NDUMBA 18:7 - Boy Lonana

⁷ Aŋ u goryoŋu sunda laɗ hu givin ma togolla hin ki ni magi may, agi ni suu li sunda ha ki ŋgoo gojoli ma ca ki ii linana. Agi lagi ni sun magi ndaɗta may, an ɦagi ni sunda li ɓivunna agi laɗ ni ndaɗu. Sa ma daŋ ma kal ha hu kalna ni miɗ kiyo.»

NDUMBA 18:7 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 3:27

Jaŋ hoŋ dira ana, «Va Lona ɦam kaɗina, sa ndak ka a fam kay tambi.

NDUMBA 3:10

Na may Aaron u goryom li sunda li ɓivunna ni asi doy hol, sa ma daŋ ŋgen tam ay huwa ni sa namma hin miɗ kiyo.»

NDUMBA 18:20

Yawe di Aaron ana, «Duk suu Israelna ni jooŋ maa ka dukusiɗi, hu mbas masira ni vaaŋ ma ka huɗi, an tanda hin ni a jooŋŋa duk suu Israelna ni an gaw.»

HEBRENA 5:4

Sana ka ndak a tli ŋgolla mul ŋgol ma li ɓivunna kay tambi. Sana mbuɗ na ni yammi Lona ko Aaron na.

EFESNA 3:8

An ni sa ma kaɗaki duk njafna vi suu vi Lonana halaŋ ko ndaɗta na lay ni Lona ɦan a di Boy ma Ayra vi ɦizza bay daɓpa vi Kristu maŋ suu ka njaf suu Juifnaɗina.

1 SAMUEL 2:28

Buŋ an manam ay ki duk njaf suu Israelna halaŋ a nam li a mul ŋgol ma li ɓivunna. Nam hin kal eg givin ma togolla manna. Nam hin ɗus tlesuu his jivina. Nam hin cuk efodna, col fokonu. An ɦal tlesuu suu Israelna mbay u asi a li ɓivunnana halaŋ ki maŋ buŋu.

NDUMBA 3:38

Moiz u Aaron u goryosi cuk ziisi ni fun Ziŋ Lonara na gay keŋ u maɗiina na. Asi ni suu li sunda ay hu Mbutluɓ ma Teteɗna kay suu Israelna halaŋŋa, lini sa ma daŋ tuɗ ha wa tok a li sun ndaɗta ni nam miɗ kiyo.

NDUMBA 1:51

Lini a jok u Ziŋ Lonara kiyo ni njaf suu vi Levina hawaɗ tlesuu min zira tokka ni asiya, li ma asi cuk huna, suu vi Levina hin pi Ziŋ Lonara kolo ni asi may. Sa ma daŋ ŋgen tam ay huwa ni daŋgay mamma ni miɗna.

DLAŊ LEVIRA 16:2

Yawe di Moiz ana, «Di wayaŋŋa, Aaron, nam kal kalafi hu Li ma Saɓaki Teteɗna, ii gojoli ma caki duk ɦoŋgana na dam dambi, nam kal hu li ma Zandukka Galamba u yam Zandukka ka huna hu buuna belɗi, li ka naɗi ni nam hin miɗ kiyo, hu li ma an a tak tan duk ɗugulla kay li ma teteɗna tew tewna.

KALKIRA 29:9

Aŋ njunusi gandina hurusi may. Aaron u goryom aŋ tinisi jumina kasiya. Ɓivunna hin ki ni masi a fafaɗta ka mbuɗɗi. Aŋ ɦal sun ndaɗta ni maŋ gi Aaron u goryomu.

MATIYE 10:8

Garaɗ suu tuguɗira kiyo, dliɗ suu miɗina koloo, mbuɗ suu busuna ki jiviya, dik ful ma cona ki lay. Agi fi saɓak namma ni ɦawaa, ɦa kina ha ki ɦawa may.

1 PIYER 5:2

Gologi jiviya, ko agi suu gol yoori suu Lona ɦagisinana na. Golosi u huu ma jivina ko Lona minda na. Ka ko ɦeɓegi ni ɦeɓi naɗi ni kay a faɗ kini vun sun magira, ka kay warakŋa vi gursuraɗi, ni kay minda vi huuna.

1 PIYER 5:3

Ni ka ana kak ŋgolla kay suu Lona ɦagisina a agi golosina naɗi, lagi jiviya a asi tli ugi na may.

KALKIRA 28:1

Tay wayaŋŋa Aaron ay egeŋ u goryom halaŋ duk suu Israelna kay a nam li sunda li ɓivunna. Aaron u goromma Nadab, Abihu, Eleazar u Itamar.

NDUMBA 18:3

Asi gorseŋŋa li sunda ha fokoŋu ni hu Mbutluɓ ma Tokkana halaŋŋa, doy hol may ka asi ɦuɗ tasi ay fun li ma tlesuu hu Ziŋ Lonaraɗi, tuɗ eg givin ma togollaɗi lay, kay sa miɗ kiɗi, asi lay, taŋga lay.

GA 8ATAMBARA 18:2

Suu Levina joosi maa ka duk gorsesinaɗi, joosina ni Yawe tamba gaw. Ko nam u tamba dasira na may.

JOSUWE 18:7

Na may njaf suu vi Levina ii ɓorow masi maa ka dukugiɗi kama, ɓorow masina ni ɓivun ma asi lam maŋ Yawena. Lini kay dee suu vi Gad, Ruben u nus suu vi Manasena ni asi fi ɓorow masina ha ki ii ma u maɗiinana keŋ lum ma Yurdanna ni jo ma Moiz, sa ma sun Yawena, ɦasina kana.»

EZEKIYEL 44:8

Agi min ka a li u gaɗta an dagira kay tlegeyen suu teteɗnaraɗi lay. Agi hin cuk koyogina a asi li u gaɗ ndaɗta hu Ziŋ Lonara ni asi na ɗow.

EZEKIYEL 44:15

«Muli suu li ɓivunna suu hu njaf Levina, suu goryoŋ Sadokŋa ni suu may suu li sunda u gaɗta hu Ziŋ Lonara ɗegeena, hu li ma suu Israelna hinin an Bu Suuna ki lay, asi hol ni suu ndak a mbay a li sunda fokonna, ŋgal mbulna u busu ma ɓivunna may. Di ni Bu Suuna, Yawe.

EZEKIYEL 44:16

Asi hol ni suu hin cuk kalafi hu ziinda, ɦuɗ tasi eg tabulla tiniɗ a li sun mandara may. Asi li u gaɗta an ɦasira kayamba jivi may.

DLAŊ LEVIRA 7:35

Dok ndaɗta hin ki ni a ɓorow ma vi Aaron u goryomma, hu ɓivun ma ŋgalam ki maŋ Yawena halaŋ, asi fam ki ni hu buu ma sana mbaa ɓivun mamma fok Yawena gaw.

SOOLLA 115:10

Agi suu vi Aaronna tin saa magira kay Yawe, nammi sa ma njun usina, ni mbari masina.