NDUMBA 21:25 - Boy Lonana

²⁵ Suu Israelna tli ɦoŋzi ma ŋgolo ma Amorna ki halaŋ halaŋ. Asi cuk ziisi ki hu ɦoŋzi ma vi suu Amorna halaŋ, hu Hesebon u zi ma ay njuni usina halaŋ.

NDUMBA 21:25 ပူးပေါင်းရင်းမြစ်များ

SOOLLA VI SALOMON 7:4

Pook ma mba cana ni ko ndal gor dukka suu jak mbana na, ni ko ndal gor ŋgoni suu cuk u dukkana na.

EZAYI 15:4

Suu laki zina hu mbassa Hesebon u Elalena ka sawalla, delesi hum ha ki ta ta hu Yahas. Asgaa suu hu Moabma ka yi koloo, musukusi ka tin gaɗi.

JEREMI 48:2

Moab seɗ ma tiina daɓ ki wa. Ay hu Hesebon asi li yal ma tii maɗna kaɗu. Tuɗuygi bulumuygi njaf suu asina kiyo. Ndak Madmen lay ni mbuɗ ki seŋŋira na yerek yerek. Ŋgewna ka ciɗik seku.

JEREMI 48:34

Yira yi kolo ana suuna mbay njun Hesebonda, suuna humuɗ ha ki Elale lay, delesi tew ha ki ta ta Yahas lay, col ha Soar ta ta tew ha ki Horonam lay, Eglat-Selisiya lay, kay ana mbo lum ma Nimrimma so ki lay.

JEREMI 48:45

Suu liŋ a ŋgay tasi ki na loɓ ki col u ŋgus Hesebon. Na may kura njay ay ki kasi hu Hesebon sin kura col ay hu zi ma vi Sihonna. Ku ndaɗta ŋgal zigini suu Moabma kiyo, ŋgal sok yam suu li dla cora ki lay.

EZEKIYEL 16:46

Wayakka ŋgolla ni Samari. Ndak ay cuki bikik gulu na u goryoɗ may. Wayakka goora cuki bik njuf na may ni Sodomma u goryoɗ may.

EZEKIYEL 16:49

Cora vi wayakka Sodomma ay ni ŋga tara, hoɓi tew tew, ka saa kay vaɗi. Asi ka njun u suu wi hawraɗi lay, ka wi hahaw saɗi.

EZEKIYEL 16:53

An hin mbuɗusi dlaasira, ko dlara vi Sodomma u goryoɗta na, vi Samari u goryoɗ may. An hin mbuɗuk dlaak ndak takkara dukusi ni zeɗ may.

AMOS 2:10

An may ɗaŋŋi selegi ay ki hu mbassa Egiptera hin tuɗugi hu fulla basara dok fiɗi, a tli mbassa vi suu Amorna.

NDUMBA 21:26

Kay Hesebonni ɦoŋzi ma vi Sihon mul ma Amorna, ni sa ma li duuna jew u mul ma Moabma, tlam mbas mamba ki halaŋ ta ta Arnon.

NDUMBA 21:31

Suu Israelna cuk ziisi hu mbassa vi suu Amorna.

NDUMBA 32:3

«Ҥoŋzi ma ŋgolona Atarot, Dibon, Yazer, Nimra, Hesebon, Elale, Sebam, Nebo u Beon,

GA 8ATAMBARA 2:12

Mbassa Seirra suu cuki jew huruɗna ni suu Horna goryoŋ Ezawna dikisi ni dikiya. Asi varak cuk ki balamasi ko suu Israelna dik suuna ki hu mbassa Yawe ɦasirara hin cuk ki balamasira ni na may.

JOSUWE 24:8

An mbaragi ay ki hu mbassa vi suu Amorna suu cuki doŋ lum ma Yurdanna keŋ ma hiniŋŋana, asi hin duu u agiya, an ɦagisina kiyo, agi tlasi mbas masira cuk ki huwa, an dikigi sina ki fokogi halaŋ halaŋ.

SUU KAƁAKŊA 11:26

Hu li ma suu Israelna ay cuki Hesbon u zi ma ŋguy kasina halaŋ, hu Aroer u zi ma ŋguy kasina halaŋ, ay hu ɦoŋzi ma cuki fun lum ma Arnonna halaŋ li basara ni kis kis hindi ni agi tli mbas ndaɗta ay ka kiɗi ni kay mege?