမြစ်များ

EZAYI 1:23

Muli maŋsina mbuɗ ni suu babalira, taɓ vunsi ni u suu kulna. Asi halaŋ minni tlesuu suuna ɦasisinana. Asi cuɗ ni sem li ma a fi warakŋa huna. Asi ka li kem suu kuyuna jiviɗi, ka hum tii ma vi boyogi suu dononaɗi lay.

EZAYI 56:11

Asi ni digini suu kurufukka ka hoɓbi lay, asi tasira ni a suu taa yoorina gaw. Asi ka wi dira di ana ndagami waraɗi lay. Asi ka wi ɓorow ii tlenaɗi lay. Gegelay dukusi ni hal ni fiimma. Gegelay hal ni ɓaɗta kay tam.

EZEKIYEL 13:19

Agi mbuɗungi sen ki njenjera fok suu mansina ni kay fu ma agi a fam funugi na ew daŋŋa, u komnjoɗi orge ma ewna may. Agi cagi suu maɗ ka kasi tuɗina kiyo, suu a miɗ ki ginna agi mbuɗusi iiri may. Agi ganan yam suu mansina u dlara kaboyna suu min a hum dla ndaɗtana.

EZEKIYEL 21:21

Ŋgew ma sii ɦayna ka gulu may, ka njuf may, pereɗ ii kara ki hu lina halaŋ.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

NDUMBA 22:8

Balaam dasi ana, «Buurugi tani, an hin hoŋogi dira ni u va ma Yawe hin danna karam njeŋgena.» Suu ŋgolo suu Moabma hin buu may.

NDUMBA 23:23

Dlara kumuna ka tew eg suu vi Yakobmaɗi, dlara joɓ fulina ka li suu Israelnaɗi. Suu Israelna hum dlara Lona min a laɗta ni hu liiɗu.

NDUMBA 24:1

Balaam wi ki ana Yawe minni ana nam paɗ vunum ki kay suu Israelna ni paɗiya ni, nam tuɗ ka ki keŋ ko nam li ay fok jewra na a hal tlara fokka oloɗi. Nam pereɗ irim ha ŋgoo bagi na.

ROMMA 16:18

Kay suu ko asi nana ka sun ni Kristu Bu Suunaɗi, asi sun ni hayasi taɗta gaw u boy masi ma jivina u ɓak masi ma fiyek ma gan yamba, asi ɓeŋŋi ŋgus suu u dla ka irisiɗina ɦawaa.

TITTA 1:11

Lini nanagelay ni casi vunusiya, kay asi ɓeŋ suuna ki u deeresi halaŋ, haɗasi dla mayra cora kay fi gursura u ganyamba.

JOSUWE 13:22

Duk suu casi asina ni Balaam ma goŋ Peorna, ma joɓpa suu Israelna cam ki dukusi may.

2 PIYER 2:15

Asi hin voɗta ɗegeera ki tani asi viɗ ki wa, asi tli voɗta Balaam, goŋ Bosorna, tlaɗta, nam min a fi begera u dlara laɗ cora.

Magaara JUD Ɓiiriɗta 1:11

Hahawra kasiya, kay asi tli voɗta vi Kainda. Asi viɗ tasi ki u lem gursura, ko Balaam lira na may. Olo ni asi ba kini kayra asi yow kolo duuna ko Kore nara.