NDUMBA 18:21 - Boy Lonana

²¹ Yawe di ana, «Gola goryoŋ Levina an ɦasi keŋ ma doogona ma suu Israelna taaram ayna ni masi halaŋ, ni a warak masina kay sunda asi ka laɗ hu Mbutluɓ ma Tokkana.

NDUMBA 18:21 ပူးပေါင်းရင်းမြစ်များ

NEHEMI 12:44

Hu buu namma ni njufiina tinisi ki a gol u zigini suu tlesuu hinisi ki a ɗokosi suu yowosi ay u nus vuɗ tlesuu jew nana a hin taa suu ay hu ɦoŋzi ma bagi ma ŋguy kay ɦoŋzinana ayra. Tlesuu gaɗta ŋgaasi ki maŋ muli suu li ɓivunna u suu Levinana. Gasi daŋ may ni Yuda li furira kay muli suu li ɓivunna u suu njun suu Levi suu ka li sundana.

NEHEMI 10:37

Goryoygi suu vuɗ jewna, gor yoori maygi suu vuɗ jewna lay ko ndal ki ɓiiri hu gaɗtara na, kay gor yoori maygi suu gori suu vuɗ jewna, gor yoori suu ŋgolo suu vuɗ jewna lay mbaasi ay kay sun Ziŋ Looyginara, maŋ muli suu li ɓivunna a li sun Ziŋ Looyginara.

HEBRENA 7:5

Ni hu njafna vi Levi li ay a muli suu li ɓivunna ni asiya, tuɗ ni u deera deera u gaɗta asi joɓ yam tlesuu Israel fasina. Ni di ana asi joɓmi ko suu hu mbas masirana asi lay ni hu njafna vi Abraham.

GALATENA 6:6

Sa ma ka haɗ Boy ma Ayra lini nanagelay nam ɓorow tlegeyem suu jivina halaŋ u sa ma haɗamma.

NEHEMI 13:12

Na ɗaŋŋi suu vi Yudana gegelay mbay u nus fuɗ wa ble ma doogona, sum veŋ ma wilina u mbulna a cukusi hu li ma ɗokka.

NEHEMI 10:29

Suuna usira hinda ni, Levina, suu kak fun zira, suu gi soolla, suu li sunda u suu ɓorow dukusi ki u suu hu mbassa hiŋgana kay a tuɗ u gaɗta vi Lonara, boyogosiya, goryosi suu njufiina u suu tamagina, suu ki ndaki a hum dlarana,

2 DLAŊ MULINARA 31:12

Asi hin mbaa yam tlegeyesi ay ni na gak gak yam gi wana u ɦalla daŋga zeɗ zeɗta halaŋ. Konaniya ma hu deera vi Levira tlam ki ni a sa ma gol tle asina. Wayamma Simey ni a sa ma funumma gaw may.

NDUMBA 18:6

Aŋ lay wiya, an manaŋ gorseŋ suu vi Levina a li sunda hu Mbutluɓ ma Tokkanni asiya, an yowosi ay ki duk suu Israelna ɦaŋsina ki a laŋ sunda, asi hin ki ni maŋ Yawe a li sunda hu Mbutluɓ ma Tokkana.

URA TIN AYRA 14:20

Gi deɓ maŋ Lo ma Kolona ma ɦaŋ saɓakŋa a su kay suu babali maŋsinana.» Abram ɦam keŋ ma doogona vi yam tlesuu nam ɦurumusi ayna nde nde halaŋ.

NDUMBA 31:28

Aŋ yow yam tlesuu vi suu duunana ki maŋ Yawe, kay suu warna suuna kis kis vadl ni aŋ tli va ki dew, kay yoorina kis kis vadl ni aŋ vi ki dew may, ni kay mbutlina, korra, u yoori suu gorina halaŋ.

GA 8ATAMBARA 18:8

Nam ti tiimma ni u tlesuu asi taarasi ayna, nam ndak a gus ki ti vunum u bege ndaɗta.

NEHEMI 12:47

Gegelay ma Israelna hu cokira vi Zorobabel u Nehemira ɦal tlesuu ɦasi ki maŋ suu gi soolla u suu kak fun zira hu buuna tew tew, tlesuu hini ki maŋ muli suu li ɓivunna, suu Levina ɦal tlesuu hinisi ki maŋ muli suu li ɓivunna, goryoŋ Aaronna may.

NEHEMI 13:5

Nam min zira ŋgolla. Asi ay jew cuk tlesuu ɦasi ki ɦalla ɦawarana huwa, mbitla, tlesuu sunda, nus fuɗ wa ble ma doogona, sum veŋ ma wilina u mbulna suu ɦal voɗta ki kasi maŋ muli suu li ɓivunna, suu gi soolla u suu kak fun zira u tlesuu yowosi ay maŋ muli suu li ɓivunnana lay.

MALASI 2:4

Agi hin wi ana an gagi humugi na ni kay a bana manda u Levira mbuɗ ki jivira. Yawe, ma Saɓakŋa Kom Belna, di na.

MALASI 3:10

Agi ɦagi yam tlena ki jivi ko an minda na ay hu zira tlena ka toki hura. Ko tlesuu tira li hu ziinda. Agi tukun ki u dla ndaɗta tuwa. Yawe, ma Saɓakŋa Kom Belna, di na. Lini an hin si yona kaŋga kagiɗi ni, lini an hin paɗ vunun ki kagi agi hin fi tlena ŋgollaɗi ni.

URA TIN AYRA 47:24

Hu li ma agi feɗ wana wani ɦam keŋ ma vadlna maŋ Faraw. Umba hinda ni a njafna may a tira magi agi u goryogi u suu magisina halaŋ.»

URA TIN AYRA 47:26

Yosef tin gaɗta kay dla ndaɗta gak gak karam lay ni, ŋgol wa ma hu sene ma Egiptena halaŋŋi maŋ Faraw. Sene ma vi muli suu li ɓivunna ka mambi ni nam hol.

NDUMBA 3:6

«Mbaa njaf suu vi Levina ay fok Aaron, mul ma li ɓivunna, kay a asi njunum a li sunda.

NEHEMI 10:38

Fuɗ maygira jivira yarasira, tlegeyeygi suu aygi cukusi ki keŋŋa, vuɗ ŋgusu maygina halaŋ, sum veŋ ma wilina, mbulna, aygi hin mbaasi ay maŋ muli suu li ɓivunna hu Ziŋ Looyginara kalafi u yam wa ma keŋ ma doogo ma aygi ɦam maŋ suu Levinana. Suu njun muli suu li ɓivunna, suu Levina, asina hin yow yam wa ma keŋ ma doogona hu li ma aygi li sunda huna halaŋ halaŋ.