NDUMBA 22:38 - Boy Lonana

³⁸ Balaam hoŋom dira ana, «Na an cemi mbay egeŋ wa tok, ka ana an hin njaɗ boyna ha ni ɦawa na njaɗ njaɗ naɗi, boy ma Lona kalanna ay fununna an hin dammi namu.»

NDUMBA 22:38 ပူးပေါင်းရင်းမြစ်များ

1 MULINA 22:14

Mise di ana, «U iirira vi Yawe va ma Yawe dannana an hin nda dammi nam may.»

1 MULINA 22:16

Mulna dam ana, «An hin suuruŋŋi yan ga a aŋ dan gasisra ki u sem Yawera nige?»

2 DLAŊ MULINARA 18:13

Mise hin di ana, «U sem Yawe va ma Loonna dannana an hin dammi nam may.»

SOOLLA 33:10

Yawe, bulum dlara vi njaf suu warna kiyo, dlara suuna saa gin a laɗta nam bulumuɗ kiyo.

SOOLLA 76:10

Lona hin col kolo a kaɓakŋa ni saɓage? A hin suɗ suu maŋina ki hu ndaŋgara tanira ni saɓage?

VUN ŊGOLNA 19:21

Dlara suuna min a laɗta hurusi oy bolow cocoo, may minda vi Yawe col ay wa ni hin li ni na tuwa.

EZAYI 44:25

An mbuɗ dlara mbuɗ mbuɗta vi suu kaboyna ki ɦawaa, suu may suu gol ciciwra an casi kiyo. Suu wi yalna cocona an hoŋosi ki dagani. An mbuɗusi yal masina ki a dlara ɦawara.

EZAYI 46:10

Ay hu gijaŋŋa day ni an di dlara, an min a laɗta ay kiyo. An di dla mayra hin a lira, ta bay sa waɗ tura ay ki jewe. An di ana gola dlaanda hin li ni na, ndaɗ hin li ki may. Dlara an miniɗta halaŋ an laɗu.

EZAYI 47:12

Col kolo tin gari maŋga ɗaŋgi su, hal suu maŋ suu masira suu aŋ loɓ taŋ ay u asi u goo taŋ dayna, kala asi li ndak a suɗuŋ ki kalage, kala aŋ ndak a mbuɗ suu duuna ndaa su.

NDUMBA 22:18

Balaam hoŋ dira maŋ suu Balak cukusi hana ana, «Lini Balak ɦan gursuna u lorra oy hu ziimba ki halaŋ lay, an ka ndak a li va ma ŋgol lay, ma goo ew lay ki bay Yawe, Loonna, ɦan voɗta ay baɗi.

NDUMBA 22:37

Balak dam ana, «An sun suuna ha bolow coco a yaŋ ayraɗi su? Aŋ hin mbay ginɗi ni kay mege? An ka iriŋ ndaki a ŋgaaŋgi su?»

NDUMBA 22:39

Balaam tuɗ u Balak, asi mbay hu zi ma Kiriyat Husotna.

NDUMBA 22:8

Balaam dasi ana, «Buurugi tani, an hin hoŋogi dira ni u va ma Yawe hin danna karam njeŋgena.» Suu ŋgolo suu Moabma hin buu may.

NDUMBA 23:16

Yawe mbay fok Balaam, mba kalam boyna ay funum dam ana, «Hoŋ eg Balak, aŋ tuɗ ɓakŋi ko ndaɗta na.»

NDUMBA 23:26

Balaam hoŋom dira ana, «An daŋ ka ana an hin li halaŋŋi dlara Yawe hin danda ayra naɗi su?»

NDUMBA 24:13

Lini Balak a ɦan gursu mamma u lorra hu ziimba ki halaŋ lay ni an ka jak gaɗta vi Yawera kiɗi. Lini nam dan a mbaa ni jivira ɗowba cora, ni an ka di va maa kay tanɗi. Va ma Yawe danna ayna an hin dammi nam mayɗi su?