NDUMBA 20:12 - Boy Lonana

¹² Yawe di gi Moiz u Aaron ana, «Agi vangi vunun kaɗi, takangi teteɗ manda ka ki fok suu Israelnaɗi, kay ndaɗta agi ka ndak a cuk suu Israelna hu mbassa an vi vunun kaɗ a ɦasiraraɗi.»

NDUMBA 20:12 ပူးပေါင်းရင်းမြစ်များ

2 DLAŊ MULINARA 20:20

Suuna halaŋ yow kolo maɗii feɗet a tuɗ hu ŋgoo bagira Tekoara. Hu tuɗta asi ka jakka ni Josafat col kolo di ana, «Agi suu Yudana u suu Yerusalemma humugi haa, tinigi hurugi kay Yawe, Loogina, ni sa ma hin a su kagi kaɗi. Vagi vun suu mam suu jokom vunumma ni agi hin ti suuna.»

SOOLLA 106:32

Hu li ma asi tew tok eg mbo ma Meribana, asi ɓeŋ huu Lona olo. Hu li namma Moiz fi daŋgayna lay,

SOOLLA 99:8

Yawe Loomina, aŋ hoŋosi dira ni u taŋga, aŋ mbuɗ egesi ni a Lo ma hurum fiyekŋa, na may aŋ kaɓakŋa kay sun masira cora.

EZAYI 7:9

Kay saɓak Efrayim ka hu Samari, saɓak Samari ka u goryoŋ Remaliyana may. Lini agi hurugi ka tinni saɓakgi, ni agi ka hin a col fok suu duuruginaɗi may.»

EZAYI 8:13

Aŋ li ki teteɗ ni Yawe, ma Saɓakŋa Kom Belna, doy hol. Nammi sa ma aŋ lam ndaaramma, nammi a sa ma aŋ li ndaana komma hol.

EZEKIYEL 20:41

Hu li namma ni an hin vagi ɓivun magi ma lam u mbul ma his jivina. Hu li ma an taaragi ay ki hu mbassa daŋga zeɗ zeɗ ta agi ay ki njay hura mba tokogi ki kel tagina, an hin tak teteɗ manda ki maŋ njaf suu daŋŋa ni u agiya.

EZEKIYEL 36:23

An hin tak teteɗta vi sen ma ŋgol coco ma agi ɓalakam ha ki duk njaf suu daŋŋana. Sen ma agi ɓalakam ha ki dukusina, ni njaf suu ɦawana hin wi ki ana anni Yawe. Di ni Bu Suuna, Yawe. Ni hu li ma an hin tak teteɗ manda ki u agi dukusina. Asi hin wi ki u irisi halaŋ.

EZEKIYEL 38:10

«Bu Suuna, Yawe, di ana, hu li ma buu namma ndak wa ni saara cora zeɗ zeɗta hin cuk huruŋu. Aŋ hin gijaŋŋa saa ni dla cora.

DLAŊ LEVIRA 10:3

Moiz di Aaron ana, «Yawe di ay ki jew jivi ana, An min ana suu a mbay egenna li u teteɗ manda. Asi ŋgaan ki ni fok suuna halaŋ.» Kay ndaɗta Aaron seŋ tam na yerek yerek.

NDUMBA 11:15

Lini aŋ a lanni na ni mariyaɗ ni can kiyo. Lini aŋ wan hahawan wa ni, hinin a an zii dlara ɓeŋ huuna ko wanda naɗi.»

NDUMBA 20:24

«Aaron cemi ka dukugi oloɗi, nam tuɗ ki eg somoyom suu jewna, nam ka ndak a kal hu mbassa an ɦaɗ maŋ suu Israelnaraɗi, kay agi ŋgelen vunun li ka u boy ma an dagina ay fun mbo ma Meribanaɗi.

NDUMBA 27:14

Ni kay ana ay ŋgoo bagi hu fulla Sinda hu li ma suu Israelna halan a ɦonira, aŋ lay li ka u dlara an daŋgaraɗi hu li ma an daŋ ana takan teteɗ manda ki fok suuna u mbo ma ɓaɗ ay ki duk ɦinirana.» Ni mbo ma Meriba ay hu Kades hu fulla Sindana.

MATIYE 17:17

Yesu hoŋ dira ana, «Agi njaf suu co suu hurugi ka tini kanɗi na, an hin li basara dukugi ni ga olo ge? An siɓ u agi ni basa ga olo ge? Mbaaran goona ay tani.»

MATIYE 17:20

Yesu hoŋosi dira ana, «Ni kayme hurugi ka tini kan ŋgolɗira. An dagi ni gasi ana, Lini hurugi ma tini kanna ko ii sewena na ganak lay ni, agi di maŋ ɦinira wanda ana ndaɗ jok ha ki tana ni, ndaɗ jok ki gaw. Va dumugi kaɗi. [

Boy Ma Ayra Ma LUK Ɓiirimma 1:20

Aŋ tin huruŋ ka kay boy nammaɗi ni, aŋ hin mbuɗ ki ndumuwa. Vunuŋ hin mal ki ni falira goroŋŋa hin a vuɗ kira tuwa.»

Boy Ma Ayra Ma LUK Ɓiirimma 1:45

Furira ka kaku kay ndak hum u boy ma Lona dakŋana.»

Boy Ma Ayra Ma JAŊ Ɓiirimma 1:17

Lona ɦaygi gaɗ mamba ay ni ko Moiz. Oora u gasira col ay ni hu Yesu Kristu may.

ROMMA 4:20

Nam ba viimba ka kiɗi, ciway ka kay va ma Lona dammanaɗi lay. Viimba mbuɗ fok saɓaki, nam geleɗ Lona.

GA 8ATAMBARA 1:37

An tanda lay Yawe hurum ɓeŋ egenni kay dlaagira nam di ana, «Aŋ taŋga lay ni ka kal hu mbas ndaɗtaɗi.

GA 8ATAMBARA 34:4

Yawe hin dam ana, «Gola ni mbassa an vi vunun kaɗ u Abraham, Isaak u Yakob dasi ana, an hin ɦal mbas ndaɗta ka maŋ gor ŋgologi magisina, an takaŋga, aŋ waɗ ki u ii taŋga wa. Na may aŋ ka kal huɗi kama.»

GA 8ATAMBARA 4:21

Yawe hurum ɓeŋ ki egenni kogiya, nam suu tam ki ana an ka calaɗ mbo lum ma Yurdaŋŋa kiɗi, ka an kal hu mbas mayra jivi ta Yawe Loogina ɦagira a jonoraɗi.

JOSUWE 1:2

«Saan ma sunda Moiz miɗ ki wa. Cemi ni aŋ hin calaɗ mbo lum ma Yurdanna u suuna a tuɗ hu mbassa an vi vunun kaɗ a ɦaɗ maŋ suu Israelnara.

1 PIYER 3:15

Ŋgaagi Kristu hurugi kurufuwa, nammi Bu Suuna magina, minigi tagi a vagi u dlara ki maŋ suu ka joɓogi kay va ma agi ka juɓumma.