NDUMBA 21:34 - Boy Lonana

³⁴ Yawe di Moiz ana, «Lam ndaarambi, an hinimma koŋ u suu mamsina halaŋ u mbas mamba halaŋ lay, aŋ hin lasi ni ko aŋ li Sihon mul ma Amorna ay hu Hesebon wanda na may.»

NDUMBA 21:34 ပူးပေါင်းရင်းမြစ်များ

2 SAMUEL 5:19

David joɓ Yawe ana, «An tuɗ duu u suu Filistinna su? Aŋ hin ɦansina ki hu duk kon ko su?» Yawe di David ana, «Tuɗa, gasi an hin hiniŋ suu Filistinna ki hu duk koŋu.»

1 MULINA 20:13

Sa ma jok vun Lona dew ɦuɗ tam ay eg Akab dam ana, «Gola, Yawe di ana, suu moli bolow coco wanna ni aŋ wasiɗi su? An hin ɦaŋsina ki karam hu duk koŋu. Aŋ hin wi ki ana an ni Yawe daŋ may.»

1 MULINA 20:28

Sa ma jok vun Lona ɦuɗ tam ay eg mul ma Israelna olo dam ana, «Gola, Yawe di ana, suu Sirina di ay ana Yawe ni Lo ma kolo kay ɦinirana, ka lo ma ga kay ndaŋgaraɗi. An hin ɦaŋ suu bolow coco wanna ki ni hu duk koŋ halaŋ. Agi hin wi ki ana an gasi ni Yawe daŋ may.»

2 MULINA 3:18

Ni dlara ewra ii Yawe ɦawaa. Nam hin ɦagi mbassa Moabba ki hu duk kogiya.

EZAYI 41:13

Kay an Yawe ni Looŋŋa, ma vaŋ koŋ ma njufna kolona, ni ma daŋ ana, «Li ndaaɗi an ka njunuŋuna.»

NDUMBA 14:9

Lagi yara u Yawe na ɗowɗi, lagi ndaa ko suu hu mbas ndaɗtanaɗi lay. Suu asina hin laygi tina ni asiya, asi ki ni ii faɗta, li ma asi a ŋgay hurum kaɗi. Yawe ka u aygiya, lagisina ndaarasiɗi.»

NDUMBA 32:4

ni mbas mayra Yawe tooɗ ki fok suu Israelnara, mbas ndaɗta jivi kay yoorina ɦay. Doli ni suu sun maŋsina ca ni yoorina kosi cocoo.

GA 8ATAMBARA 2:30

Na may Sihon mul ma Hesbonna ka min a hinimi a jak varambi. Kay Yawe, Loomina, soom hurum ka min a hum boy ma jivinaɗi, kay a ɦamina ki hu duk komira.

GA 8ATAMBARA 20:3

Asi hin dasi ana, «Suu Israelna humugi haa, cemi ni agi ka tuɗ a duu u suu babali magisina, hin vun dikigi ɓikigiɗi, lagi ndaaɗi, dlak tagi fok suu babali magisinaɗi.

GA 8ATAMBARA 3:1

Ami hoŋ irimi ay hu mbassa Basanda na, may Og, mul ma Basanna, ŋgafami ay u duuna, nam tamba u suu mamsina halaŋ.

GA 8ATAMBARA 3:11

Og mul ma Basanna ni mul ma kak dagan iiri ta ta duk suu Refayimma. Lay mamma ni lay kawina ka cemi hu Rabpa hu ɦoŋzi ma ŋgol ma vi suu Amonna tu layɗi su? Fiyek lay namma meter fiɗi, hayam meter mba may.

GA 8ATAMBARA 31:6

Lagi ndaaɗi, soogi ugi kiyo, ɓik vun dikigiɗi, dlakagi ndaa fokosiɗi. Kay Yawe Loogina ka tuɗ fokogiya, nam ka hinigi kiɗi, ka noyogi kiɗi lay.»

GA 8ATAMBARA 7:17

Saaragi hurugi ana, «Njaf suu asina wanni zuli suumiya, ami hin ndak a dikisi ni nanage naɗi.»

GA 8ATAMBARA 7:18

Lagisina ndaarasiɗi, humugi gagi kay dlara Yawe magina laɗ ay eg Faraw u suu Egiptena wandara.

GA 8ATAMBARA 7:21

Dlak tagi ndaa kosiɗi, kay Yawe Loogina nam ka dukugiya, Lo ma ŋgol ma dlam cocona.

GA 8ATAMBARA 7:24

Nam ɦagi muli masisina ki hu duk kogi lay. Agi bulumusi sesi ki hu duliyara halaŋ, ma dew ma hin a col fokogi kaɗi, ta ta agi hin daɓasi ki halaŋ.

JOSUWE 10:25

Josuwe dasi ana, «Lagi ndaaɗi, ɓikigi vun dikigiɗi lay, soogi ugi kiyo, lagi saɓaki kay suu babali magisina suu agi hin duu u asina halaŋ Yawe hin lasi ni na.»

JOSUWE 10:8

Yawe di Josuwe ana, «Li ndaaɗi, an hiniŋsina ki ni koŋu. Dukusi halaŋŋi sa ma col fokoŋ dew kaɗi.»

JOSUWE 8:7

Ni agi hin yowogi ay kolo mba ndug zina ni na gaw. Yawe, Looygina, ɦagi ɦoŋzi namma ki ni kogiya.

SUU KAƁAKŊA 11:30

Jefta suu tam fok Yawe di ana, «Lini gasi aŋ ɦan suu Amonna ki hu duk kon wa ni

1 SAMUEL 23:4

David joɓ Yawe olo. Yawe hoŋom dira ana, «Gi taŋ voɗo, tuɗ hu Keila kay an hin ɦaŋ suu Filistinna koŋu.»