NDUMBA 22:32 - Boy Lonana

³² Sa sunda vi Yawe dam ana, «Aŋ waɗ kor maŋga yaŋ na hindi day ni kay mege? Aŋ wiya an mbay a dooroŋ voɗta ki ni anu. Kay an wi ana koy maŋ ndaɗta ka tuɗuŋŋi hu dlara jiviɗi.

NDUMBA 22:32 ပူးပေါင်းရင်းမြစ်များ

SOOLLA 145:9

Yawe jivi kay suuna halaŋ, nam saa jivi kay sunda nam laɗta halaŋ.

SOOLLA 147:9

nam ɦal tina maŋ yoorina, nam ɦal tina maŋ gor gawgawna hu li ma asi joɓomma lay.

SOOLLA 36:6

Yawe, jivi maŋga tew ta ta huulona, ɗegee maŋga tew ta ta eg ɗugulla.

VUN ŊGOLNA 14:2

Sa ma poy poyra ɗegeera li ni ndaa Yawe. Sa ma poy poyra cora panni Yawe may.

VUN ŊGOLNA 16:2

Dlara sana laɗta halaŋ gol irimmi jivi bel. Na may Yawe ni sa ma wi huuna ay kurufu dayna.

VUN ŊGOLNA 28:18

Sa ma hoŋ tam kaŋga hu poy mambana hin suɗ kiyo. May sa ma yow dlara kom mba mbana hin puk ki kaŋga hu taa dew.

VUN ŊGOLNA 28:6

Sa haw ma poy ɗegeena ni jivi su sa ma ɦizi ma poy mamba ka jiviɗina.

JONAS 4:11

An may ni ka wi hahaw ɦoŋzi ma ŋgol ma Ninivena manɗi su? Suuna ka hurummi suu buɓ buɓ kis duk dok mba' (120,000) suu ka wi a ɓorow ii jivira ki u coraɗina, yoorina ka hu coco lay.»

MISE 6:5

Suu mansina humugi gagi kay boy ma Balak, mul ma Moabma damma, va ma Balaam, goŋ Beorna, hoŋom dirana, li ma col ay Sittim ta ta tew Gilgalna, agi hin wi saɓakŋa vi Yawe hu li namma.

NDUMBA 22:20

Lona mbay njeŋge eg Balaam dam ana, «Nam li yaŋŋi ana aŋ tuɗ ha eg suu asina ɦawa kala ni aŋ tuɗa, may dlara an hin daŋgara aŋ laɗ ni ndaɗu.»

NDUMBA 22:22

Lona wam nam tuɗ na ni hurum ɓeŋ ki cocoo, sa sunda vi Yawe col ki fokom hu voɗta a doorom voɗta kira, may ni nam tuɗ ha u kor mamba gak may, suu mam suu sunumma fokom mba may.

NDUMBA 22:28

Yawe mal vun korra ki ndaɗ mbuɗ ɓaka, joɓ Balaam ana, «An laŋŋi me saɓaki na a aŋ waɗan ki ca yaŋ na hindi day nige?»

NDUMBA 22:33

Korra wanu, ndaɗ tuɗ ki yaɗ hindi a ŋgay taɗ ki konda, lini ndaɗ li ka gin naɗi ni an caŋ ki ni cecemi gaw, u dlara ndaɗ li nara iiri maŋga suɗ wa.»

NDUMBA 22:35

Sa sunda vi Yawe hin dam ana, «Tuɗ u suu asina, may ni aŋ hin tuɗ di ni dlara an daŋgara.» Balaam hin tuɗ u suu ŋgolo suu vi Balakŋa.

SUNDA 13:10

Dam ana, «Sa ma cona, huruŋ oyra u honira, goŋ Satannana, gonokka u tlesuu jivina bel. Aŋ ka ɓalak ki wanni voɗta vi Bu Suuna ta jiviraɗi su?

GA 8ATAMBARA 23:4

Suu Amonna u suu Moabma li ni nanagelay asina ka kal hu tokka vi Yaweɗi, li ni gor ŋgologi masi suu doogona lay ni ka kal hu tokka vi Yaweɗi.

GA 8ATAMBARA 25:4

Hu li ma mbutlna ka to wana ni aŋ ka njunum vunum kiɗi.