NDUMBA 21:7 - Boy Lonana

⁷ Suu Israelna mbay eg Moiz dam ana, «Ami li coo, hu li ma ami gurni eg Yawe may, gurni egeŋ mayna. Aŋ cen Yawe nam ɦuɗumi guyugina ha ki egemiya.» Moiz cen kay suuna.

NDUMBA 21:7 ပူးပေါင်းရင်းမြစ်များ

URA TIN AYRA 20:17

Abraham cen Lona nam hin garaɗ Abimelek kiyo. Caŋ Abimelekka u boyogi suu sunda varamma gijaŋ vuɗta.

URA TIN AYRA 20:7

Cecemi hoŋ cara maŋ njufuɗu kay nammi sa ma jok vun Lona, nam hin cen kaŋu aŋ hin kak iiriya, lini aŋ hoŋoɗ kaɗi ni, aŋ wi ki kaŋ ana, aŋ hin miɗ ki u suu maŋsina halaŋ.»

1 MULINA 13:6

Mulna di sa ma jok vun Lona ana, «Heɓ huu Yawe Looŋŋa ha na heɓge, cen ha kanu, hinin a kon hoŋ cuk ki ga na cage.» Sa ma jok vun Lona heɓ huu Yawe ko mulna hin hoŋ cukka kaŋga may. Kom hoŋ ki balamam ko fok jewra na.

2 MULINA 13:4

Na may Joasaz cen Yawe heɓem hurumu. Nam humumu kay nam wi hahawra vi suu Israelna, dlara nekka mul ma Sirina tinisira kasira.

JOB 42:10

Yawe hoŋ tlesuu vi Jobma ay halaŋ hu li ma nam ha ki a cen kay ndarayammana. Yawe ɦam tlena ni sesi mba' mba' su mam suu kom jewna.

JOB 42:8

«Cemi ni agi yowogi bologi mbutlugina na kiɗisiya, gamlagina na kiɗisiya may. Tuɗugi eg saan ma sunda, Job. Lagi ɓivun ma ŋgalam ki ŋgalina kagiya. Saan ma sunda, Job, hin cen kagiya. An ka lagi co ko agi li wandara naɗi ni kamu. Agi suu ɓak ka ki kan u jiviraɗina, lagi ka ko saan ma sunda, Job, lira naɗi.»

SOOLLA 106:23

Lona hal gin a baasi ki halaŋ, na may Moiz sa ma nam manamma col ki fokomu, cenem kay nam heɓ hurum kiyo.

SOOLLA 78:34

Hu li ma Lona gijaŋ a casina, asi gijaŋŋa a halamba may, asi wi coosira, hoŋ irisi ay egemu.

KALKIRA 10:17

Cemi an cenegiya heɓ hurugi egen olo. Cen Yawe, Loogina, a nam wan hahawan dikin miɗ namma ha ki egen na dikge.»

KALKIRA 32:11

Na may Moiz cok yam ga fok Yawe di ana, «Ҥii, Yawe, huruŋ ɓeŋ eg suu maŋ suu aŋ cukusi ay ki hu mbassa Egiptera u saɓak maŋ ma cocona na ni kay mege?

KALKIRA 32:30

Vin maɗiira ni Moiz di suuna ana, «Agi li ni suluk ma ŋgolna, cemini an min ɗiŋ kolo eg Yawe, kala an li fi vaɗ huuna ay kay suluk magina kala.»

KALKIRA 8:28

Na gawni, Faraw so hurum ka min a hinisi tuɗɗi.

KALKIRA 8:4

Faraw yi Moiz u Aaron ay dasi ana, «Cenegi Yawe nam ɦuɗun gigiɗina ha ki egenu, eg suu mansina lay, an hin hin suuna asi tuɗ li ɓivun masina maŋ Yawe ɗaŋ.»

KALKIRA 8:8

Moiz u Aaron cuk ay ki vi Faraw, Moiz joɓ Yawe kay dla luu ma ka hu mbassa Egiptena ma mbuɗ Faraw li ndaana cocona.

EZAYI 26:16

Yawe, hu li ma aŋ ka gaɗ suu maŋsina ni asi halaŋŋi aŋu. Hu li ma gaɗ maŋga fasina asi cuk ga ceneŋŋi aŋu.

JEREMI 15:1

Yawe dan ana, lini gi Moiz u Samuel col fokon lay, an hin ka mbuɗ hurun kay suu asinaɗi. Dikisi ki fokonu, asi tuɗ kiyo.

JEREMI 37:3

Mulna Sedesiyas sun Yehukal, ma goŋ Selemiyana, u mul ma li ɓivunna Sefaniya, ma goŋ Maaseyana eg sa jok vun Lona, Jeremi, dam ana, «Joɓ ay kamiya, an ceneŋu aŋ joɓ Yawe, Loomina, ay kamiya.»

Magaara Vi Sa Jok Vun Lona OZE 5:15

An hin tuɗa. An hin hoŋ vo varan ta ta hu buu ma asi hin di ki u vunusi ana asi ni suu li corana. Asi halanni anu na. Hu hahaw masira asi hin gijaŋ joɓon dlanu.

NDUMBA 11:2

Suuna tii eg Moiz, nam hin cen Yawe, kura hin heɓ gaa.

MATIYE 27:4

«An li coo. Sa li va kaɗi na, an gusum ki ni kay mege?» Asi hoŋom dira ana, «Li dla ndaɗta ni aŋu. Ndolomi ka dukgi.»

SUNDA 8:24

Simon di Piyer u Jaŋ ana, «Cenegi Bu Suuna ay kanu, kay a boy ma agi dam wanna mba li hurun oloɗi.»

ROMMA 10:1

Gorsenna va ma an min joɓ Lona hurun tini kam halaŋŋa ni kay suu Juifna ana asi suɗ kiyo.

GA 8ATAMBARA 9:20

Eg Aaron lay ni Yawe hurum ɓeŋ ki egem cocoo, min a gam njafam ki lay. An hin cen kay Aaron may.

Magaara JAK Ɓiiriɗta 5:16

Dagi coogira ki duk tagiya, cenegi kay tagiya tagiya kay agi mba garaɗ kiyo. Cenda vi sa ma ɗegeena hurum toki kaɗ dewna, saɓakaɗ ka cocoo.

1 SAMUEL 15:24

Sol di Samuel ana, «An li suluku, an calaɗ ki kay gaɗta vi Yawera u boy mamma lay. An li ndaana ni ko suuna, an hin vasi vunusiya.

1 SAMUEL 15:30

Sol di ana, «An li suluku. Cecem wanda an ceneŋu, aŋ mbuɗun ki jivi fok suu basi suu duk suu mansinana, fok Israel lay. Hoŋ ay u anu. An hin goɓ kaŋga fok Yawe, Looŋŋa.»