NDUMBA 19:11 - Boy Lonana

¹¹ Sa ma tin kom ay eg maɗ sa miɗinana, maɗ va maanage lay, mbuɗ ki ni njenje ta ta buuna kiɗisiya.

NDUMBA 19:11 ပူးပေါင်းရင်းမြစ်များ

NDUMBA 5:2

«Di suu Israelna asi dik suu tuguɗii busuna lasina u suu tuguɗiira njenjera busuna ɓaɗ egesina u suu tin kosi ay eg suu miɗinana ki dukugiya.

NDUMBA 31:19

Agi may ni vagi ziigi doŋ kaana tani ta ta buuna kiɗisiya, agi suu ci maɗna ayna halaŋ u suu tin kosi ay eg maɗnana, agi hin lagi dlara mbuɗ tagi ki teteɗta ni hu buu ma hindina may, hu buu ma kiɗisiyana may. Agi tagira u suu daŋgay magisina lay.

DLAŊ LEVIRA 21:1

Yawe di Moiz ana, «Di muli suu li ɓivunna, goryoŋ Aaronna, mul ma li ɓivunna ka mbuɗ tam njenje a kal kay maɗnaɗi.

NDUMBA 19:16

Gegelay ma dutl ay kay maɗ sa ma asi cam ki ŋgoo bagi kala, ɗowba sem tay ay kay sok sa ma miɗi kala, ɗowba kay us sa kala ni, sa namma ki ni njenjee ta ta buuna kiɗisiya.

NDUMBA 9:10

«Aŋ di suu Israelna ana, hu li ma sana kal tam ay hu dlara njenjera wa ŋgen tam ay eg sa ma miɗi wa, ɗowba nam ki hu koyra dayra, dla ndaɗta ni magi lay maŋ goryogi suu ka ŋgorogi daganna lay, nam ndak li luu ma Pakŋa a ŋga Bu Suuna.

NDUMBA 9:6

Na may suu dukusi ɦiw ni tin kosi ay eg maɗna, asi mbuɗ ki njenjee, asi ka ndak a li luu ma Pakŋa hu buu nammaɗi, hu buu namma gaw ni asi di gi Moiz u Aaron ana,

DLAŊ LEVIRA 21:11

Nam ka kal kay maɗ a mbuɗ tam ki njenjeɗi, lini maɗ bum lay, maɗ sum lay, nam ka kalɗi.

HEBRENA 9:14

Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.

EFESNA 2:1

Agi ay jew miɗi fok Lona kay coogira, kay suluk magina.

2 KORINTNA 6:17

Ni kay ndaɗta Bu Suuna di ana, «Agi hinisiya taɓagi u asiɗi, taɓagi u tliw ma njenjenaɗi, an tanda may ni hin vagi egenu.

ROMMA 5:12

Cora mba hu duliyara halaŋŋi u sana dew, u Adam, cora mbaa miɗna, miɗna njay ki kay suuna halaŋ kay asi halaŋ li coo.

Magaara Vi Sa Jok Vun Lona AGE 2:13

Age joɓosi olo ana, «Li ni sana tin kom ay kay sa miɗina wa ni, nam mbuɗ ki ni njenjee, nam hin tin kom eg va maa duk tle asina wa dew ni va namma hin mbuɗ ki njenje lay su?» Muli suu li ɓivunna hoŋom dira ana, «Va namma hin mbuɗ ki njenjee.»

YOORA 4:14

Asi talal hu voɗta, irisi ki dugiya, busuna mbuɗusi ki njenjera wa. Sa ka tin kom eg baraw masinaɗi.

DLAŊ LEVIRA 11:31

Tle asina halaŋŋi agi golosi ki njenjee. Sa ma ŋgen kom eg maɗasi ma gii gana, mbuɗ ki njenjera ta ta fiɗigiya.

SUNDA 21:26

Vin maɗiira ni Pol yow suu fiɗi asina um yowni tuɗ a dan tasi ki jivi teteɗta. Nam kal hu Ziŋ Lonara kalni dasi ana buu ma dan tara ki jivi teteɗna daɓmi saɓage, ni di ana a li ɓivunna ki kasi dew dew halaŋŋi saɓage?

SUNDA 21:27

Buu ma kiɗisiyana a daɓa may ni suu Juif suu hu ndaŋgara Azira wi Pol hu Ziŋ Lonara, asi tum huu suuna kolo halaŋ halaŋ vammi na gaw.

DLAŊ LEVIRA 5:2

Ɗowba lini sana wi kaɗi, tin kom ay eg va ma njenje wa, eg ɦaa mbuu kala, eg ɦaa vabak kala, eg yoo ma miɗi kala, ɦaa tlesuu njenjena halaŋ, nam mbuɗ ki ni sa ma njenjena.

NDUMBA 6:6

«Hu buu ma nam ɦal tam ki maŋ Yawena halaŋŋi, nam ka tin tam eg sa ma miɗiɗi.

EZAYI 52:11

Tuɗugiya, tuɗugiya, cukugi kiyo, hinigi li ma njenjena kiyo, lagi tagi ki teteɗ, agi suu zii tlesuu teteɗ suu vi Yawena.

DLAŊ LEVIRA 22:4

«Gegelay ma hu njaf Aaron ma busuna cuk ki egemma, ɗowba elewna lamma, ka ti ɓivun ma teteɗnaɗi, ta ta hu li ma nam garaɗ kina tuwa. Sa ma tin kom ay eg sa ma njenjena ɗowba eg va ma miɗina lini na lay.

EZEKIYEL 39:12

Li tilna a daɓ suu bolow asina ki pirara ni kiɗisiya vi suu Israelna a mbuɗ mbassa ki teteɗta.

EZEKIYEL 44:26

Hu li ma nam li tam ki teteɗ wa ni asi ndum buuna kiɗisiya.