NDUMBA 18:8 - Boy Lonana

⁸ Yawe di Aaron ana, «Aŋ gola an ɦaŋ yam tlesuu ɦansina ay ki manna halaŋ. Tlesuu teteɗ may suu suu Israelna ɦasi ayna halaŋ an hiniŋsina ni maŋ u goryoŋ a fafaɗta, gaɗ ndaɗta ka a bulum kiɗi.

NDUMBA 18:8 ပူးပေါင်းရင်းမြစ်များ

DLAŊ LEVIRA 6:16

Ɓivun ma vi muli suu li ɓivunna ŋgalam ki halaŋ maŋ Lona, sa ka tambi.»

DLAŊ LEVIRA 7:6

Suu njufii suu li sunda a muli suu li ɓivunnana halaŋ ndak kom tliw namma, komom ha ni hu li ma ki mbuɗi teteɗna may, kay ni va ma teteɗna.

DLAŊ LEVIRA 6:18

«Aŋ di gi Aaron u goryom ana, Gola ɓivun ma agi lam a bulum cora kina lini ko wanda na. Va ma ŋgaɗam a li ɓivun ma bulum cora kina, ŋgaɗammi hu li ma ŋgaɗ ɓivun ma ŋgalam ki ŋgalina huna, ni fok Yawe, kay ana ni va ma teteɗna.

KALKIRA 40:15

aŋ fuurusi ki ko ndal busi na may, kay a asi li sunda lan ɓivunna. Fuura aŋ fuurusira ɦasi ni sunda a fafaɗta ha ni hu basara basara na gak gak.»

KALKIRA 40:13

Aŋ cuk baraw ma teteɗna ta Aaron, fuurumu, aŋ mbuɗum ki teteɗ a nam li sunda lan ɓivunna.

KALKIRA 29:29

Baraw ma teteɗ ma vi Aaronna hin hin ka ni maŋ goryomu, asi hin cukummi hu li ma aŋ fuurusi a ɦasi sunda kana.

1 JAŊ 2:27

Lini agiya ni Yesu sunugi Musuk mamba ay kagiya, Musuk mamba hurugi may ni agi ka hal sa a takagi dla oloɗi, Musukka takagi dlara ki ni halaŋ, dlara ndaɗ haɗagirara ni gasi, kaboyna ka huɗi ni kay ndaɗta agi vagi vun haɗta vi Musuk Lonara taɓagi hurugi dew u Kristu.

1 JAŊ 2:20

Lini agiya ni agi fi Musuk Lonara ta Kristu sunuɗ ayra hurugiya agi wi gasira ni kay ndaɗta.

HEBRENA 1:9

Aŋ min ni dlara ɗegeera, ta cora ni aŋ noyoɗ kiyo, ni kay ndaɗta Lona, Looŋŋa, manaŋŋa, nam oyoŋ huruŋ u furira kay ɦala nam ɦaŋ li ma jivina, jivi su ma nam ɦam maŋ ndarayaŋŋana bel.»

EZAYI 10:27

Hu buu namma ni nek masira hin tli ki kagiya, jug masina hin paɗ ki kelegi may. Jug masi ma kelegina hin kus kiyo.

GA 8ATAMBARA 26:13

Fok Yawe Looŋŋa ni aŋ hin di ana, «Ay vo varan day an yow keŋ ma teteɗna halaŋ ɦam ki maŋ njaf suu vi Levina, maŋ suu poy kolona, maŋ gor suu kuyuna u boyogi suu donora, ko ndal gaɗta an daŋgara na jak taa ka kiɗi lay, maa taa ka kiɗi lay.

GA 8ATAMBARA 12:11

Ni hu li ma Yawe Loogina manam u tamba a sem tii ki huna. Agi tuɗ u tlesuu an dagi ana agi tuɗ u asiyana halaŋ, ɓivun ma ŋgalam ki ŋgalina, ɓivun magi ma kay tagina, ɦal magira ɦawara, megelay ma agi manam u min magira a ɦam ki maŋ Yawe Looginana.

GA 8ATAMBARA 12:6

Hu li namma agi hin li ɓivun ma ŋgalam ki ŋgalina, li ɓivun ma min duk ɦoŋga, ɦal yam tlegeyegi suu agi feɗesina ki maŋ Lona, li ɦal mayra aŋ ɦal u min maŋgara, ɗowba li dlara aŋ suu taŋ kaɗ a laɗta kiyo, ɦal gor yoori suu vuɗ fok jewna ki maŋ Lona, mbutlina, timigiina u ɦugunina lay.

NDUMBA 18:9

Gola ni keŋ tlesuu aŋ a yowosi ki hu ɓivun ma teteɗ ma asi mbay a ŋgalam kina, tlesuu ka ŋgalasi kiɗina ni ana puura ta lam u fuɗtana, ɓivun ma bulum cora kina halaŋ, u ɓivun ma min duk ɦoŋgana, tlesuu asi ɦansina ay asina halaŋ, tlesuu teteɗ asina ni maŋ aŋu u goryoŋu.

DLAŊ LEVIRA 21:10

«Mul ŋgol ma li ɓivunna ni sa ma fok gorsemmana, nammi sa ma asi fuurum ki u mbulnana, kay ndaɗta nam ka kaa yam ki kay maɗɗi, ka haa baraw mam ki a tii maɗɗi lay, nammi sa ma ka cuk baraw ma teteɗna tamma.

DLAŊ LEVIRA 8:30

Moiz tli mbul ma fuura u busu ma ay hu givin ma togolla yamasi eg Aaron u barawi mamsina yam eg goryom u barawi masisina ni na lay. Ko ndaɗta na nam mbuɗ Aaron u barawi mamsina teteɗ, mbuɗ goryoŋ Aaronna u barawi masisina teteɗ lay.

DLAŊ LEVIRA 6:20

Suu ŋgen kosi eg tliw nammana halaŋ ki mbuɗi teteɗ, lini busuna tol eg baraw maŋŋa wa ni mbus busu namma ha ki ni hu li ma teteɗna may.

KALKIRA 29:21

Aŋ vo busu ma ay kay givin ma togolla may, tli mbul ma fuura may, aŋ yamam eg Aaron, eg barawi mamsina may, yam eg goryom lay, eg barawi masisina lay. Ni asi hin mbuɗ ki teteɗ, Aaron u barawi mamsina, goryom u barawi masisina lay.

1 KORINTNA 9:13

Wagi ki kaki anaba suu li sunda hu Ziŋ Lonara fi tiisina ni hu Ziŋ Lonara may, suu li ɓivun ma ŋgalam ki ŋgalina fi tiisina ni hu givin ma togolla namma may.

DLAŊ LEVIRA 7:14

Tlesuu mbaarasi ay asina tli ay usi dew dew halaŋ a takasi fok Yawera, asina hinni maŋ mul ma li ɓivunna ma yam busuna vi ɓivun ma heɓpa.

DLAŊ LEVIRA 7:28

Yawe di Moiz ana,

2 DLAŊ MULINARA 31:4

Mulna ɦal voɗta maŋ suu hu Yerusalemma a asi ɦal tlesuu gaɗta di kasi a ɦasi maŋ suu vi Levina u muli suu li ɓivunnana ki jiviya kay a asi ndak ɦal tasi ki kay sunda ɦasira kosira ko gaɗta vi Yawera dira na may.

KALKIRA 28:43

Aaron u goryom cuk kalasoŋ ndaɗta ni hu li ma asi a cuk hu mbutluɓma, ɗowba hu li ma asi a tuɗ eg givin ma togolla, kay a li sunda hu Li ma Teteɗna, kay ana asi fi dla cora miɗ kiɗi. Gaɗ ndaɗta ni ka gaɗta maa kiɗi, kam lay, kay njafam ma hin kana lay.

KALKIRA 29:28

Tle asina hin ki ni maŋ Aaron u goryom kay tasi a fafaɗta kay suu Israelna, ni va ma asi a taarasinana ni va ma asi hin tlam ko suu Israelna hu li ma asi ka li ɓivun masi ma heɓpana, ɦal ndaɗta ni maŋ Yawe.

DLAŊ LEVIRA 23:20

Mul ma li ɓivunna tuɗusi fok Yawe u geŋeɗta geŋeɗ tamba, gor timigii suu mbana u fu ma vun wa ma ne ki jewna halaŋ ko tasi dew. Ni tlesuu teteɗ suu maŋ Yawena hin hinisi ni maŋ mul ma li ɓivunna.

NDUMBA 5:9

«Keŋ tlesuu teteɗ may suu suu Israelna ɦasi ay a li ɓivunnana halaŋŋi maŋ mul ma li ɓivunna.

GA 8ATAMBARA 18:1

Muli suu li ɓivunna suu vi Levina u njaf suu vi Levina halaŋ joosi maa kaɗi, ɓorow masi maa ka duk suu Israelnaɗi lay. Tiisi ma asi tamma ni ti ma vi Yawena ni joosina gaw.

2 MULINA 12:16

Sa ka joɓ u gursu namma ko suu ɦasina kosina ana asi li ni ana megeraɗi. Kay asi li sun masira ni u gasira u huu ma dewna.

2 DLAŊ MULINARA 31:5

Hu li ma suuna hum di ndaɗta kina may ni, suu Israelna tok yam wa ble masi ma ne ki fokŋa ay ki bolow cocoo, sum veŋŋa u mbulna, mbul yumma u tlesuu daŋŋa zeɗ zeɗ cocoo u keŋ ma doogona vi tlesuu asi feɗesi ay ki vona halaŋ halaŋ.